پرەمەر – ءمينيستردىڭ ورىنباسارى جەڭىس قاسىمبەك اۋىل شارۋاشىلىعى مينيسترلىگى ۇجىمىنا جاڭا مينيستر ساپارحان كەسىكباي ۇلى وماروۆتى تانىستىردى دەپ حابارلايدى اشم ءباسپاسوز قىزمەتى.
قازاقستان رەسپۋبليكاسى پرەزيدەنتىنىڭ 2019 جىلعى 25 اقپانداعى № 851 جارلىعىمەن ساپارحان كەسىكباي ۇلى وماروۆ اۋىل شارۋاشىلىعى ءمينيسترى لاۋازىمىنا تاعايىندالدى.
ساپارحان كەسىكباي ۇلى وماروۆ 1968 جىلى 5 مامىردا شىمكەنت وبلىسىندا تۋعان. گ.ۆ. پلەحانوۆ اتىنداعى رەسەي ەكونوميكا اكادەمياسىن جانە قازاق مەملەكەتتىك زاڭ ۋنيۆەرسيتەتىن ەكونوميست جانە زاڭگەر ماماندىقتارى بويىنشا بىتىرگەن.
ەڭبەك جولىن 1995 جىلى قازاقستان رەسپۋبليكاسى ۇلتتىق كوميسسياسىنىڭ مامانى قىزمەتىنەن باستاعان.
1996 جىلدان 2007 جىلدار ارالىعىندا «ازىق-ت ۇلىك كەلىسىمشارت كورپوراتسياسى» اق ءبولىم باسشىسى, باسقارما باستىعىنىڭ ورىنباسارى, باسقارما باسشىسى, دەپارتامەنت ديرەكتورى جانە باسقارۋشى ديرەكتور قىزمەتتەرىن اتقاردى.
2007 جىلى «ازىق-ت ۇلىك كەلىسىمشارت كورپوراتسياسى» اق-نىڭ ۆيتسە-پرەزيدەنتى بولدى.
2007–2008 جىلدارى قازاقستان رەسپۋبليكاسى پرەزيدەنتىنىڭ ءىس باسقارماسى قازاقستان رەسپۋبليكاسى پارلامەنتىنىڭ شارۋاشىلىق باسقارماسى باستىعىنىڭ ورىنباسارى.
2008–2011 جىلدارى – قازاقستان رەسپۋبليكاسى پرەزيدەنتى اكىمشىلىگى اۋماقتىق-ۇيىمداستىرۋ جانە مەملەكەتتىك باقىلاۋ ءبولىمىنىڭ مەملەكەتتىك ينسپەكتورى.
2011–2014 جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى بولىپ قىزمەت اتقارعان.
2014 جىلدان 2016 جىلعا دەيىن قازاقستان رەسپۋبليكاسى اۋىل شارۋاشىلىعىنىڭ ۆيتسە-ءمينيسترى.
2016 جىلدان 2019 جىل ارالىعىندا VI سايلانعان قازاقستان رەسپۋبليكاسى پارلامەنتى ءمєجىلىسىنىڭ دەپۋتاتى, اگرارلىق ماسەلەلەر كوميتەتىنىڭ توراعاسى.
«قۇرمەت» وردەنىمەن, قازاقستان رەسپۋبليكاسى پرەزيدەنتىنىڭ العىس حاتىمەن, «تىڭعا 50 جىل» مەدالىمەن, «قازاقستان رەسپۋبليكاسىنىڭ تاۋەلسىزدىگىنە 10 جىل», «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالدارىمەن ماراپاتتالعان.