«Method PRO» جاستارعا جول اشادى

«تسيفرلىق قازاقستان» باعدارلاماسىنا سايكەس «Method PRO» جوباسى قور تاراپىنان بىلتىر قولعا الىنعان بولاتىن. IT جوبا ەلىمىزدەگى كومپيۋتەر باعدارلامالارىن جاساۋمەن اينالىسا باستاعان دارىندى جاستار مەن ولاردىڭ ونىمدەرىن تۇتىناتىن ەلىمىزدىڭ جانە شەتەلدىڭ ءىرى كومپانيالارى اراسىندا ءوزارا بايلانىس ورناتۋدى كوزدەيدى.  جوبا اياسىندا ەڭ الدىمەن ەكى ايلىق جازعى كۋرس ۇيىمداستىرىلادى. وندا ستۋدەنتتەر IT جانە Non-IT سياقتى ەكى توپقا ءبولىنىپ وتاندىق جانە شەتەلدىك تانىمال مامانداردان موبيلدىك جانە ۆەب-ازىرلەۋ, ماشينالىق ءبىلىم الۋ مەن ۆig Data, ماركەتينگ جانە بيزنەس-تالداۋ, ت.ب. سياقتى 8 ءپان بويىنشا تەوريالىق جانە پراكتيكالىق ساباقتار الادى. ەكىنشى ايدا تاعىلىمدامادان وتۋشىلەر شاعىن كوماندالارعا ءبولىنىپ, ءىرى كومپانيالار مەن ۇيىمداردان ارنايى تاپسىرىستار الادى. ءسويتىپ كۋرسانتتار ءوز جوبالارىن ازىرلەيدى.

وتكەن جىلى تەگىن ءبىلىم الۋعا 8000-نان اسا جاس ءوتىنىش بەرىپ, ولاردىڭ 100-ءى عانا تاعىلىمدامادان وتكەن ەدى. ولار ازىرلەگەن 4 IT جوبا وندىرىسكە ەنگىزىلىپ, جاستار 3 ميلليون تەڭگەدەن استام تابىس تاۋىپ قانا قويماي, ءىرى ۇلتتىق كومپانيالارعا جۇمىسقا ورنالاسۋعا دا مۇمكىندىك العان بولاتىن. ال بيىل «Method PRO»-عا 200 دارىندى مامان قاتىسىپ, «قازپوشتا» اق, «قازاتومونەركاسىپ» اق, «قازاقستان ينجينيرينگ» اق, باس پروكۋراتۋرا جانە سەكىلدى ەلىمىزدەگى ءىرى كومپانيالاردىڭ تاپسىرىسىمەن 40 جوبا دايىندادى. ونىڭ ىشىندە باس پروكۋراتۋرا ءۇشىن جاسالعان بەت الپەتىن ايىرىپ تانۋعا ارنالعان رۇقساتتاما جۇيەسى; BTS Digital ءۇشىن ءسوزدى ايىرىپ تانۋعا جانە تۇيىندەمەنى تالداۋعا ارنالعان جۇيە; Rocket Study اعىلشىن مەكتەپتەرىنىڭ جۇيەسىنە ارنالعان ماشينالىق وقىتۋ نەگىزىندەگى ۇسىنىس جۇيەسى; «اتامەكەن» ۇكپ ءۇشىن جوعارى وقۋ ورىندارىنىڭ رەيتينگىسىنە ارنالعان پلاتفورما جانە بيزەس-ءتىزىلىم; K-Cell-گە ارنالعان جول ترافيگىن ەسەپتەۋ جۇيەسى; Chocotravel&Aviata ءۇشىن تولەمدەردى ونلاين سالىستىرىپ تەكسەرۋ جۇيەسى; راحمەت (ChocoFamily) ءۇشىن چەكتى ەكىگە جانە ودان دا كوپ ادامعا ءبولۋ; Technodom ءۇشىن اناليتيكاسى بار ونلاين ساۋالناما; Technodom-عا ارنالعان ۆيرتۋالدىق اسسسيستەنت; Technodom-عا ارنالعان كروسسپلاتفورمالىق «ەكودوم» ويىنى; Glotus Limited Kazakhstan ترانسپورتتىق كومپانياسىنا ارنالعان ءموبيلدى قوسىمشا سياقتىلار ۇزدىكتەر قاتارىنان ورىن الدى.

باس پروكۋراتۋرانىڭ تاپسىرىسى بويىنشا جاسالعان بەت الپەتىن ايىرىپ تانۋعا ارنالعان رۇقساتتاما جۇيەسىنىڭ اۆتورى, قاراعاندى قالاسىنداعى ن.نۇرماقوۆ اتىنداعى №2 دارىندى بالالارعا ارنالعان وبلىستىق مامانداندىرىلعان مەكتەپ-ينتەرناتىنىڭ روبوتوتەحنيكا ءپانى وقىتۋشىسى ءمۇسلىم ەرتۋعان «Method PRO» باعدارلاماسىنىڭ جاستاردىڭ ءوزىن-ءوزى دامىتۋىنا ۇلكەن سەرپىلىس بەرىپ وتىرعانىن ايتادى. ونىڭ ايتۋىنشا بۇل كۋرس جاستاردى تاربيەلەپ وتىرعان مۇعالىمدەر ءۇشىن وتە ماڭىزدى. ويتكەنى ۇستازدار دا جاڭا اقپارات پەن تەحنولوگيالاردان قالىسپاي,  ونىمەن جۇمىس ىستەي ءبىلۋى كەرەك.

ء«بىز ءومىرىمىزدى كۇرت وزگەرتتىك. دارىندى جاستارمەن تانىستىق. IT ونىمدەرىن قالاي قۇرۋ جانە دامىتۋ, دايىن جوبالاردى بيزنەسكە وڭتايلاندىرۋدى ۇيرەندىك. ءبىزدىڭ توپ كەرەمەت جۇمىس جاسادى», – دەيدى IT تاعىلىمداماعا قاتىسقان قاسىم قازىبەك.

بۇل جولى تاعىلىمدامانىڭ ناتيجەسىندە جوباعا قاتىسۋشىلار 8 ميلليون تەڭگەدەن استام تابىس تاپقان. سونداي-اق ولارعا ءىرى وتاندىق كومپانيالاردان جۇمىسقا ورنالاسۋ ءۇشىن 30 ۇسىنىس كەلىپ تۇسكەن.

مايگۇل سۇلتان,

«ەگەمەن قازاقستان»