تۇرعىنداردى «كوگىلدىر وتىنمەن» قامتۋ جۇمىستارى قارقىندى جۇرگىزىلىپ جاتقان تۇركىستان قالاسىندا تابيعي گازدى تۇرعىن ۇيگە كىرگىزۋ قۇنى تومەندەدى. ياعني تابيعي گازدى جەكە تۇرعىن ۇيگە كىرگىزۋ باعاسى بۇرىن 106 000 تەڭگە بولسا, ەندى - 85 000 تەڭگە.
سونداي-اق بۇل سومانى ءبولىپ تولەۋ جولدارى قاراستىرىلعان. «تۇركىستان قالاسىن گازداندىرۋ ءىسى بۇگىنگى كۇننىڭ باستى ماسەلەسىنىڭ ءبىرى. كوگىلدىر وتىندى ۇيگە دەيىن كىرگىزۋ جۇمىستارىن 80 مىڭ تەڭگەگە دەيىن تومەندەتتىك. ال, 6 مىڭ تەڭگە گاز ءوشىپ قالعاندا تۇرعىندار گازعا تۇنشىعىپ قالماس ءۇشىن, اۋانى تازارتاتىن قۇرالدىڭ باعاسى. ونىڭ 1000 تەڭگەسى گاز قۇبىرىن جۇرگىزۋشى مەردىگەر مەكەمەنىڭ ەسەبىنەن تولەنىپ وتىر. ۇيگە دەيىن گاز كىرگىزۋدىڭ جالپى سوماسى 85 مىڭ تەڭگە بولىپ بەكىتىلدى. سونداي-اق, تۇرعىنداردىڭ 85 مىڭ تەڭگەنى ءۇش ءبولىپ تولەۋگە دە مۇمكىندىگى بار. ءبىرىنشى كەزەڭدە قۇجاتتامالار جاساۋ ءۇشىن 30 مىڭ تەڭگە تولەيدى. قۇجاتتامالار تولىعىمەن اياقتالعاننان سوڭ گاز قۇبىرىنىڭ ىشكى قۇرىلىستارى جۇرگىزىلەتىن تۇستا 30 مىڭ تەڭگە تولەيدى. قۇرىلىس جۇمىستار تولىعىمەن ءتامامدالىپ, گازدى قوساتىن كەزدە قالعان 25 مىڭ تەڭگەسىمەن ەسەپتەسەتىن بولادى», – دەدى قالا تۇرعىندارىمەن كەزدەسۋدە «نۇر وتان» پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى نۇرماحان جولداسوۆ.
بيىل تۇركىستان قالاسى تۇرعىندارىنىڭ 60 پايىزعا جۋىعى, ال 2020 جىلى تولىعىمەن تابيعي گازبەن قامتىلماق.
عالىمجان ەلشىباي,
«Egemen Qazaqstan»
تۇركىستان وبلىسى