2011 جىلعى 8 جەلتوقسان, استانا, ۇكىمەت ءۇيى
تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋىنىڭ جانە ولاردى ورتالىقتان باسقارۋدىڭ بىرىڭعاي قاعيدالارىن بەكىتۋ تۋرالى
«بايلانىس تۋرالى» قازاقستان رەسپۋبليكاسىنىڭ 2004 جىلعى 5 شىلدەدەگى زاڭىنىڭ 21-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋىنىڭ جانە ولاردى ورتالىقتان باسقارۋدىڭ بىرىڭعاي قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 8 جەلتوقسانداعى №1499 قاۋلىسىمەن بەكىتىلگەن
تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋىنىڭ جانە
ولاردى ورتالىقتان باسقارۋدىڭ بىرىڭعاي قاعيدالارى
1. جالپى ەرەجەلەر
1. وسى تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋىنىڭ جانە ولاردى ورتالىقتان باسقارۋدىڭ بىرىڭعاي قاعيدالارى (بۇدان ءارى – قاعيدالار) «بايلانىس تۋرالى» قازاقستان رەسپۋبليكاسىنىڭ 2004 جىلعى
5 شىلدەدەگى زاڭىنىڭ 21-بابىنا (بۇدان ءارى – «بايلانىس تۋرالى» زاڭ) سايكەس ازىرلەندى جانە تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋ جانە ولاردى ورتالىقتان باسقارۋ ءتارتىبىن ايقىندايدى.
2. وسى قاعيدالار ارنايى ماقساتتاعى تەلەكوممۋنيكاتسيا جەلىلەرىن قوسپاعاندا, قازاقستان رەسپۋبليكاسىنىڭ بىرىڭعاي تەلەكوممۋنيكاتسيا جەلىسىن قۇرايتىن جەلىلەرگە قولدانىلادى.
3. وسى قاعيدالاردا مىناداي انىقتامالار پايدالانىلادى:
1) تەلەكوممۋنيكاتسيا جەلىلەرىن ورتالىقتان باسقارۋ جۇيەسى – باسقارۋشى تەحنولوگيالىق پارامەترلەردى قالىپتاستىرۋ جانە ولاردىڭ اتقارىلۋىن باقىلاۋ جونىندەگى ۇيىمدىق-تەحنيكالىق ءىس-شارالار كەشەنى (بۇدان ءارى – تجوب جۇيەسى);
2) ۋاكىلەتتى مەملەكەتتىك ورگاندار – وسى قاعيدالاردىڭ 1-قوسىمشاسىندا كورسەتىلگەن مەملەكەتتىك ورگاندار;
3) تجوب جۇيەسىنە قاتىسۋشىلار – بايلانىس سالاسىنداعى ۋاكىلەتتى ورگان, بايلانىس وپەراتورلارى, بايلانىس سالاسىنداعى ۋاكىلەتتى ورگان بەلگىلەگەن ۋاكىلەتتى ۇيىم (بۇدان ءارى – ۋاكىلەتتى ۇيىم);
4) شەتەلدىك بايلانىس وپەراتورلارى – قازاقستان رەسپۋبليكاسىنان تىس بايلانىس قىزمەتتەرىن كورسەتەتىن جەكە نەمەسە زاڭدى تۇلعالار;
5) ءتۇيىسۋ نۇكتەسى – قالاارالىق جانە (نەمەسە) حالىقارالىق تەلەفون بايلانىسى وپەراتورلارىنىڭ كولىك جەلىلەرىندە حالىقارالىق قوسىلىستى ۇيىمداستىرۋ ءۇشىن قىزمەت اتقاراتىن شەكارا ماڭىنداعى جەلىلىك توراپ.
2. تەلەكوممۋنيكاتسيا جەلىلەرىنىڭ ءوزارا ءىس-قيمىل جاساۋ جانە ولاردى ورتالىقتان باسقارۋ ءتارتىبى
4. ترافيكتى وتكىزۋدى جانە ءوزارا ەسەپ ايىرىسۋ ءتارتىبىن قوسا العاندا, تەلەكوممۋنيكاتسيا جەلىلەرىنىڭ قوسىلۋى مەن ءوزارا ءىس-قيمىل جاساۋى قازاقستان رەسپۋبليكاسىنىڭ ۇكىمەتى بەلگىلەيتىن تارتىپپەن جۇزەگە اسىرىلادى.
