بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسى بارىسىندا اقتوبە وبلىسىنىڭ ەكولوگيا دەپارتامەنتىنىڭ باسشىسى جاقسىعالي يمانقۇلوۆ مالىمدەدى.
ونىڭ ايتۋىنشا, اعىمداعى جىلى ءىرى كاسىپورىندار تابيعاتتى قورعاۋ ءىس-شارالارىنىڭ جوسپارىنا وزگەرىستەر ەنگىزگەن, سونداي-اق ولاردىڭ ورىندالۋى لاستاۋشى زاتتار ەميسسياسىنىڭ كولەمىن ەداۋىر تومەندەتكەن.
«1-جارتىجىلدىقتا اۋاعا شىعارىلعان شىعىنداردىڭ كولەمى 5,9% ازايدى. ناقتى كولەم 4,9%, ال ورنالاستىرىلعان قالدىقتار 32,7% تومەندەدى. سونىمەن قاتار, مۇناي كومپانيالارىمەن جاعىلعان گاز كولەمى 66,31 ملن.م3 قىسقارتىلدى. وبلىستىڭ ونەركاسىپتىك كاسىپورىندارى جالپى سوماسى 5,5 ملرد.تەڭگەنى قۇرايتىن 271 تابيعاتتى قورعاۋ شارالارىن ىسكە اسىردى. بۇل اقتوبەدەگى ەكولوگيالىق جاعدايدى ايتارلىقتاي جاقسارتتى. ماسەلەن, 2016-2017 جىلدارى قازگيدرومەتتىڭ حابارلاۋىنشا, كۇكىرت سۋتەگىمەن اتموسفەرالىق اۋانىڭ لاستانۋىنىڭ جوعارى جانە وتە جوعارى 446 وقيعاسى تىركەلگەن, الايدا اعىمداعى جىلى مۇنداي فاكتىلەر بولمادى », - دەدى ج.يمانقۇلوۆ.
سونىمەن بىرگە, قالانىڭ كەيبىر اۋداندارىندا قىسقا مەرزىمدى سيپاتقا يە جاعىمسىز يىستەردىڭ بولۋى وزەكتى ماسەلە بولىپ قالا بەرەدى.
«كۇكىرت سۋتەگى مەن جاعىمسىز يىستەر شىعارىندىلارىنىڭ كوزدەرى - بۋلانۋ الاڭدارىندا ورنالاسقان سپيرت سۋتەگى كاسىپورىندارىنىڭ قالدىقتارى مەن قاتتى تۇرمىستىق قالدىقتار پوليگونى بولىپ تابىلادى. وسىعان بايلانىستى, "ەكوپوليس+" جشس باردانىڭ جيناقتاۋىشىن كەشەندى ميكروبيولوگيالىق تىڭايتقىشتارمەن وڭدەۋ بويىنشا زەرتتەۋدىڭ وڭ ناتيجەلەرى الدى. ال, پوليگونعا قاتىستى كەلسەك, پوليگوندى پايدالاناتىن كاسىپورىندار تقق ۋاقىتىندا وقشاۋلاۋ بويىنشا سانەجن تالاپتارىن ساقتامايتىندىعى ناتيجەسىندە اتموسفەرالىق اۋاعا مەتاننىڭ, كۇكىرت سۋتەگىنىڭ جانە اممياكتىڭ شىعارىلۋىنا الىپ كەلىپ سوقتىرادى", - دەپ اتاپ ءوتتى دەپارتامەنت باسشىسى.
سونىمەن قاتار, وڭىردە الداعى ءتورت جىلعا ارنالعان تقق-دى قازىرگى زامانعى كادەگە جاراتۋ جانە قايتا وڭدەۋ جونىندەگى شارالار كەشەندى ىسكە اسىرىلۋدا. باعدارلاما شەڭبەرىندە قالدىقتاردى بولەك جيناۋدى ەنگىزۋ, شاعىن جانە ورتا بيزنەس سۋبەكتىلەرىن قالدىقتاردى قابىلداۋ پۋنكتتەرىن قۇرۋعا تارتۋ, قالدىقتاردى قايتا وڭدەۋ تسەحتارىن اشۋ جانە ت. ب. بويىنشا حالىقپەن جۇمىس جۇرگىزىلۋدە.