ەلوردانىڭ پوليتسەي قىزمەتكەرلەرى جىلى ايالدامانىڭ ەسىگىن سىندىرعان بۇزاقىنى تاپتى, دەپ حابارلايدى قازاقپارات ءتىلشىسى.
جىلى ايالدامانىڭ ەسىگىن قيراتقان 22 جاسار تۇركىستان وبلىسىنىڭ ازاماتى بولىپ شىقتى. ۇستالعان ازامات بۇزاقىلىقتى اشۋمەن ىستەگەنىن مويىنداپ, حالىقتان كەشىرىم سۇرادى.
«2 قاڭتار كۇنى جىلى ايالداماعا قىزىم ەكەۋمىز جىلىنۋعا كىرگەنبىز. سودان ارامىزدا كەلىسپەۋشىلىك بولىپ, قىزۋقاندىلىققا بوي الدىردىم. سول جەردە ەسىكتى تەۋىپ سىندىرىپ جىبەردىم. مەن استانا حالقىنان كەشىرىم سۇرايمىن. كەلتىرىلگەن زارداپتاردىڭ ءبارىن قالپىنا كەلتىرەمىن», - دەدى ۇستالعان ازامات.