وتكەن اپتادا قىزىلوردا وبلىسى جاڭاقورعان اۋدانىندا مەنينگوكوكتى ينفەكتسيانى جۇقتىرۋدىڭ العاشقى جاعدايى تىركەلگەن ەدى. 1991 جىلى تۋعان ازامات دەرەۋ اۋرۋحاناعا جاتقىزىلىپ, ەمدەۋ شارالارى باستالىپ كەتكەن بولاتىن. الايدا, دارىگەرلەردىڭ ەڭبەگى ەش كەتىپ, ناۋقاس جانساقتاۋ بولىمىندە كوز جۇمدى, دەپ حابارلايدى قازاقپارات.
قازىر دارىگەرلەر ينفەكتسيانىڭ تۇرعىندار اراسىندا تاراپ كەتپەۋى ءۇشىن الدىن - الۋ جۇمىستارىن جۇرگىزىپ جاتىر.
«مارقۇممەن تىعىز قارىم - قاتىناستا بولعان 15 ادامنىڭ ساراپتاما ناتيجەلەرى تەرىس شىقتى. ەشقايسىسىنان مەنينگيت انىقتالعان جوق. بارلىعى ۇيلەرىنە قايتارىلدى. دەگەنمەن, الداعى ۋاقىتتا دارىگەرلەردىڭ باقىلاۋىندا بولادى. ارنايى قۇرىلعان شتاب جۇمىسىن جالعاستىرىپ جاتىر. اۋداندىق اۋرۋحانا قىزمەتكەرلەرى ءۇي-ۇيلەردى ارالاپ, ناسيحات شارالارىن اتقارۋدا», - دەپ مالىمدەدى قىزىلوردا وبلىستىق دەنساۋلىق ساقتاۋ باسقارماسىنىڭ ءباسپاسوز حاتشىسى نۇرجامال تۇرسىنباەۆا.
ساناۋلى كۇندەردەن كەيىن قىزىلوردالىق دارىگەرلەر ەكپە جۇمىستارىن باستاماق. رەسپۋبليكادان ارنايى ءدارى-دارمەكتەردىڭ جەتكىزىلەدى دەپ كۇتىلۋدە.
ايتا كەتۋ كەرەك, مارقۇمنىڭ قانداي جاعدايدا ينفەكتسيانى جۇقتىرعانى بەلگىسىز. ول وزگە وبلىستارعا بارماعان.