قازاقستاندىق تەننيسشى ميحايل كۋكۋشكين اتر الەمدىك رەيتينگىندە تۇڭعىش رەت العاشقى 40 سپورتشىنىڭ قاتارىنا كىردى دەپ جازادى Olympic.kz.
مارسەلدە وتكەن اتر 250 ءتۋرنيرىنىڭ فينالىنا جەتكەن ول ءوز كورسەتكىشىن جاقسارتىپ, اتر رەيتينگىندە 39-شى ورىنعا كوتەرىلدى. مارسەلدەگى ءتۋرنيردىڭ جارتىلاي فينالىندا ول فرانتسيالىق ۋگو ۋمبەردى ۇتقان بولاتىن.
فينالدىق كەزدەسۋدە كۋكۋشكين گرەكيالىق ستەفانوس تسيتسيپاستان ەكى سەت قورىتىندىسى بويىنشى جەڭىلىس تاپتى.
ميحايل كۋكۋشكين بۇرىن-سوڭدى ۇزدىك 40 تەننيسشىنىڭ قاتارىنا ەنبەگەن بولاتىن.