ورتالىق باسقارۋ جۇيەسى ىسكە قوسىلدى

مەملەكەتتىك ۇدەمەلى يندۋستريالدى-يننوۆاتسيالىق باع­دارلاماسى اياسىندا «قازترانسويل» اق-نىڭ يننوۆاتسيالىق-تەحنولوگيالىق جاڭعىرتۋ باعدارلاماسىن جۇزەگە اسىرۋ باعىتىندا كومپانيانىڭ شىعىس فيليالىندا «پاۆلودار» ورتالىق ديسپەتچەرلىك پۋنكتى ىسكە قوسىلدى. «قاز­ترانس­ويل» اق - ەلىمىزدىڭ مۇناي قۇبىرلارى جۇيەسىنىڭ ەلەۋلى بولىگىن پايدالاناتىن «قازمۇنايگاز» ۇك» اق ەنشىلەس كوم­پانياسى بولىپ تابىلادى. جاڭا جوبا ماگيسترالدى مۇناي قۇبىرلارىن الىس قاشىقتىقتان سەنىمدى تۇردە باسقارۋعا جانە باقىلاۋعا مۇمكىندىك بەرەتىن ۇزدىك الەمدىك ءتا­جى­ريبەلەر نەگىزىندە جۇزەگە اسىرىلعان العاشقى ورتالىق باسقارۋ جۇيەلەرىنىڭ ءبىرى بولىپ وتىر. ورتالىق باسقارۋ جۇيەسىنىڭ ىسكە قوسىلۋ راسىمىنە «قازترانسويل» اق باس دي­رەكتورى قايىرگەلدى قابىلدين, «قازترانسويل» اق شىعىس بولىمشەسىنىڭ ديرەكتورى جەڭىسبەك لۇقپانوۆ, وبلىس اكىمى باقىتجان ساعىنتاەۆ قاتىستى. كومپانيا ۇزىندىعى 5 495,27 شاقىرىم مۇناي قۇبىرلارى جانە ۇزىندىعى 2 148,1 شاقىرىم سۋ اعار جەلىلەرىن باسقارادى. كومپانيا قازىرگى كەزدە ەلىمىزدە وندىرىلەتىن مۇناي­دىڭ 58 پايىزىنا دەيىن تاسىمالداۋدى جۇزەگە اسىرادى. وتكەن جىلى «قازترانس­ويل» اق تاسىمالداعان مۇناي كولەمى 52,5 ميلليون توننا بولسا, بيىلعى جىلدىڭ 11 ايىندا 49,3 ميلليون توننانى قۇراعان. ال, كومپانيانىڭ شىعىس فيليالىنىڭ نەگىزگى قۇرىلىمدىق ءبو­لىمشەلەرىندە 2006-2010 جىل­­دار ارالىعىندا 13-كە جۋىق وسىنداي جەر­گىلىكتى باسقارۋ جۇيە­لەرى كەزەڭ-كەزەڭمەن پايدالانۋعا بەرىلدى. ين­دۋستريالدى-يننو­ۆا­تسيا­لىق جوبالار قاتا­رىن­دا جاڭارىپ قايتا­دان ىسكە قوسىلعان بۇل ورتا­لىق باسقارۋ ءجۇ­يە­سى تەك باقىلاۋشىنىڭ عانا مىندەتىن اتقار­ماي­دى. ول جالپى ۇزىندىعى 4298,6 شاقى­رىم بولاتىن ومبى-پاۆلودار, پاۆلودار-شىم­كەنت, قۇمكول-قاراقويىن, كەڭ­قياق-قۇم­كول, اتاسۋ-الاشاڭقاي ماگيسترال­دى مۇناي قۇبىرلارىن قاشىقتىقتان باس­قا­­رۋ ور­تا­لى­عى­نا اينالىپ وتىر. ەندى وسى ورتالىق باس­قارۋ جۇيەسى ارقىلى مۇناي قۇبىرلارىنىڭ باعىتتارىن 3 اۋىسىمدا باسقارۋ تەتىگىندە وتىر­عان ديسپەتچەرلەر باقىلاپ وتىراتىن بو­لادى. بۇرىنعىداي اۋداندىق باسقارۋ ءبو­لىم­شەلەرى دەڭگەيىندە باسقارۋ ەندى بولمايدى. ويتكەنى, جاڭادان