2018 جىلعى قاڭتار-جەلتوقساندا ونەركاسىپ ونىمدەرىن وندىرۋشىلەر باعاسى 12,4%-عا جوعارىلادى. باعانىڭ كەن ءوندىرۋ ونەركاسىبىندە - 16,3%, وڭدەۋ ونەركاسىبىندە 8,8%-عا جوعارىلاۋى بايقالدى. ونەركاسىپتىك ءونىم - 12,9%, ونەركاسىپتىك سيپاتتاعى قىزمەتتەر 6,7%-عا قىمباتتادى. بۇل تۋرالى ستاتيستيكا كوميتەتى حابارلادى.
وتكەن جىلدا ءوندىرۋشى كاسىپورىندار باعاسى ديزەل وتىنىنا - 26,2%, مازۋتقا - 20,5%, مۇنايعا - 18%, تابيعي گازعا - 15%, كومىرگە - 10,7%, سۇيىتىلعان پروپان جانە بۋتانعا - 7,7%, مەتالل كەندەرىنە - 2,2%, بەنزينگە 1,8%-عا جوعارىلادى.
باعانىڭ فەرروقورىتپالارعا - 24%, قارا مەتالدار يلەگىنە - 15,4%, اليۋمينيگە - 3,8%, مىسقا 1,5%-عا جوعارىلاۋى, ولاردىڭ قورعاسىنعا - 12%, مىرىشقا 4,8%-عا تومەندەۋى تىركەلدى.
وندىرۋشىلەر باعاسىنىڭ كۇرىشكە - 22,4%, قۇس ەتىنە - 14,5%, مال ەتىنە - 3,6%, قارا بيداي ۇنىنا - 9,7%, بيداي ۇنىنا - 6,7%, شايعا - 8,9%, وسىمدىك مايىنا - 8,3%, قانتقا - 5,2%, ءسۇت ونىمدەرىنە - 2,7%, جارمالارعا - 1,5%, نانعا 1,3%-عا جوعارىلاۋى بايقالدى.