5. قازاقستان رەسپۋبليكاسىندا تەلەكوممۋنيكاتسيا جەلىلەرىن ورتالىقتان باسقارۋدى بايلانىس سالاسىنداعى ۋاكىلەتتى ورگان «بايلانىس تۋرالى» زاڭعا سايكەس جانە مىنا:
1) حالىقارالىق بايلانىس جەلىلەرىندە تەلەكوممۋنيكاتسيا جەلىلەرى ترافيگىنىڭ اعىمداعى جاعدايى تۋرالى اقپاراتتى جيناقتاۋ جانە تالداۋ;
2) بايلانىس قۇرالدارى تۇلعانىڭ, قوعامنىڭ جانە مەملەكەتتىڭ مۇددەسىنە نۇقسان كەلتىرەتىن قىلمىستىق ماقساتتا پايدالانىلعان جاعدايدا سوتتاردىڭ بايلانىس جەلىلەرىندەگى جەدەل-ىزدەستىرۋ قىزمەتىن جۇزەگە اسىراتىن ورگانداردىڭ كەز كەلگەن جەلىلەر مەن بايلانىس قۇرالدارىنىڭ قىزمەتىن توقتاتا تۇرۋ تۋرالى شەشىمدەرىنىڭ ورىندالۋىن قامتاماسىز ەتۋ;
3) ۋاكىلەتتى مەملەكەتتىك ورگانداردى باسىم پايدالانۋ, سونداي-اق تابيعي جانە تەحنوگەندى سيپاتتاعى توتەنشە جاعدايلار بولعان كەزدە كەز كەلگەن جەلىلەر مەن بايلانىس قۇرالدارىنىڭ (ۇكىمەتتىك بايلانىستان باسقا) قىزمەتىن توقتاتا تۇرۋ قۇقىعىمەن قامتاماسىز ەتۋ ماقساتىندا جۇزەگە اسىرادى.
6. قالاارالىق جانە (نەمەسە) حالىقارالىق تەلەفون بايلانىسى قىزمەتتەرىن ۇسىنۋعا ليتسەنزياسى جوق وپەراتورلار شەتەلدىك وپەراتورلارمەن ترافيك الماسۋدى قازاقستان رەسپۋبليكاسىنىڭ قالاارالىق جانە (نەمەسە) حالىقارالىق بايلانىس وپەراتورلارى ارقىلى عانا جۇزەگە اسىرادى.
7. قالاارالىق جانە (نەمەسە) حالىقارالىق تەلەفون بايلانىسى قىزمەتتەرىن ۇسىنۋعا ليتسەنزياسى بار بايلانىس وپەراتورلارى شەتەلدىك وپەراتورلارمەن ترافيك الماسۋدى تجوب جۇيەسى ارقىلى جۇزەگە اسىرادى.
8. تجوب جۇيەسىن تەحنيكالىق سۇيەمەلدەۋدى ۋاكىلەتتى ۇيىم جۇزەگە اسىرادى جانە ول تجوب جۇيەسىنىڭ جۇمىس ىستەۋىن قامتاماسىز ەتۋدى, ونى جاڭعىرتۋدى جانە ودان ءارى دامىتۋدى قامتيدى.
9. بايلانىس وپەراتورلارى وزدەرىنىڭ تەلەكوممۋنيكاتسيا جەلىلەرىن ورتالىقتان باسقارۋ ورتالىقتارىن تجوب جۇيەسىمەن ينتەگراتسيالاۋدى قامتاماسىز ەتەدى.
10. قالاارالىق جانە (نەمەسە) حالىقارالىق تەلەفون بايلانىسى وپەراتورلارىنىڭ تەلەكوممۋنيكاتسيا جەلىلەرىن تجوب جۇيەسىنە قوسۋ تەلەكوممۋنيكاتسيا جەلىلەرىنىڭ جۇمىس ىستەۋىن, ورنىقتىلىعىن جانە اقپاراتتىق قاۋىپسىزدىگىن ۇيىمدىق-تەحنيكالىق قامتاماسىز ەتۋ شارالارىن كوزدەيتىن جانە بايلانىس سالاسىنداعى ۋاكىلەتتى ورگانمەن كەلىسىلگەن بايلانىس وپەراتورى مەن ۋاكىلەتتى ۇيىم اراسىنداعى ەكى تاراپتىڭ كەلىسىمدەرى نەگىزىندە جۇزەگە اسىرىلادى.
11. بايلانىس وپەراتورلارىنىڭ شەتەلدىك بايلانىس وپەراتورلارىمەن ءوزارا ءىس-قيمىل جاساۋى بايلانىس وپەراتورىنىڭ حالىقارالىق ترافيگى تجوب جۇيەسى ارقىلى وتكەن جانە ءتۇيىسۋ نۇكتەلەرى تىركەلگەن جاعدايدا جۇزەگە اسىرىلادى.
