پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى ج. قاسىمبەك, دەنساۋلىق ساقتاۋ ءمينيسترى ە. ءبىرتانوۆ, اۋىل شارۋاشىلىعى ۆيتسە-ءمينيسترى ب. بەيسەنعاليەۆ تەحنيكالىق رەتتەۋ جانە ونى ءارى قاراي جەتىلدىرۋ ماسەلەلەرى بويىنشا قابىلدانعان شارالار تۋرالى بايانداما جاسادى.
قر يدم مالىمەتتەرى بويىنشا, ىشكى نارىقتا ونىمدەردىڭ قاۋىپسىزدىگى مەن ساپاسىن قامتاماسىز ەتۋ جانە ەكسپورتقا جاعداي جاساۋ ماقساتىندا 2018 جىلى «ستاندارتتاۋ تۋرالى» قر زاڭى جانە وعان ىلەسپەلى زاڭنامالىق وزگەرىستەر قابىلداندى. بيزنەستى جاڭا تالاپتارعا قايتا باعدارلاۋ ءۇشىن زاڭداردىڭ كۇشىنە ەنۋ مەرزىمى 2019 جىلدىڭ 11 ساۋىرىنە بەلگىلەندى.
ەۋروپا ەلدەرىنىڭ تاجىريبەسىنە نەگىزدەلە وتىرىپ قابىلدانعان زاڭ ستاندارتتاۋدىڭ حالىقارالىق ۇلگىسىنە وتۋگە جاعداي جاسايدى جانە مىنالاردان تۇرادى:
ستاندارتتاۋ بويىنشا جۇمىستاردىڭ بىرىڭعاي وپەراتورى رەتىندە ۇلتتىق ستاندارتتاۋ ورگانىن بەلگىلەپ, ۇلتتىق ستاندارتتاۋ جۇيەسىن قۇرۋ; «مەملەكەت-بيزنەس-تۇتىنۋشى» اراسىندا ستاندارتتاردى كونسەنسۋستىق تالقىلاۋ ورتالىعى رەتىندە ستاندارتتاۋ جونىندەگى تەحنيكالىق كوميتەتتەر مارتەبەسىن ارتتىرۋ; بىرىڭعاي تالاپتاردى بەلگىلەۋ ماقساتىندا تەحنيكالىق ەرەكشەلىكتەر ارقىلى مەملەكەتتىك ساتىپ الۋدا, سالالىق زاڭنامادا ستاندارتتاردى, ونىڭ ىشىندە ساپاسى بويىنشا قولدانۋ اياسىن كەڭەيتۋ.بۇدان وزگە, يدمب-3 مىندەتتەرىن ىسكە اسىرۋ اياسىندا ءاربىر تاۋارلىق توپ بويىنشا ستاندارتتان انىقتالماق. بۇل وندىرۋشىلەردى جوعارى ساپاعا باعدارلاۋعا مۇمكىندىك بەرەدى.
جالپى, ج. قاسىمبەكتىڭ ايتۋىنشا, تۇزەتۋلەر ولشەم قۇرالدارىن كاليبرلەۋدى دامىتۋدىڭ حالىقارالىق ۇلگىسىن ەنگىزۋگە, ياعني شىعارىلاتىن ءونىم ساپاسىن ارتتىرۋعا باعىتتالعان.
ء«ونىمدى ىلگەرىلەتۋ كەزىندەگى تەحنيكالىق كەدەرگىلەردى جويۋ بويىنشا جوسپار ازىرلەندى. باستى شارالار رەتىندە مىنالار انىقتالدى: وڭدەلگەن ءونىم تۋرالى تالاپتاردى زەردەلەۋ جانە كەلىسۋ, ستاندارتتاردى بەيىمدەۋ, سونداي-اق, قازاقستاندىق اككرەديتتەۋ جۇيەسىنە اككرەديتتەۋدەن وتۋگە ۇمىتكەر شەتەلدىك سەرتيفيكاتتاۋ ورگاندارىن تارتۋدا اككرەديتتەلگەن جانە سىناق ورتالىقتارى بازاسىن دايىنداۋ. قازىرگى ۋاقىتتا وسى جوسپاردى ىسكە اسىرۋعا كىرىسىپ كەتتىك», — دەپ تۇيىندەدى ج. قاسىمبەك.
ايتا كەتۋ كەرەك ءونىمدى ىلگەرىلەتۋ كەزىندەگى تەحنيكالىق كەدەرگىلەردى جويۋ بويىنشا جوسپار دەنساۋلىق ساقتاۋ, اۋىل شارۋاشىلىعى مينيسترلىكتەرىمەن بىرلەسە وتىرىپ ازىرلەنگەن.