ماڭعىستاۋدا سوڭعى جىلدارى اۋىلدى كوركەيتۋ, اۋىلدى اباتتاندىرۋ, اۋىلعا ءبىلىمدى جاس مامانداردى جىبەرىپ, تۇراقتاندىرۋ جولىندا قىرۋار جۇمىستار اتقارىلىپ كەلەدى. بۇگىنگى تاڭدا ءوڭىردىڭ بارلىق ەلدى مەكەندەرى رەسپۋبليكا كولەمىندە العاش بولىپ ەلەكتر توعىمەن, سۋمەن, گازبەن, بايلانىس جانە ينتەرنەتپەن قامتاماسىز ەتىلدى. ەلدى مەكەندەردەگى الەۋمەتتىك نىساندار سالۋدا جۇيەلى ءتۇردە جۇرۋدە. سودان بولار ماڭعىستاۋدا اۋىلدان قالاعا ەمەس, قالادان اۋىلعا قونىس اۋدارۋشىلار قاتارى كوبەيىپ كەلەدى. سول اۋىلداردى ودان ءارى كوركەيتە ءتۇسۋ ءۇشىن كادرلار ماسەلەسىن وڭ شەشۋ جولىندا بەس جىلدان بەرى ءبىلىمدى, تالانتتى, بىراق وقۋعا جاعدايى كەلە بەرمەيتىن اۋىل جاستارىنا وبلىس اكىمىنىڭ گرانتى بەرىلۋدە. سونىڭ نەگىزىندە ءمۇجالسىز وتباسىنىڭ جاستارى ءبىلىم الىپ, اۋىلدارىمىز جاس ماماندارمەن تولىعىپ وتىر. تسيفر تىلىمەن ايتساق بەس جىلدا 780 ستۋدەنت وبلىس اكىمىنىڭ گرانتىنا يە بولىپتى. تاۋەلسىزدىگىمىزدىڭ 20 جىلدىعى قارساڭىندا سولاردىڭ 160-ى جوعارى وقۋ ورىندارىن اياقتاپ ديپلوممەن اۋىلعا ورالعان. بۇل دەگەنىمىز جاستاردىڭ قامقورشىسى ەلباسى نۇرسۇلتان نازارباەۆتىڭ باستاماسىمەن 2009 جىلى ومىرگە كەلگەن «ديپلوممەن – اۋىلعا» جوباسىنىڭ جەمىستى ناتيجەسى.
وبلىس اكىمى قىرىمبەك كوشەرباەۆ «ءتاۋەلسىزدىكتىڭ جيىرما شىڭى» ۇرانىمەن جۇلدىزدى جيىرما كۇندىك مەرەكەلەۋ شارالارى اياسىندا «شاڭىراق» اتالىمى بويىنشا «ديپلوممەن – اۋىلعا» بارعان وبلىس اكىمى گرانتىنىڭ ءبىر توپ يەگەرلەرىمەن كەزدەستى. وندا ەل تاۋەلسىزدىگىنىڭ ارقاسىندا الداعى ۋاقىتتا ولاردىڭ شاڭىراقتارى شاتتىققا بولىنەتىندىگى ايتىلدى. ياعني, ازاماتتارىمىزدىڭ بويىندا وتباسىلىق قۇندىلىقتاردى دارىپتەۋگە جانە ولاردى جەكە تۇرعىن ءۇيمەن قامتاماسىز ەتۋ جولىندا وبلىس كولەمىندە جاسالىپ جاتقان جۇمىستارعا توقتالدى. اۋىلدىق جەرلەردە قۇرىلىس قارقىندى. مىسالى, تاۋەلسىزدىك جىلدارى ەلىمىزدە اشىلعان ءبىردەن-ءبىر مۇنايلى اۋدانىنىڭ جاڭا ورتالىعى باتىر سەلوسىنىڭ, قاراقيا اۋدانىنداعى اپپاق سەلوسىنىڭ, بەينەۋ اۋدانىنداعى بەينەۋ سەلوسىندا قۇرىلىستار جۇرۋدە. ونىڭ ءبارى بولاشاق يەگەرى, جاستارىمىز ءۇشىن جاسالۋداعى يگىلىكتەر ەكەنى ايتىلدى. ودان سوڭ وبلىس باسشىسى جاس مامانداردى تاۋەلسىزدىگىمىزدىڭ 20 جىلدىعىمەن قۇتتىقتاپ, ەسكەرتكىش سىيلىقتار تاپسىردى. ءوز كەزەگىندە كەزدەسۋگە كەلگەن جاستار وزدەرىنە جاسالعان قامقورلىق پەن كومەك, اتا-انالارىنا سىيلانعان زور قۋانىشتىڭ تاۋەلسىزدىكتىڭ تارتۋى ەكەندىگىن اڭگىمەلەدى. وسىنداي شات ءومىر ءۇشىن تاۋەلسىز قازاق ەلىنىڭ تۇڭعىش پرەزيدەنتى نۇرسۇلتان نازارباەۆقا, وبلىس باسشىسىنا العىس سەزىمدەرىن ءبىلدىرىپ, التىن بەسىگىمىز اۋىلدى كوركەيتۋ جولىندا كۇش-جىگەر جۇمسايتىندىقتارىن جەتكىزدى.
جولامان بوشالاق,
اقتاۋ.