بۇل كۇندەرى ماسكەۋدە ءوتىپ جاتقان «كرەمل كۋبوگى» جولىنداعى جارىستا ەرلەر اراسىنداعى ەلىمىزدىڭ ءبىرىنشى راكەتكاسى ميحايل كۋكۋشكين ءساتسىز ونەر كورسەتتى.
اتر تىزىمىندە 73 ورىندا تۇرعان جەرلەسىمىز تۇساۋكەسەر كەزدەسۋدە ەۆگەني دونسكويمەن كۇش سىناستى. 28 جاستاعى رەسەي تەننيسشىسىن اسا مىقتى قارسىلاس دەپ ايتا المايمىز. وسى كۇنگە دەيىن ول «ۇلكەن دۋلىعا» ساناتىنداعى سايىستاردا ءۇشىنشى اينالىمنان اسىپ كورمەگەن. قازىرگى كەزدە ۇزدىكتەر تىزىمىندە ەۆگەني 105 ورىندى ەنشىلەۋدە. دەسەك تە جەرگىلىكتى جانكۇيەرلەردىڭ قولداۋى دونسكويعا دەم بەرسە كەرەك, ول بۇل باسەكەدە كۋكۋشكيننان ايلاسىن اسىرىپ كەتتى. ەسەپ – 6:4, 7:6.
ەرلەر اراسىنداعى تاعى ءبىر قازاقستاننىڭ تەننيسشىسى الەكساندر بۋبليك بۇگىن كورتقا شىعادى. ول وسى تۋرنيردەگى تۇساۋكەسەر كەزدەسۋىن فرانتسيالىق پەر-يۋگ ەربەرگە قارسى وتكىزەدى. سونداي-اق بۇگىن ايەلدەر اراسىنداعى ەلىمىزدىڭ ءبىرىنشى راكەتكاسى يۋليا پۋتينتسەۆانىڭ ەكىنشى كەزەڭدەگى ويىنىن تاماشالايسىزدار. جەرلەسىمىز WTA رەيتينگىندە 11 ساتىعا جايعاسقان 28 جاستاعى لاتۆيانىڭ ويىنشىسى اناستاسيا سەۆاستوۆامەن شەبەرلىك بايقاسادى.
عالىم سۇلەيمەن,
«ەگەمەن قازاقستان»