حالىقارالىق دارەجەدەگى سپورت شەبەرى, ەۋروپا چەمپيوناتىنىڭ كۇمىس جۇلدەگەرى, الەم كۋبوگىنىڭ, كسرو–اقش ماتچى كەزدەسۋىنىڭ, كسرو حالىقتارى سپارتاكياداسىنىڭ, كسرو كۋبوگىنىڭ ءتورت مارتە جەڭىمپازى بولعان داڭقتى سپورتشى كاميل ءسافيننىڭ قۇرمەتىنە ارنالعان رەسپۋبليكالىق ءتۋرنيردىڭ جەڭىمپازدارى انىقتالدى.
بىرنەشە كۇنگە سوزىلعان بايراقتى باسەكەگە استانا, الماتى, شىمكەنت, پەتروپاۆل قالالارىنان, اقمولا, الماتى, قوستاناي, قىزىلوردا, ماڭعىستاۋ, تۇركىستان, سولتۇستىك قازاقستان وبلىستارىنان كەلگەن كىل شەبەرلەر جۇدىرىقتاسىپ, شارشى الاڭنىڭ شاڭىن قاقتى.
46 كيلو سالماق بويىنشا اقتىق باسەكەدە الاڭ يەسى تاستۇلەك اسىلبەك استانالىق سەيىلبەك الكەيدى ۇتتى. 49 كيلو سالماق دارەجەسىندە تۇركىستاندىق ءتالىپ رىسحان قارسىلاس شىداتپادى. 52, 56, 60, 75, 91 كيلو سالماق بويىنشا دارىن قۇلجاباەۆ /الماتى وبلىسى/, نۇرعالي ساعدات, دىلشاتبەك تايىرجانوۆ, وكارو دجوزەف /سولتۇستىك قازاقستان, / ابزال قۇلجان /اقتاۋ/ جەڭىستىڭ ەڭ بيىك تۇعىرىنا كوتەرىلدى.
91 كيلودان جوعارى سالماقتا شىمكەنتتىك وزوت يريسمەتوۆ چەمپيون اتاندى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى