تۇپقاراعان اۋدانىنىڭ تجب-ءنىڭ, ماڭعىستاۋ وبلىسى تجد-ءنىڭ جۇمىس جوسپارىن ورىنداۋ جانە اۆتوكولىكتەردە ورتتەردىڭ كوبەيۋىنە بايلانىستى جانە اۆتوكولىكتەردەگى ورتتەردىڭ الدىن الۋ ماقساتىندا تۇپقاراعان اۋدانىنىڭ توتەنشە جاعدايلار ءبولىمى جانە تۇپقاراعان اۋدانى ءىىب-ءنىڭ جەرگىلىكتى پوليتسيا قىزمەتىمەن بىرلەسە 2019 جىلدىڭ 11 قاڭتارى مەن 31 قاڭتارى ارالىعىندا «قاۋىپسىز كولىك» اتتى اكتسياسى وتكىزىلىپ جاتىر.
تۇپقاراعان اۋدانىندا 2018 جىلدىڭ 12 ايىندا 18 ءورت وقيعاسى تىركەلدى. ونىڭ ىشىندە 5 ءورت وقيعاسى اۆتوكولىكتەرە تىركەلىپ وتىر. ورتتەردىڭ نەگىزگى شىعۋ سەبەپتەرىنە كەلەتىن بولساق اۆتوكولىكتىڭ ەلەكتر جابدىقتارى قوندىرعىلارىن قۇرۋ, پايدالانۋ تالاپتارىنىڭ بۇزىلۋىنان ەلەكتر جەلىلەرىنىڭ قىسقاشا تۇيىقتالۋ جاعدايلارى اسەر ەتۋىنەن جانە قوزعالتقىشتى جىلىتۋ ماقساتىندا اشىق وتتى پايدالانۋ كەزىندە ءورت قاۋىپسىزدىك ەرەجەلەرىن ساقتاماۋدان بولىپ وتىر.
تۇپقاراعان اۋدانىنىڭ توتەنشە جاعدايلار بولىمى جانە جەرگىلىكتى پوليتسيا قىزمەتكەرلەرى بىرلەسە فورت-شەۆچەنكو قالاسىنىڭ, باۋتين اۋىلى تۇرعىندارىنىڭ جۇرگىزۋشىلەرىنە اۆتوكولىكتەردە ءورت قاۋىپسىزدىك ەرەجەلەرىن ساقتاۋ, ءورت كەزىندەگى ءىس-ارەكەتتەر مەن العاشقى ءورت ءسوندىرۋ قۇرالدارىن قولدانۋ ەرەجەلەرى ءتۇسىندىرىپ, جۇرگىزۋشىلەرگە اۆتوكولىكتەردەگى ءورت قاۋىپسىزدىك جادنامالارى تاراتىپ جاتىر.
- اۆتوكولىككە ەلەكتر دانەكەرلەۋ جانە باسقا وتپەن بايلانىستى جۇمىستاردى جۇرگىزۋدى تەحنيكالىق نۇسقاۋلىقتان وتكەن, رۇقسات قۇجاتى بار ماماندارعا تاپسىرىپ, جاساتۋ ۇسىنىلادى. جۇرگىزۋشىلەر ء«ورت قاۋىپسىزدىك ەرەجەسى» تالاپتارىنىڭ ساقتالۋىن قامتاماسىز ەتسە ەكەن, - دەيدى تۇپقاراعان اۋدانىنىڭ توتەنشە جاعدايلار ءبولىمىنىڭ باستىعى, ازاماتتىق قورعاۋ مايورى ن.الدجانوۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى