جولدار: دەرەك پەن دايەك

مەملەكەت باسشىسىنىڭ تاپ­سىر­ماسىمەن بەلگىلەنگەن “جول كارتاسى” باعدارلاماسى اياسىندا وڭىردە الەمدىك داعدارىستىڭ سال­قىنىن سەزدىرمەۋ ماقساتىنداعى كەشەندى شارالار قولعا الىنىپ, دامۋدىڭ جاڭا ساتىسىنا باعىت تۇزەلگەنىن ايتۋعا بولادى. سونىڭ ءبىرى وڭىردەگى كوپ جىلدان بەرى كوڭىل بولىنبەگەن اۆتوكولىك جول­دارى قالپىنا كەلتىرىلىپ, جول قاۋىپسىزدىگى شارالارىنىڭ الدىن الۋعا باعىتتالعان جۇمىستاردىڭ تياناعى كەلتىرىلگەندىگى. باعدارلاما اياسىندا وتكەن جىلى جالپى پايدالانىمداعى اۆتوكولىك جولدارىن جوندەۋ مەن ۇستاۋعا 10 ملرد. تەڭگە جۇمسالىپ, بارلىعى 478 شاقىرىم, ياعني 1 ملن. 214,5 مىڭ شارشى مەتر جول قالپىنا كەلتىرىلىپتى. ولاردىڭ قاتارىندا تەكەلى, جامبىل, قاراتال, سارقان, تالعار, تاعى باسقا اۋداندارداعى الىس ەلدى مەكەندەر اراسىنداعى جولداردىڭ جوندەلگەنىن ايتۋعا بولادى.

كۇمىسجان بايجان,الماتى وبلىسى.

2 810 000 000 تاراز قالاسىنداعى 76 نىسانعا “جول كارتاسى” شەڭبەرىندە وسىنشاما تەڭگە ءبولىندى. بيىل “جول كارتاسى” شەڭ­بە­رىندە تاراز قالاسىنداعى 76 نى­سانعا 2 ميلليارد 810 ميلليون تەڭگە ءبولىندى. ونىڭ ىشىندە ين­جە­نەرلىك-كوممۋنيكاتسيالىق جۇيەنى دامىتۋعا 1 ميلليارد 429 ميلليون 650 مىڭ تەڭگە, “جەڭىس” ساياباعىن كورىكتەندىرۋ مەن كوگالداندىرۋعا 101 ميلليون تەڭگە, قالانىڭ 44 كوشەسىنىڭ جول وتەتىن بولىگىن قايتا جاڭعىرتۋعا 699 ميلليون 924 مىڭ تەڭگە قا­رالدى. ال №№ 13, 49 مەكتەپتەر مەن ەرەكشە كۇتىمدى قاجەت ەتەتىن بالالار مەن جاسوسپىرىمدەردىڭ مەكتەپ-ينتەرناتىن جوندەۋگە 99 ميلليون 375 مىڭ تەڭگە جۇم­سال­ماقشى. سونداي-اق, 7 اۋرۋحانا مەن 2 ەمحانانىڭ جوندەۋ جۇمى­سىنا 430 ميلليون 53 مىڭ تەڭگە ءبولىندى. وبلىستىق تاريحي-ولكەتانۋ مۇراجايىن جوندەۋگە 50 ميلليون تەڭگە قارالىپ وتىر.

كوسەمالى ساتتىباي ۇلى, جامبىل وبلىسى.

123 000 000 اقتوبە قالاسىنداعى اۋە قالاشىعى شاعىن اۋدانىندا پايدالانۋعا بەرىلگەن جاڭا ەمحاناعا اكەلىنگەن كومپيۋتەرلىك توموگرافيا وسىنشاما تەڭگەگە ساتىپ الىنعان.  امەريكالىق ء“رىLىPS” كوم­پا­نياسى شىعارعان بۇل اپپا­رات­تىڭ ارتىقشىلىعى كوپ. قازىر قا­لادا جۇمىس ىستەيتىن ءتورت كوم­پيۋ­تەرلىك توموگرافيانىڭ مۇم­كىندىگى ءار ءتۇرلى. جاڭا اپ­پا­رات رەنتگەن ساۋلەسىمەن جۇمىس ىستەيدى. بۇعان دەيىنگى توموگرافيا ادام اعزاسىن التى كەسكىندە تەك­سەرسە, بۇل اپپارات ونى ون التى ءبولىپ, اعزانىڭ ءار ميلليمەترىنىڭ كەسكىنىن كومپيۋتەردەن كورسەتە الادى. جاڭا كومپيۋتەرلىك تومو­گرا­فيا­دا ماسكەۋ قالاسىنداعى ەم­حا­نالاردىڭ بىرىندە ءبىلىمىن جە­تىلدىرىپ كەلگەن بىلىكتى دارىگەرلەر جۇمىس ىستەيدى. بۇگىنگى تاڭدا ەم­حانا وسى زامانعا ساي بارلىق قا­جەتتى مەديتسينالىق قوندىر­عى­لارمەن جاراقتاندىرىلعان. جۇمىسىن جاڭا باستاپ جاتقان ەمحانادا ەڭبەك ەتەتىن دەنساۋلىق ساقتاۋ سالاسىنىڭ 286 قىزمەتكەرى وسى اۋدانداعى 10 مىڭ تۇرعىنعا مەديتسينالىق قىزمەت كورسەتەدى.

ساتىبالدى ءساۋىرباي, اقتوبە وبلىسى.