تاياۋ جىلدارى وڭدەۋشى ونەركاسىپ كاسىپورىندارى ءۇشىن قولجەتىمدى كرەديت بەرۋ ەسەبىنەن تاۋار يمپورتىنىڭ ۇلەسىن 14% -عا ازايتۋ جوسپارلانۋدا. بۇل تۋرالى يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك بەيسەنبى كۇنى ۆەدومستۆو القاسىنىڭ وتىرىسىندا ايتتى.
«قاراپايىم زاتتار ەكونوميكاسىن» دامىتۋ ماقساتىندا 600 ملرد تەڭگە كولەمىندە وتاندىق كاسىپورىندارعا قولجەتىمدى كرەديت بەرۋدىڭ ەرەكشە شارتتارى مەن تەتىگى انىقتالدى, ونىڭ 400 ملرد تەڭگەسى وڭدەۋ ونەركاسىبىنە باعىتتالادى. جاڭا قارجىلاندىرۋ جۇيەسى جاقىن جىلدارى اتالعان تاۋارلار بويىنشا يمپورت ۇلەسىن 14-15% - عا تومەندەتۋگە مۇمكىندىك بەرەدى», دەدى مينيستر.
مينيستر بۇل شارالار قازاقستاندىقتار كۇن سايىن پايدالاناتىن 250-گە جۋىق حالىق تۇتىناتىن تاۋارلار ءوندىرىسىن ىسكە قوسۋعا جانە ۇلعايتۋعا مۇمكىندىك بەرەتىنىن ايتتى. بۇنىڭ قاتارىندا جەڭىل ونەركاسىپ, جيھاز ونەركاسىبى, سونداي-اق قۇرىلىس ماتەريالدارى بار.