قولعا الىنعان مودەرنيزاتسيالاۋ, قايتا جاڭعىرتۋ جۇمىستارى بارى­سىندا اۆتوماتتى ءورت ءسوندىرۋ جۇيەسى, گاز دابىلى, اپاتقا قارسى قورعانىش, مۇناي قۇ­بىرلارىن كۇزەتۋ جۇيەلەرى, قۇبىرلاردى ەلەكتر-حيميالىق قورعاۋ ستانسالارى مەحاني­كالاندىرىلىپ قاۋىپسىزدىك قىزمەتىنىڭ ارنايى SCADA جۇيەسىنە قوسىلدى. جالپى, «قاز­ترانسويلدىڭ» شىعىس فيليالىندا ورتالىق باسقارۋ جۇيەسىن جاڭارتۋدىڭ نەگىزگى مىندەتى -باقىلاۋ قىزمەتتەرىن قوسا العاندا مۇناي تاسىمالى قۇبىرلارىندا ەڭبەك ەتەتىندەردىڭ دە قاتارىن قايتادان جاڭالاۋ بولىپ وتىر. ياعني, بۇل دەگەنىمىز, زاماناۋي اۆتوماتتى تەحنولوگيانى ەنگىزۋ ارقىلى جاسالادى. بۇل وتكەن جىلى بەكىتىلگەن «قازترانسويل» اق-تىڭ جەدەل اۆتوماتتى باسقارۋ جۇيەسىن دا­مىتۋ تۇجىرىمداماسىنا دا سايكەس كەلەدى. جوعا­رى­دا اتالعان SCADA جۇيەسى اپپا­راتتىق جانە باعدارلامالىق قامتاماسىز ەتۋ كەشەنى بولىپ تابىلادى. سونىمەن قاتار, ماگيسترالدى مۇ­ناي قۇبىرلارىنىڭ مۇناي ايداۋشى ستانسا­لارى, مۇناي قۇبىرلارىنىڭ جەلىلىك بولىكتەرى سياقتى تەحنولوگيالىق نى­سانداردى قاشىق­تىق­تان باقىلاۋعا جانە باس­قارۋعا ارنالعان. ەكىنشىدەن, بۇل جۇيە ماگيس­ترالدىق جانە تىرەك سوراپ اگرەگاتتارىن, مۇناي قۇبىرلارى جەلىلىك بولىكتەرىنىڭ تەلەمەحانيكا جۇيەلەرىن باقىلاۋ جانە باسقارۋ, سۇيىق قويمالار دەڭگەيىن ولشەۋ, مۇناي ەسەبىن جۇرگىزۋ كوممەرتسيالىق توراپتارىن, قو­سالقى جۇيەلەردى باقىلاۋ مەن باسقارۋدى قامتيدى. ماگيسترالدى مۇناي قۇبىرلارى­نىڭ تەحنولوگيالىق نىساندارىن قاشىقتان باقىلاۋ مەن باسقارۋدى زامانعا ساي جۇزەگە اسىرۋ مۇناي تاسىمالداۋ بويىنشا ۋاقى­تىلى, ساپالى ءارى باسەكەگە قابىلەتتى قىز­مەت­تەر­دى قامتاماسىز ەتۋدىڭ قاجەتتى شارت­تارى­نىڭ ءبىرى. جابدىقتار جۇمىسىنىڭ سەنىمدىلىگىن ارتتىرۋعا, تەحنولوگيالىق ۇدەرىستىڭ اقپا­راتتىلىعىن جانە تۇتاس العاندا جۇيەنىڭ ىستەن شىقپاۋىنا اسەر ەتەدى. «پاۆلودار» ديسپەتچەرلىك ورتالىعىنىڭ اشىلۋ راسىمىندە ءسوز العان «قازترانسويل» اق باس ديرەكتورى قايىرگەلدى قابىلدين اتالمىش ديسپەتچەرلىك ورتالىق بۇرىنعى كە­ڭەس ەلدەرىندە جانە قازاقستاندا بۇرىن-سوڭدى بولماعانىن, سول سەكىلدى ول كومپا­نيانىڭ يننوۆاتسيالىق دامۋعا باعىتتالعان باعدارلاماسىنىڭ جەمىسى ەكەنىن اتاپ ءوتتى. بۇل يننوۆاتسيالىق