تايلاندتاعى داۋىلدا قازاقستاندىقتار زارداپ شەككەن جوق. بۇل تۋرالى قازاقپارات قر سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى ايبەك سمادياروۆقا سىلتەمە جاساپ حابارلايدى.
«تايلاندتاعى داۋىلدىڭ بەتى قايتتى. ول تايلاندتىڭ كرابي پروۆينتسياسى مەن پحۋكەت ارالىنا 4 قاڭتاردان 5 قاڭتارعا قاراعان ءتۇنى جەتتى. تاڭەرتەڭ قۇيىن سولتۇستىك-باتىسقا قاراي ويىسىپ, اندامان تەڭىزىنە قاراي كەتتى. تايلاند كۋرورتتارىندا تىنىعىپ جاتقان قازاقستان ازاماتتارى زارداپ شەككەن جوق. وتانداستارىمىزدان شاعىم تۇسكەن جوق. ءبىزدىڭ ديپلوماتتار جاعدايدى ەرەكشە باقىلاۋدا ۇستاپ وتىر», - دەپ اتاپ ءوتتى ايبەك سمادياروۆ.
تاي بيلىگىنىڭ بولجامىنشا, جاڭبىرلى اۋا رايى ءالى دە بىرنەشە كۇن ساقتالادى. كەي اۋداندار سۋ استىندا قالىپ قويعان. وسىعان بايلانىستى قر سىرتقى ىستەر مينيسترلىگى قازاقستاندىقتاردى بارىنشا اباي بولىپ, سۋدان ساقتانۋعا شاقىرادى. اسا ۇلكەن قاجەتتىلىك بولماسا, كۋرورتتان تىس جەرلەرگە شىقپاعان ءجون.
ايتا كەتۋ كەرەك, قازاقستاندىق باق-تا جاريالانعان ەسكەرتپەدەن كەيىن كوپتەگەن وتانداستارىمىز ديپلوماتتارمەن بايلانىسقا شىعىپ, ءوز كوورديناتتارىن قالدىرعان. ەلشىلىك ولارمەن تىعىز بايلانىستا جۇمىس ىستەپ, بارلىق قاجەتتى كومەكتى كورسەتۋگە ءازىر.