وتكەن جىلدىڭ قاراشاسىندا باستالعان «سارى جيلەتتىلەردىڭ» جاپپاي نارازىلىق شارالارى فرانتسيا ەكونوميكاسىنىڭ وسۋىنە كەرى اسەر ەتكەن. بۇل تۋرالى euronews.com حابارلادى.
ساراپشىلاردىڭ باعالاۋى بويىنشا وتكەن جىلدىڭ سوڭعى توقسانىندا ءىجو ءوسىمى 0,2%-دى قۇراعان. جاپپاي دەمونستراتسيالار ونەركاسىپتىك ءوندىرىس پەن قىزمەت كورسەتۋ سالاسىنا اسەر ەتتى.
پاريج مەرياسىنداعى ەسەپتەۋ بويىنشا جەلتوقسان ايىندا استانالىق قوناق ءۇي سەكتورى 3% - عا قىسقارعان. ۇكىمەتكە قارسى مانيفەستاتسيالاردىڭ كەرى اسەرىنەن تۋريستەر فرانتسياعا بارۋدان باس تارتقان. Air France KLM اۋە كومپانياسى 15 ميلليون ەۋرو شىعىنعا باتقان. ال كوتەرمە ساۋدانىڭ قۇلدىراۋىنا بايلانىستى ساۋدا ورتالىقتارى مەن دۇكەندەردىڭ شىعىنى 2 ميلليارد ەۋروعا جەتكەن.
پرەمەر-مينيستر ەدۋار فيليپپ وسى جىلى مەملەكەتتىك بيۋدجەت تاپشىلىعى ءىجو-ءنىڭ 3,2% - عا جەتەتىنىن راستادى. «سارى جيلەتتىلەرمەن» بولعان جاعدايدان سوڭ پرەزيدەنت ەممانۋەل ماكرون داۆوستاعى دۇنيەجۇزىلىك ەكونوميكالىق فورۋمعا ساپارىن توقتاتۋعا ءماجبۇر بولدى.