بۇل جونىندە وڭىرلىك كوممۋنيكاتسيالار قىزمەتىندە وتكەن بريفينگتە ماڭعىستاۋ وبلىستىق جەر قاتىناستارى باسقارماسىنىڭ باسشىسى ە.دۇزماعانبەتوۆ مالىمدەدى.
ماڭعىستاۋ وبلىسىنىڭ جەر قاتىناستارى باسقارماسى تاراپىنان 2018 جىلى جەر قويناۋىن پايدالانۋ ءۇشىن جەر ۋچاسكەلەرىن ۋاقىتشا وتەۋلى جەر پايدالانۋ (جالداۋ) قۇقىعىمەن بەرۋ جونىندە ماڭعىستاۋ وبلىسى اكىمدىگىنىڭ 34 قاۋلىسى قابىلداندى. قابىلدانعان قاۋلىلاردىڭ نەگىزىندە اۋىلشارۋاشىلىق جەرلەرىن وندىرىستىك ماقساتتا پايدالانۋ ءۇشىن جالعا بەرۋ بويىنشا 58 ملن 401 مىڭ تەڭگەگە ەسەپتەلىپ, بۇگىنگى كۇنگە دەيىن 40 ملن 643 مىڭ تەڭگەسى بيۋدجەتكە تۇسكەن. قالعان 17 ملن 757 مىڭ تەڭگەسى شەشىم قابىلداعان كۇننەن باستاپ 6 اي مەرزىم ىشىندە الداعى ۋاقىتتا بيۋدجەتكە وتەلەتىن بولادى. سونداي-اق وبلىس كولەمىندە 2018 جىلى 19 اۋكتسيون وتكىزىلىپ, كولەمى 57,0622 گەكتار قۇرايتىن 167 جەر ۋچاسكەسى 1 ملرد 312 ملن تەڭگەگە ساتىلعان جانە 4 كونكۋرس ارقىلى 57580,4 گەكتاردى قۇرايتىن 143 جەر ۋچاسكەسى اۋىل شارۋاشىلىعى ماقساتىنا بەرىلگەن.
- 2018 جىلى جەر قويناۋىن جانە وزگە دە جەر ۋچاسكەسىن پايدالانۋ ءۇشىن «جەر ۋچاسكەلەرىن بەرۋ جانە وزگە دە جەر قاتىناستارى ماسەلەلەرىن قاراۋ جونىندەگى» وبلىستىق كوميسسيانىڭ 6 وتىرىسى وتكىزىلىپ, كەڭ تارالعان پايدالى قازبالار بويىنشا - 26, كومىرسۋتەگى شيكىزاتى بويىنشا – 15, اسكەري بولىمدەر بويىنشا – 16, ينۆەستيتسيالىق جوبالار بويىنشا – 3, ماگيسترالدىق قۇبىرجولدارعا بەرىلگەن جەر ۋچاسكەلەرىنىڭ كۇزەت ايماقتارىن بەلگىلەۋ بويىنشا تۇسكەن 1 وتىنىش قاناعاتتاندىرىلدى. جەر قويناۋىن پايدالانۋ ماقساتىندا ۋاقىتشا وتەۋلى جەر پايدالانۋ قۇقىعىمەن باسقارما مەن جەر پايدالانۋشىلار اراسىندا 38 جەكە جانە زاڭدى تۇلعامەن كەلىسىمشارت جاساقتالدى. سونداي-اق, بەينەۋ, سارعا, تاۋشىق, باسقۇدىق اۋىلدارىنىڭ شەكاراسىن بەلگىلەۋ, التى ەلدى مەكەن بويىنشا جەردى ايماقتارعا ءبولۋ, جەكە مەنشىككە بەرىلەتىن جەر ۋچاسكەلەرى ءۇشىن ەلدى مەكەندەردىڭ بازالىق ستاۆكالارىن بەلگىلەۋ بويىنشا اۋقىمدى جۇمىستار اتقارىلدى, - دەيدى ول.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى