ءۇندىستاننىڭ حيماچال-پرادەش شتاتىندا وقۋشىلاردا مەكتەپكە اپارا جاتقان اۆتوبۋس اۋدارىلىپ, 7 ادام قازا تاپتى, دەپ حابارلايدى قازاقپارات NDTV ارناسىنا سىلتەمە جاساپ.
وقيعا تاڭعى ساعات 8.00 شاماسىندا, شتات استاناسى شيملادان 150 شاقىرىم جەردە ورىن العان. اۆتوبۋس بالالاردى سانگرا قالاشىعىنداعى DAV مەملەكەتتىك مەكتەبىنە اپارا جاتىپ, قۇزعا قۇلاپ كەتكەن. سالدارىنان 7 ادام - 6 وقۋشى, ءبىر جۇرگىزۋشى كوز جۇمدى. 12 بالا جاراقات الىپ, اۋرۋحاناعا جەتكىزىلدى. پوليتسەيلەردىڭ ايتۋىنشا, كەي بالالاردىڭ جاعدايى اسا اۋىر.
الدىن الا بولجام بويىنشا, اپاتقا 40 جاستاعى جۇرگىزۋشىنىڭ ۇقىپسىزدىعى سەبەپ بولعان.
فوتو: Getty Images