گەرمانيالىق ساراپشى اقتوبەلىك قوناقۇي بيزنەسىنىڭ ساپاسىن ارتتىرۋعا كەلدى

ء«بىزدىڭ وڭىرىمىزدەگى قىزمەت كورسەتۋ ساپاسى ايتارلىقتاي جاقسارىپ كەلەدى. دەگەنمەن حالىقارالىق ستاندارتتارعا ساي بولۋ ءۇشىن شەتەلدىك ساراپشىلاردى تارتۋدى ءجون سانادىق. قىزمەتكەرلەرىمىز گەرمانيالىق ساراپشىدان ءبىراز نارسەنى ۇيرەندى. گەرمانياداعى قوناق ءۇي بيزنەسىنىڭ ستاندارتتارى بىزدىكىنەن وزگەرەك. وعان حالىقتىڭ تۇرمىس دەڭگەيى دە اسەر ەتەدى. الايدا الارىمىز كوپ ەكەن»,-دەيدى «مەيرامحانا جانە قوناق ۇيلەر قاۋىمداستىعىنىڭ» ءتورايىمى بانۋ تىلەگەنوۆا.

 كورنەليۋس كيرش - گەرمانيامەن قاتار, افريكا, اقش ەلدەرىنىڭ "Ramada Hotels International" سەكىلدى بىرنەشە قونقۇيلەرىن, نيۋ-يوركتەگى نەمىس ءتۋريزمى ورتالىعىن باسقارعان 50 جىلعا جۋىق تاجىريبەسى بار, بىلىكتى مامان.

«اقتوبەلىك قوناقۇي جانە مەيرامحانا يەلەرىنىڭ ۇلتتىق مادەني مۇرالاردى جاڭعىرتۋعا تالپىنىستارى ۇنادى. ءداستۇر-سالتتارىڭىز, تاعامدارىڭىز دا ماقتاۋعا تۇرارلىق. الايدا, بەلگىلى ءبىر ستاندارتتارعا ساي بولۋ-جاڭا دەڭگەيگە كوتەرىلۋگە سەبەپشى بولادى. مەيرامحانا مەن قوناقۇي بيزنەسىندە ءتارتىپ پەن كوماندادا جۇمىس ىستەۋ شارتتارىن بۇلجىتپاي ورىنداۋ كەرەك. سوندا عانا بۇل بيزنەستى تابىستى ەتۋگە بولادى»,-دەپ ءوز ويىمەن ءبولىستى  كورنەليۋس كيرش.

بۇدان بۇرىن ساراپشى مارتوك اۋدانىنداعى ء«زارۋ» شيپاجايىنىڭ قىزمەتكەرلەرى جانە اۋدانداعى مەيرامحانا باسشىلارىمەن كەزدەسىپ, اۋىلشارۋاشىلىعى كوللەدجدەرىنىڭ ستۋدەنتتەرىنە شەبەرلىك ساباعىن وتكىزگەن بولاتىن.

ء«بىزدىڭ وڭىرىمىزدەگى دامىتۋدى قاجەت ەتەتىن باعىتتاردىڭ ءبىرى-مەيرامحانا مەن قوناقۇي بيزنەسى. ول ءۇشىن قىزمەتشىلەردىڭ بىلىكتىلىگىن ارتتىرۋ ماڭىزدى. بىزدە, ايتالىق, داياشى, اكىمشى سەكىلدى مامانداردى دايارلايتىن ورتالىقتار كەمشىن. بۇل ءۇشىن مەيرامحانا يەلەرىنە «اتامەكەن» كاسىپكەرلەر پالاتاسىنىڭ شەتەلدىك مامانداردى شاقىرتۋ بويىنشا باعدارلامالارى تاماشا مۇمكىندىك بەرەدى»,-دەيدى اقتوبە وبلىسى كاسىپكەرلەر پالاتاسىنىڭ  داميليا قۇنانوۆا.

تەمىر قۇسايىن

«ەگەمەن قازاقستان»