جاڭاشىلدىق جالعاسىن تاباتىن بولادى. بولاشاقتا كومپانيا ەلىمىزدەگى بارلىق مۇناي قۇبىرلارى جۇيەسىن اۆتو­ماتتاندىرىپ, ەل جۇرەگى استانادان باسقارى­لاتىن باس ديسپەتچەرلىك ورتالىق قۇرۋ جوسپارى بارىن دا جەتكىزدى. جالپى, وسى جاڭادان پايدالانۋعا بەرىلگەن ورتالىق باسقارۋ جۇيەسى زاماناۋي جاب­دىقتارمەن جانە باقىلاۋ-ولشەۋ قۇرالدارى مەن الەمنىڭ Siemens, Endress+Hauser, Emer­son, Auma, Biffi سەكىلدى وزىق وندىرۋشىلەرىنىڭ ارنايى باعدارلامالىق جۇيلەرىمەن قامتا­ماسىز ەتىلىپ, AC800F, ABB اۆتوماتتاندىرۋ جۇيەسىنىڭ باعدارلاناتىن لوگيستيكالىق با­قى­لاۋشى جانە تەحنولوگيالىق ۇردىستەردى اۆتوماتتاندىرۋ سالاسىنداعى كوشباسشى كوم­­­­پانيالار Simatic S-7, Siemens-ءتىڭ ونەر­كاسىپتىك قاۋىپسىزدىك جۇيەسىمەن; SCADA WinCC 7.0, Siemens جۇيەسىن باعدارلامالىق قامتاماسىز ەتۋمەن; وتكىزۋ قابىلەتى 100 مب/سەكۋندتان تومەن ەمەس بايلانىستىڭ تالشىق­تى-وپتيكالىق كابەلى نەگىزىندەگى تەلەكوممۋنيكاتسيا جۇيەسىمەن جاساقتالعان قاشىقتىق­تان باسقارۋ ورتالىعى بولادى. ورتالىق باس­قارۋ جۇيەسىن ىسكە قوسۋ مۇناي قۇبىرلارى قىزمەتىنىڭ بەكىتىلگەن ءتارتىبى نەگىزىندە مۇناي قۇبىرلارىن باقىلاۋ جانە باسقارۋ; جەكە قىزمەتكەرلەر قۇرامىن وڭتايلاندىرۋ جانە سانى از ادام قۇرايتىن تەحنولوگيالارعا كو­شۋ, ەنەرگيا سىيىمدىلىقتى تومەندەتۋ جانە سايكەسىنشە مۇناي تاسىمالى كەزىندە ەلەكتر ەنەرگياسىن تۇتىنۋدى وڭتايلاندىرۋ ەسەبىنە شىعىندى ازايتۋ, ديسپەتچەرلىك جانە ءوندىرىس­تىك ەسەپتىلىكتى اۆتوماتتى قۇرۋ; شىنايى ۋا­قىت تارتىبىندە تەحنولوگيالىق قۇرال-جابدىق­تار جانە جەكە قۇرامنىڭ جۇمىسىن باقىلاۋ; مۇناي قۇبىرلارى قىزمەتىنىڭ سەنىمدىلىگىن ارتتىرۋ, جەكە قىزمەتكەرلەر قۇرامىنىڭ جا­را­قات الۋ تاۋەكەلىن ازايتۋ, مۇناي تاسىمالى ۇدەرىسىن بولجاۋ مۇمكىندىگى; ەڭبەك ونىمدىلىگىن ارتتىرۋ ماقساتتارىن جۇزەگە اسىرۋعا ءمۇم­كىندىك بەرەدى. جاڭا جوبا ەنەرگيا تيىمدىلىگى جانە مۇناي تاسىمالى جولدارىن وڭتاي­لان­دىرۋ باعدارلاماسىن جۇزەگە اسىرۋدىڭ كەزەكتى كەزەڭى بولىپ تابىلادى. SCADA جۇيەسى نەگىزىندە قۇرال دايىندالدى, ونىڭ كومەگىمەن ءارى قاراي بولجاۋ, وڭتايلاندىرۋ جانە تاۋە­كەل­دەردى باعالاۋ تەتىكتەرىمەن بارلىق ءوندى­رىس­تىك جۇيەلەر اۆتوماتتاندىرىلادى. فاريدا بىقاي, پاۆلودار.