ماڭعىستاۋدا «مەرەيلى وتباسى» ۇلتتىق بايقاۋى ءوتتى

ماڭعىستاۋ وبلىسى بويىنشا 2014 جىلى ءوڭىر نامىسىن قر ۇلتتىق پاراليمپيادالىق كوميتەتىنىڭ ۆيتسە-پرەزيدەنتى, ۆولەيبولدان قر باس باپكەرى نۇرالى ق ۇلىشەۆتىڭ وتباسى قورعادى.

2015 جىلى وبلىس نامىسىن قورعاعان, 12 بالا, 46 نەمەرە, 41 شوبەرە تاربيەلەپ وتىرعان باقىتتى وتباسى قۇلساريەۆتەر وبلىستىق جانە رەسپۋبليكالىق دەڭگەيدە كونكۋرس جەڭىمپازى اتاندى.

2016 جىلى ماڭعىستاۋ اۋدانىنان «قۇرماشەۆتار وتباسى» جەڭىمپاز اتاندى. قۇرماشەۆ الدابەرگەن 48 جىل ۇستازدىق ەتكەن, قر ءبىلىم بەرۋ ءىسىنىڭ ۇزدىگى.

2017 جىلى جەڭىمپاز بولىپ تۇپقاراعان اۋدانىنىڭ «قانجانوۆتار وتباسى» قانجانوۆ ءتاۋىرحان ەرەن ەڭبەگى ءۇشىن», «ۆەتەران ترۋدا» مەدالدارىمەن, «ەڭبەك قىزىل تۋ» وردەنىمەن ماراپاتتالعان. تۇپقاراعان اۋدانىنىڭ قۇرمەتتى ازاماتى

2018 جىلى  بايقاۋعا وبلىستىڭ اۋداندارى مەن قالالارىنان مۇناي-گاز, ەنەرگەتيكا, ءبىلىم, كاسىپكەر, اۋىلشارۋاشىلىق, ونەر سالالارىنان قۇرالعان 25 وتباسى وتىنىمدەرىن بەردى.

ناتيجەسىندە ءىىى ورىن جەڭىمپازى بولىپ بەينەۋ اۋدانىنان «ومىروۆتەر وتباسى» تانىلدى.

وتاعاسى ءومىروۆ وتەپقالي ءجۇندىباي ۇلى 1956 جىلى تۋىلعان. زەرگەر, قازاق حالقىنىڭ ءداستۇرلى زەرگەرلىك ونەرىن, ءمۇسىن, كوركەمسۋرەت, دومبىرا, بي جانە ءسوز ونەرىن ناسيحاتتاپ, اينالىسۋىمەن تانىمال كىسى. «ماڭعىستاۋ وبلىسىنىڭ ۇزدىك كاسىپكەرى اتاعىن  ەكى رەت يەلەنگەن. «ۇزدىك تاۋارلار» ايماقتىق كورمە-كونكۋرسىنىڭ لاۋرەاتى. «ماڭعىستاۋ جۇلدىزدارى» فەستيۆالىنىڭ ەكى دۇركىن لاۋرەاتى, بىرنەشە ديپلومدار مەن العىس حاتتارمەن ماراپاتالعان.

جولداسى ەسەتوۆا ايناحان ىعىلمانقىزى ماڭعىستاۋ وبلىستىق «ماڭعىستاۋ» گازەتىنىڭ بەينەۋ اۋدانىنداعى  مەنشىكتى ءتىلشىسى. بۇگىنگى تاڭدا ء«ومىر سىرى», «ولجاشى شەجىرەسى», «اقجەلەڭ», «ارىستاردىڭ اتى جەتسىن ۇرپاققا», ماڭعىستاۋ اقىن جازۋشىلارى كىتاپحاناسى سەرياسىمەن ولەڭدەر توپتاماسى, «جىر مارجانى» قازاق پوەزياسىنىڭ انتولوگياسى, «بويتۇمار», ء«ۇستىرت باللادالارى» كىتاپتارىنىڭ اۆتورى. وتباسىندا ەكى ۇل مەن ءبىر قىزى جانە ءبىر نەمەرەسى بار. بالالارىنىڭ بارلىعى ونەر–بىلىم سايىستارىنىڭ جەڭىمپازى.

ءىى ورىندى ماڭعىستاۋ اۋدانىنان «وزعانباەۆتار» وتباسى يەلەندى.

وزعانباەۆ تورەالى – 85 جاستاعى تىل ارداگەرى, 40 جىل ۇستازدىق ەتكەن دەربەس زەينەتكەر, سسسر جانە قازاق سسر اعارتۋ ءىسىنىڭ ۇزدىگى, قازاقستان حالىق اعارتۋ ءىسىنىڭ ۇزدىگى.

