قازاق ساۋلەت ونەرىنە ساۋلەلى ءىز قالدىرعان قالدىباي مونتاحاەۆتىڭ ەسىمى ەلگە جاقسى تانىس. تالاي سالتاناتتى عيماراتتاردىڭ ساپ تۇزەۋىنە سەپتىگىن تيگىزىپ, ەلىمىزدىڭ كوركەيۋىنە ەلەۋلى ۇلەس قوسقان ساۋلەتشىنىڭ ەسىمىن ۇرپاققا جەتكىزۋ ماقساتىندا الماتىدا ەسكەرتكىش تاقتا ورناتىلدى.
مەموريالدى تاقتايشا قالاداعى تيميريازەۆ پەن ناۋرىزباي باتىر كوشەلەرىنىڭ قيىلىسىنداعى ساۋلەتشىنىڭ كوزى تىرىسىندە ءوزى تۇرعان ءۇيىنىڭ قابىرعاسىنان ورىن العان.
«ورتالىق ازياداعى كسرو-نىڭ حالىق ساۋلەتشىسى اتاعىن العان جالعىز ساۋلەتشى قالدىباي جۇماعالي ۇلى سانالى عۇمىرىن حالقىنا ارنادى. ونىڭ قازاق ساۋلەت ونەرىنە سىڭىرگەن ەڭبەگى زور. ول وتە بەلسەندى ازامات بولاتىن. اينالاسىنا ۇنەمى جاس ساۋلەتشىلەردى جيناپ, ولارعا بىلگەنىن ۇيرەتۋدەن جالىقپايتىن. وعان جاسالعان قۇرمەت – بۇكىل قازاق ساۋلەت ونەرىنە بەرىلگەن بيىك باعا دەپ ەسەپتەيمىن», – دەيدى «الماتىباسجوسپار» عىلىمي-زەرتتەۋ ينستيتۋتى ديرەكتورىنىڭ كەڭەسشىسى جانات ايتىلەۋ.
ءبىر كەزدەرى قازاقستان ساۋلەتشىلەر وداعىنا جەتەكشىلىك ەتكەن قالدىباي مونتاحاەۆ الماتىداعى رەسپۋبليكا الاڭى, قالالىق اكىمدىك عيماراتى, پرەزيدەنت رەزيدەنتسياسى, اۋەجاي عيماراتى سىندى كوپتەگەن جوبالاردىڭ اۆتورى. بۇدان بولەك ەلىمىزدىڭ ۇلكەن قالالارىنداعى بىرقاتار ەڭسەلى عيماراتتاردىڭ ەسىمى مونتاحاەۆتىڭ قولتاڭباسىمەن تىعىز بايلانىستى.
ارمان وكتيابر,
«ەگەمەن قازاقستان»
الماتى