قورعاس شەكارالىق باقىلاۋ وتريادىنىڭ جاۋاپكەرشىلىك اۋماعىندا ورنالاسقان حالىقارالىق شەكارا بويى ىنتىماقتاستىعى ورتالىعىندا شەكاراشىلار كەشە, ءتۇس اۋا, ورتالىق اۋماعىنان قايتىپ كەلە جاتقان, شەكارالىق تەكسەرۋدى ءوتىپ بولعان 1989 جىلى تۋعان قازاقستاندىقتى ۇستادى. بۇل تۋرالى ۇقك شق ءباسپاسوز قىزمەتى حابارلادى.
ول ەل اۋماعىنا 140 شولمەك قىتاي اراعىن زاڭسىز وتكىزبەك بولعان ەكەن.
ءدال وسى شەكارا ناريادى «التىنكول» كەدەن بەكەتىنىڭ قىزمەتكەرلەرىمەن بىرلەسە وتىرىپ, ساعات 18-دەر شاماسىندا 22 جاستاعى قازاقستاندىق ازاماتشانى 1000-نان استام كومپيۋتەردىڭ, 333 دانا سمارتفوندار ديسپلەيىن زاڭسىز الىپ وتپەك بولعاندىعى ءۇشىن ۇستادى.
دەمالىس كۇندەرى بۇل وتريادتىڭ شەكاراشىلارى ورتالىق اۋماعىنان, يەسىز, ەكى توننادان استام حالىق تۇتىناتىن تاۋارلار مەن 1 تسەنتنەرگە جۋىق قىتاي ءدارى-دارمەگىن, 10 كگ-عا جۋىق ۇيالى تەلەفوننىڭ جابدىقتارىن تاۋىپ الىپ, «التىنكول» كەدەن بەكەتىنە تاپسىرعان بولاتىن.