وبلىس ورتالىعىنداعى دوستىق ۇيىندە وتكەن بۇل شارا «بەس الەۋمەتتىك باستاما – قوعامنىڭ الەۋمەتتىك بىرلىگىنىڭ تۇعىرى» دەپ اتالدى.
ەتنو-مادەني بىرلەستىكتەر, زيالى قاۋىم وكىلدەرى جانە ستۋدەنت جاستار قاتىستقان جيىندا وبلىس اكىمى بولات باقاۋوۆ بايانداما جاسادى. ەلباسى ۇسىنعان 5 الەۋمەتتىك باستامانىڭ وڭىردە قالاي جۇزەگە اسىرىلاتىنى جايلى جاڭا جوسپارلارىمەن ءبولىستى. بۇل كۇندەرى وڭىرىندە 80-نەن استام ۇلت وكىلدەرى ءومىر ءسۇرىپ, ەڭبەك ەتۋدە. جالپى وڭىردە 27 ەتنو-مادەني بىرلەستىك, اۋدان-قالالاردا 112- ورتالىق قۇرىلعان.
جيىندا ءسوز سويلەگەن «قازاقستان اليۋميني زاۋىتى» اق-تا جۇمىسشىسى قايرات سارسەنوۆ ءوندىرىس ورنىندا 15-تەن استام ۇلت وكىلدەرى ەڭبەك ەتىپ جاتقانىن ايتىپ ءوتتى.
- وتكەن جىلى زاۋىتتىڭ 80 جۇمىسشى-قىزمەتكەرلەرى پاتەر الدى.بيىل دا ەلباسى باستاماسىن قولداپ, 120 پاتەر بەرىلمەكشى. ەكىنشى باستاما بويىنشا 4 767 000 تەڭگە مولشەرىندە ارداگەرلەرگە,زەينەتكەرلەرگە, كوپ بالالى وتباسىلارعا جانە مۇگەدەك بالالارى بار وتباسىلارعا كومەك كورسەتىلدى. بيىل قايىرىمدىلىق شاراعا 2 872000 تەڭگە جۇمسالدى, - دەيدى قايرات سارسەنوۆ.
سەسسيا سوڭىندا وبلىستىق جەرگىلىكتى اسسامبلەياسى توراعاسىنىڭ قوعامدىق ورىنباسارى لاۋازىمىنا ولگا نيكولاشينانىڭ كانديداتۋراسى ۇسىنىلدى. قازاقستاندىق ءپاتريوتيزمدى دامىتۋعا قوسقان ەڭبەگى ءۇشىن دانباي شۋحراتقا قحا-نىڭ «جومارت جان» توسبەلگىسى تابىس ەتىلدى. مۋزىكتانۋشى ن.شوفەر, «مەركەز» ەۆرەي ۇلتتىق بىرلەستىگىنىڭ مۇشەسى ماكسيم كاراپۋزوۆتارعا العىس حاتتار تابىس ەتىلدى. وبلىس اكىمىنىڭ قۇرمەت گراموتاسىن اقسۋ قالاسى «ەلبرۋس» قاراشاي-چەركەس جانە قاباردا-بالكار ەتنو-مادەني بىرلەستىگىنىڭ مۇشەسى ابۋلكەريم بايرامقۋلوۆ پەن باياناۋىل اۋدانى «رودنىە ناپەۆى» حورىنىڭ جەتەكشىسى اننا سۋشكوۆا يەلەندى.
فاريدا بىقاي, «ەگەمەن قازاقستان»