12. بايلانىس وپەراتورلارى وسى قاعيدالاردىڭ 13-تارماعىنا سايكەس شەتەلدىك بايلانىس وپەراتورلارىنىڭ تەلەكوممۋنيكاتسيا جەلىلەرىمەن جۇمىس ىستەپ تۇرعان ءتۇيىسۋ نۇكتەلەرىن تىركەۋدى قامتاماسىز ەتەدى.
13. ءتۇيىسۋ نۇكتەلەرىن تىركەۋ ءۇشىن بايلانىس وپەراتورلارى بايلانىس سالاسىنداعى ۋاكىلەتتى ورگانعا وسى قاعيدالاردىڭ 2-قوسىمشاسىنا سايكەس نىسان بويىنشا حابارلاما جولدايدى.
14. بايلانىس وپەراتورلارى وزدەرىنىڭ وندىرىستىك پايدالانۋعا جاڭادان ەنگىزىلەتىن ءتۇيىسۋ نۇكتەلەرى تۋرالى حابارلامانى شەتەلدىك بايلانىس وپەراتورلارىنىڭ تەلەكوممۋنيكاتسيا جەلىلەرىمەن فيزيكالىق قوسىلىستىڭ جوسپارلانعان ورناتىلۋىنا دەيىن كەمىندە 30 كۇنتىزبەلىك كۇن قالعاندا بەرەدى.
15. وسى قاعيدالاردىڭ 14-تارماعىندا كورسەتىلگەن مەرزىم ىشىندە ۋاكىلەتتى ۇيىم بايلانىس وپەراتورىنىڭ قاجەتتىلىگىنە ساي كەلەتىن كولەمدە حالىقارالىق ترافيكتى تجوب جۇيەسى ارقىلى وتكىزۋ ءۇشىن تەحنيكالىق شارتتاردى دايىنداۋ مەن ولاردىڭ ىسكە اسىرىلۋىن قامتاماسىز ەتەدى.
16. ۋاكىلەتتى ۇيىمنىڭ شەت ەلدەردىڭ تەلەكوممۋنيكاتسيا جەلىلەرىن باسقارۋ ورتالىقتارىمەن ءوزارا ءىس-قيمىل جاساۋى بايلانىس سالاسىنداعى ۋاكىلەتتى ورگانمەن كەلىسىلگەن ەكىجاقتى كەلىسىمدەر نەگىزىندە جۇزەگە اسىرىلادى.
17. تابيعي جانە تەحنوگەندىك سيپاتتاعى توتەنشە جاعدايلار بولعان جانە بايلانىس سالاسىنداعى ۋاكىلەتتى ورگاننىڭ نەمەسە بايلانىس جەلىلەرىندە جەدەل-ىزدەستىرۋ قىزمەتىن جۇزەگە اسىراتىن ورگانداردىڭ نەمەسە ۋاكىلەتتى مەملەكەتتىك ورگانداردىڭ اتىنا سوتتىڭ كەز كەلگەن بايلانىس جەلىلەرى مەن قۇرالدارىنىڭ (ۇكىمەتتىك بايلانىستان باسقا) قىزمەتىن توقتاتا تۇرۋ تۋرالى شەشىمدەرى كەلىپ تۇسكەن جاعدايدا بايلانىس سالاسىنداعى ۋاكىلەتتى ورگان ولاردى ورىنداۋ ءۇشىن دەرەۋ ۋاكىلەتتى ۇيىمعا جىبەرەدى.
18. جەلىلەردىڭ جانە بايلانىس قۇرالدارىنىڭ قىزمەتىن توقتاتا تۇرۋ تۋرالى شەشىمدى العان كەزدە ۋاكىلەتتى ۇيىم تەز ارادا وسى شەشىمنىڭ ورىندالۋىن قامتاماسىز ەتەدى جانە بايلانىس وپەراتورلارىنا ونىڭ ورىندالۋىن قامتاماسىز ەتۋدىڭ پايدالانىلاتىن تەحنولوگيالىق پارامەترلەرى تۋرالى حابارلايدى.
19. كورسەتىلگەن شەشىمنىڭ ورىندالۋىن باقىلاۋدى جۇزەگە اسىرۋ ءۇشىن بايلانىس وپەراتورى ءوزىنىڭ تەلەكوممۋنيكاتسيا جەلىسىنىڭ باسقارۋ ورتالىعىنا بايلانىس سالاسىنداعى ۋاكىلەتتى ورگاننىڭ جەكە قول جەتكىزۋىن قامتاماسىز ەتەدى.
