قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى. باس اسسامبلەيادا وتكەن داۋىس بەرۋ كەزىندە ەلىمىز 138 مەملەكەتتىڭ قولداۋىنا يە بولدى. سونىمەن قاتار جىلدىڭ باسىندا قازاقستان كونستيتۋتسياسىنىڭ 19-بابىنا 26 وزگەرىس ەنگىزىلدى. وعان سايكەس 40-قا جۋىق وكىلەتتىلىك ۇكىمەت پەن پارلامەنتكە ءبولىپ بەرىلدى. ەلىمىزدە ەكسپو-دان بولەك تاعى ءبىر ۇلكەن وقيعا – 29 قاڭتار مەن 8 اقپان ارالىعىندا الماتىدا قىسقى ۋنيۆەرسيادا ويىندارى ءوتتى. ءدۇبىرلى دوداعا الەمنىڭ 57 ەلىنەن كەلگەن سپورتشىلار سپورتتىڭ 12 ءتۇرى بويىنشا سايىستى. جىلدىڭ تاعى ءبىر جاڭالىعى – قاڭتار ايىنان باستاپ قازاقستانعا 48 مەملەكەتتىڭ تۇرعىندارى ۆيزاسىز رەجىمدە قوناققا كەلە الاتىن بولدى.
10 قاڭتار – استانا ۆوكزالى اۋماعىندا كولىك قويۋعا ارنالعان 251 ورىندىق تۇراق اقىلى رەجىمگە كوشتى. ناتيجەسىندە, ۆوكزال ماڭىندا كولىك جۇكتەمەسى 25 پروتسەنتكە ازايدى.
25 قاڭتار – دۇنيەجۇزىلىك قىسقى ۋنيۆەرسيادا الاۋى ەلوردادان باستاۋ الدى. نازارباەۆ ۋنيۆەرسيتەتىندە وتكەن راسىمگە ەلباسى ن.نازارباەۆ قاتىسىپ, ەلىمىز تۋىن بياتلونشى داۋلەت راحىمباەۆقا تابىستادى.
16 اقپان – ەكسپو-2017 حالىقارالىق كورمەسىنىڭ كادەسىي ونىمدەرى تانىستىرىلدى.
25 اقپان – ەسىل وزەنىنىڭ ۇستىنە تۇرعىزىلعان «قىس ورنەگى» اتتى سپورت قالاشىعىندا بۇقارالىق فەستيۆال ءوتىپ, وعان 3 مىڭعا جۋىق ادام قاتىستى.
21 ناۋرىز – ەلورداداعى «سارىارقا» ۆەلوترەك سارايىندا «ناۋرىز – جاڭا بەلەس, جاڭا ورلەۋ» اتتى مەرەكە ۇيىمداستىرىلىپ, وعان ەلباسى ن.نازارباەۆ قاتىستى.
4 ءساۋىر – قالا اكىمدىگىنە قاراستى مەكەمەلەر ء«بىر تەرەزە» تاسىلىمەن قىزمەت كورسەتۋگە كوشتى.
12 ءساۋىر – مەملەكەت باسشىسى ن.نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسى «ەگەمەن قازاقستان» گازەتىنە شىقتى.
28 ءساۋىر – ەكسپو-2017 كورمەسىنىڭ ميلليونىنشى بيلەتىن شىمكەنت تۇرعىنى قايرات ماماەۆ ساتىپ الدى.
2 مامىر – قالا اكىمدىگى جانىنداعى «Zhebe» جانە «ەكو تاكسي» برەندىمەن قىزمەت كورسەتەتىن كومپانيالار AstanaTaxi ينۆەستيتسيالىق جوباسى اياسىندا جاڭا كولىكتەرگە يە بولدى.
10 مامىر – «ماڭگىلىك ەل» سالتانات قاقپاسىنىڭ ۇشار بيىگىندە قالانى شولۋ الاڭى مەن ودان ءسال تومەنىرەكتە كورمە گالەرەياسى اشىلدى.
19 مامىر – قازاقستاندىق وليمپيادا چەمپيوندارى مەن جۇلدەگەرلەرى ەلورداداعى «چەمپيوندار اللەياسىنا» اعاش وتىرعىزدى.
31 مامىر – ەلوردادا «نۇرلى جول» ۆوكزالى مەن استانا حالىقارالىق اۋەجايىنىڭ جاڭا تەرمينالى اشىلدى.
9 ماۋسىم – ەكسپو-2017 كورمەسىنە وراي قالا كوشەلەرىنە جەتى ميلليون گۇل ەگىلدى.
15 ماۋسىم – ەلوردا سيمۆولى «بايتەرەك» مونۋمەنتى كۇردەلى جوندەۋدەن ءوتىپ, جاڭادان LED ەكرانى ورناتىلعان ونەر گالەرەياسى اشىلدى.
16 ماۋسىم – ايگىلى «ديۋ سولەي» تسيركى ءۇش اي بويى استانالىقتار مەن قالا قوناقتارىنا ونەر كورسەتتى.
21 ماۋسىم – استانا حالىقارالىق اۋەجايى ەلباسى ن.نازارباەۆتىڭ ەسىمىمەن اتالاتىن بولدى.
22 شىلدە – استانادا «ەۋرازيا» XIII حالىقارالىق كينوفەستيۆالى باستالدى. شاراعا امەريكالىق اكتەر, پروديۋسەر, كينورەجيسسەر نيكولاس كەيدج مەن «وسكار» سىيلىعىنىڭ يەگەرى ەدريان بروۋدي كەلدى.
1 تامىز – الەمگە ايگىلى ءانشى, وپەرا مايتالمانى پلاسيدو دومينگو «استانا وپەرا» مەملەكەتتىك وپەرا جانە بالەت تەاترىندا قويىلعان د.ۆەرديدىڭ «تراۆياتا» وپەراسىندا ونەر كورسەتتى.
25 تامىز – ەكسپو-2017 كورمەسىنە كەلگەن ماسكەۋلىك يۋري شۋرىگين ءۇش ميلليونىنشى قوناق بولىپ تىركەلدى.
25 تامىز – ەكسپو قالاشىعى اۋماعىندا بەس جۇلدىزدى «حيلتون» قوناقۇيى اشىلدى.
10 قىركۇيەك – ءۇش اي بويى جالاۋى جەلبىرەگەن ەكسپو-2017 حالىقارالىق مامانداندىرىلعان كورمە ءوز جۇمىسىن اياقتادى. كورمەنى 4 ميلليون ادام تاماشالاسا, ءاربىر التىنشى قوناق شەتەلدىك بولدى. «نۇر الەم» ۇلتتىق پاۆيلونى كورمەنىڭ ەڭ تانىمال ورتالىعىنا اينالدى. وعان 1 ملن 300 مىڭ ادام كىرىپ شىقتى.
27 قىركۇيەك – استاناداعى «اراي» ساياباعىنىڭ ىشىندە «قازاقستان – كورەيا» دوستىق باقشاسى اشىلدى.
27 قىركۇيەك – پرەزيدەنت ن.نازارباەۆ استانا قالاسىنىڭ 20 جىلدىعىن مەرەكەلەۋ تۋرالى وكىمگە قول قويدى.
27 قازان – مەملەكەت باسشىسى قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى جارلىققا قول قويدى.
8 جەلتوقسان – الداعى جىلى بولاتىن باس شاھاردىڭ 20 جىلدىق مەرەيتويىنا وراي ەلورداعا ارنالعان پوشتالىق ماركانىڭ تانىستىرىلىمى ءوتتى.
دايىنداعان بەكەن قايرات ۇلى, «ەگەمەن قازاقستان»