سانكت-پەتەربۋرگ مەملەكەتتىك ورمان-تەحنيكالىق ۋنيۆەرسيتەتىنىڭ عىلىمي كەڭەسى باس عيماراتىندا الاش كوسەمى Əليحان بوكەيحانوۆقا ارنالعان ەستەلىك تاقتا ورناتىلاتىن بولدى. بۇل تۋرالى الاشتانۋشى سۇلتان حان اقق ۇلى ءوزىنىڭ فەيسبۋكتەگى پاراقشاسىندا جازدى.
ء«سۇيىنشى, الاش ۇرپاقتارى, ءسۇيىنشى! وسىدان تۋرا جارتى ساعات بۇرىن عانا سانكت-پەتەربۋرگتان قۋانىشتى جاڭالىق كەلىپ جەتتى. التى الاش كوسەمى ءاليحان بوكەيحانوۆتىڭ 1890-1894 جىلدارى وقىپ بىتىرگەن بۇرىنعى يمپەراتورلىق ورمان ينستيتۋتى, قازىرگى سانكت-پەتەربور مەملەكەتتىك ورمان-تەحنيكالىق ۋنيۆەرسيتەتىنىڭ عىلىمي كەڭەسى باس عيماراتىنىڭ ماڭدايىنا ءوزىنىڭ داڭقتى تۇلەگى, 2015 جىلى يۋنەسكو باس كونفەرەنتسياسىنىنىڭ 38-سەسسياسى «بۇكىل الەمدىك شىنايى داڭقتى قايراتكەر» دەپ تانىعان ءاليحان بوكەيحانعا ەستەلىك تاقتا ورناتۋ تۋرالى ۇسىنىستى 27 داۋىسپەن قولداپ, 7 داۋىس قارسى, 5 داۋىس قالىس قالىپ, باسىم كوپشىلىك داۋىسپەن ماقۇلدادى», دەپ جازدى سۇلتان حان اقق ۇلى ءوزىنىڭ فەيسبۋكتەگى پاراقشاسىندا.
ەسكەرتكىش تاقتا ورناتۋ جونىندە وسى جوو-نىڭ تۇلەگى مايكەن ازەنوۆ ۇسىنىپ, عىلىمي كەڭەستىڭ قاراۋىنا ارنايى حات جولداعان. تاقتانى جاساتىپ, ورناتۋدى «اق جول» پارتياسى ءوز جاۋاپكەرشىلىگىنە الدى.
«ودان بولەك ۇلت كوسەمىنىڭ قيان-كەسكى كۇرەسكە تولى عۇمىرىنىڭ اقىرعى 15 جىلىن (1922-1937 جج.) وتكىزگەن ماسكەۋدەگى ب. كيسلوۆسكي ورامى, 4 ءۇيى مەن سامارا قالاسىنداعى 1909-1917 جىلدارى تۇرعان كازانسكايا كوشەسى, 30 (قازىر 32 ءۇي) ۇيىنە دە ەستەلىك تاقتا ورناتۋ ءىسى قولعا الىندى. «اق جول» پارتياسىنىڭ ماجىلىستەگى فراكتسياسىنان ماسكەۋدەگى ەلشىلىككە تيەسىلى حات جولداندى. ەندى ماسكەۋدەن حابار كۇتىپ وتىرمىز», دەدى سۇلتان حان اقق ۇلى.