«Qazaq radiolary» سەرىكتەستىگى تاراپىنان ەكىنشى جىل قاتارىنان ۇيىمداستىرىلىپ وتىرعان «مىڭ العىس» شاراسى اياسىندا الماتىدا قايىرىمدىلىق كونتسەرتى ءوتتى.
كومەككە مۇقتاج جاندارعا قول ۇشىن بەرۋ, قايىرىمدىلىق كورسەتىپ جۇرگەن جانداردى ۇلگى ەتۋدى ماقسات ەتەتىن وسىناۋ يگى شارا باستالعالى راديو اكىمشىلىگىنە وتىزدان استام ءوتىنىش كەلىپ تۇسكەن. قازاق راديوسى الماتى ستۋدياسىنىڭ جەتەكشىسى باقىت جاعىپار ۇلىنىڭ ايتۋىنشا, قازاق دالاسىنىڭ ءار ۇنىنە قۇلاق ءتۇرىپ, ەل تىنىسىن دارحان دالاعا پاش ەتىپ وتىرعان قازاق راديوسى الەۋمەتتىك ماسەلەلەردى ءار كەز نازاردان تىس قالدىرمايدى. وسى باعىتتا «مىڭ العىس», «زاڭگەر كەڭەسى», «دەنساۋلىق», ء«بىرىنشى بايلىق», ت.ب. باعىتتاعى ايدارلار تىڭدارماندى تولعاندىرعان كوپتەگەن ساۋالداردىڭ جاۋابىن تاۋىپ كەلەدى.
وسى «مىڭ العىس» شاراسى اياسىندا راديو اكىمشىلىگى وتىنىشتەر ىشىنەن ىرىكتەپ مۇقتاجعا اسا ءزارۋ ازاماتتاردى انىقتادى. ولاردىڭ قاتارىندا الماتى وبلىسى رايىمبەك اۋدانى شالكودە اۋىلىنىڭ تۇرعىنى 24 جاستاعى بولات تۇڭعاتاروۆ بار.
ون جىلدان استام اۋرۋحانالاردىڭ ەسىگىن توزدىرعان بولات دياس ۇلى سول جاق اياعىندا ءولى ەت پايدا بولدى دەگەن دياگنوزبەن ەمدەلىپ, بىرنەشە وتانى باسىنان وتكىزگەن. كەيىننەن قان اينالىم جۇيەسى بۇزىلعاندىعى انىقتالىپ, سول جاق اياعىنا 3 ليتردەن استام قان جينالىپ قالۋى مازالاي باستايدى. بۇل دەرتتەن ساۋىعۋ ءۇشىن بولاتقا كورەيا ەلىنە بارىپ ەمدەلۋ قاجەت. وسى قايىرىمدىلىق شاراسى اياسىندا قۇرمانعازى اتىنداعى قازاق مەملەكەتتىك اكادەميالىق وركەسترىنىڭ كونتسەرت زالىندا ەلىمىزگە تانىمال ونەر وكىلدەرى ءان سالىپ, قوڭىر كۇيدىڭ كۇمبىرىمەن بولاتتىڭ ساۋىعىپ كەتۋىنە جۇرەكجاردى تىلەكتەرىن ارنادى. جومارت جۇرەكتەردەن جىلۋ جيناعان قايىرىمدىلىق شاراسى الداعى كۇندەردە استانا قالاسىندا دا جالعاسىن تاباتىن بولادى.
ەلۆيرا سەرىكقىزى,
«ەqemen Qazaqstan»
الماتى