20. جەلىلەردىڭ جانە بايلانىس قۇرالدارىنىڭ قىزمەتىن قالپىنا كەلتىرۋ سوتتىڭ نەمەسە بايلانىس جەلىلەرىندە جەدەل-ىزدەستىرۋ قىزمەتىن جۇزەگە اسىراتىن ورگانداردىڭ نەمەسە ۋاكىلەتتى مەملەكەتتىك ورگانداردىڭ ءتيىستى شەشىمىنىڭ نەگىزىندە جۇزەگە اسىرىلادى. بايلانىس سالاسىنداعى ۋاكىلەتتى ورگان كورسەتىلگەن شەشىمدەردى ورىنداۋ ءۇشىن تەز ارادا ۋاكىلەتتى ۇيىمعا جولدايدى.
21. جەلىلەردىڭ جانە بايلانىس قۇرالدارىنىڭ قىزمەتىن قالپىنا كەلتىرۋ تۋرالى شەشىمدى العان كەزدە ۋاكىلەتتى ۇيىم دەرەۋ وسى شەشىمنىڭ ورىندالۋىن قامتاماسىز ەتەدى جانە ونىڭ ورىندالۋىن قامتاماسىز ەتۋدىڭ پايدالانىلاتىن تەحنولوگيالىق پارامەترلەرى تۋرالى بايلانىس وپەراتورلارىنا حابارلايدى.
تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋىنىڭ جانە ولاردى ورتالىقتان باسقارۋدىڭ
بىرىڭعاي قاعيدالارىنا 1-قوسىمشا
مەملەكەتتىك ورگانداردىڭ تىزبەسى
1. قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى)
2. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى (مونوپولياعا قارسى اگەنتتىك)
3. قازاقستان رەسپۋبليكاسى جەر رەسۋرستارىن باسقارۋ اگەنتتىگى
4. قازاقستان رەسپۋبليكاسى ۇلتتىق قاۋىپسىزدىك كوميتەتى
5. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى
6. قازاقستان رەسپۋبليكاسى ىشكى ىستەر مينيسترلىگى
7. قازاقستان رەسپۋبليكاسى دەنساۋلىق ساقتاۋ مينيسترلىگى
8. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى
9. قازاقستان رەسپۋبليكاسى سىرتقى ىستەر مينيسترلىگى
10. قازاقستان رەسپۋبليكاسى مادەنيەت مينيسترلىگى
11. قازاقستان رەسپۋبليكاسى مۇناي جانە گاز مينيسترلىگى
12. قازاقستان رەسپۋبليكاسى قورعانىس مينيسترلىگى
13. قازاقستان رەسپۋبليكاسى ءبىلىم جانە عىلىم مينيسترلىگى
14. قازاقستان رەسپۋبليكاسى قورشاعان ورتانى قورعاۋ مينيسترلىگى
15. قازاقستان رەسپۋبليكاسى توتەنشە جاعدايلار مينيسترلىگى
16. قازاقستان رەسپۋبليكاسى بايلانىس جانە اقپارات مينيسترلىگى
17. قازاقستان رەسپۋبليكاسى اۋىل شارۋاشىلىعى مينيسترلىگى
18. قازاقستان رەسپۋبليكاسى كولىك جانە كوممۋنيكاتسيا مينيسترلىگى
19. قازاقستان رەسپۋبليكاسى قارجى مينيسترلىگى
20. قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگى.
21. قازاقستان رەسپۋبليكاسى ادىلەت مينيسترلىگى
22. قازاقستان رەسپۋبليكاسى پريزيدەنتىنىڭ كۇزەت قىزمەتى
23. قازاقستان رەسپۋبليكاسى «سىربار» سىرتقى بارلاۋ قىزمەتى
تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋىنىڭ جانە
ولاردى ورتالىقتان باسقارۋدىڭ بىرىڭعاي قاعيدالارىنا 2-قوسىمشا
كىمگە: قازاقستان رەسپۋبليكاسى بايلانىس جانە اقپارات مينيسترلىگى
شەتەلدىك بايلانىس وپەراتورلارىمەن ءتۇيىسۋدى تىركەۋگە
حابارلاما
____________________________________________________________________________
ء(وتىنىش بەرۋشىنىڭ اتاۋى نەمەسە ءوتىنىش بەرۋشىنىڭ ت.ا.ءا.)
كەيىننەن_____________________________________________________________________
(شەتەلدىك بايلانىس وپەراتورىنىڭ اتاۋى)
شەتەلدىك بايلانىس وپەراتورىمەن ترافيك الماسۋدى جۇزەگە اسىرۋ ءۇشىن
____________________________________________________________________________
ء(تۇيىسۋدىڭ گەوگرافيالىق كوورديناتالارى, پارامەترلەرى, دەرەكتەرى)
ءتۇيىسۋدى تىركەۋدى جۇرگىزۋدى سۇرايدى
____________________________
(قولى, كۇنى) م.و.