ۇستازدىق ەتكەن جىلدارىندا, «ۆ.ي.لەنيننىڭ  تۋعانىنا - 100جىل» مەدالى, «ەڭبەك ارداگەرى» مەدالى, وقۋ اعارتۋ ءىسىنىڭ ۇزدىگى مەدالدارىمەن ماراپاتتالعان. بۇگىنگى تاڭدا ءبىلىم بەرگەن ل.ك.قيىنوۆ سىندى كوپتەگەن شاكىرتتەرىنىڭ ءوزى حالقىنا قىزمەت ەتىپ زەينەت جاسىنا جەتكەن, ابىز ۇستازدىڭ ونەگەلى ۇلگىلى وتباسى.

جولداسى قازتۇرعانوۆا دامەجان اۋىل شارۋاشىلىق سالاسىندا مال دارىگەرى بولىپ قىزمەت اتقارعان. 2006 جىلى 70 جاسىندا ومىردەن وزدى. بۋگىنگى تاڭدا 7 بالا تاربيەلەپ, ۇلىن ۇياعا, قىزىن قياعا قوندىرعان. بالالارى بىلىكتى ماماندار. وتباسىنداعى بالالارى مەن كەلىندەرىن ەسەپتەگەندە 8 بىلىكتى ۇستاز بار. ءتورت ۇل جانە ءۇش  قىزدان 33 نەمەرەمەن 19 شوبەرە ءسۇيىپ, قازاقى وتباسىنىڭ ناعىز بەينەسىن قالىپتاستىردى.

ءى ورىن قاراقيا اۋدانىڭ «كوشەنوۆتەر» وتباسىنا بۇيىردى.

كوشەن ۇلى تۇرسىنعالي 1934 جىلى فورت – شەۆچەنكو قالاسىندا دۇنيەگە كەلگەن. 1959 جىلى باكۋ ينستيتۋتىن بىتىرگەن. بۇرعىلاۋشى كومەكشىسىنەن باستاپ «ماڭعىشلاقمۇنايگازبارلاۋ» ترەستىنىڭ باسشىسىنا دەيىن قىزمەت ەتتى. قاراقيا اۋدانىننىڭ قۇرمەتتى ازاماتى, قر جەر قويناۋىنىڭ قۇرمەتتى بارلاۋشىسى, قر پرەزيدەنتىنىڭ قۇرمەت گراموتاسىمەن, ەنبەك ارداگەرى, ۆ.ي.لەنين 100 جىلدىعى, 1920-1970 ج.ج. قر 50 جىلدىعى, قازاقستان مۇنايىنا 100 جىل, ت.ب., مەدالدارىمەن جانە گراموتا العىس حاتتارمەن ماراپاتالعان.

جۇبايى جۇسىپقىزى قانشايىم تاۋششىق اۋرۋحاناسىندا قىزمەت اتقارعان. وتباسىندا 4 قىز جانە 2 ۇلى بار ولاردان تاراعان  20 نەمەرە, ءبىر شوبەرەسى بار.

باس جۇلدە جەڭىمپازى - جاڭاوزەن قالاسىنان «قالدامانوۆتار وتباسى».

وتاعاسى قالدامانوۆ يسەنباي ابەي ۇلى 1968 جىلى دۇنيەگە كەلگەن. 2008 جىلدان باستاپ «كاسپي» پەداگوگيكا جانە سالالىق تەحنولوگيالار كوللەدجىن اشىپ, قازىرگى تاڭدا كوللەدج ديرەكتورى قىزمەتىن اتقارۋدا. مەملەكەتتىك «بالاپان» باعدارلاماسى اياسىندا 2010 جىلى 75 بالاعا ارنالعان «كاسپي» بالاباقشا اشقان, 2017 جىلى «كاسپي» زياتكەرلىك مەكتەبىن اشىپ, بۇگىنگى تاڭدا جاڭاوزەن قالاسىنىڭ 150-گە جۋىق باستاۋىش سىنىپ وقۋشىلارىنا ءبىلىم بەرۋدە.

قالاداعى بارلىق قايىرىمدىلىق شارالارىنا بەلسەندى اتسالىسىپ كەلەدى, سونىڭ ىشىندە جەتىم جانە جارتىلاي جەتىم, ءمۇجالسىز وتباسى جانە اۋىرعان بالالارعا, دارىندى جاستارعا ءتۇرلى دەڭگەيدەگى تۇرعىندارعا كومەگىن بەرىپ كەلەدى. سونىمەن قاتار كوللەدج ستۋدەنتتەر اراسىندا التى ءمۇجالسىز وتباسىنىڭ بالالارىدى كوللەدج ەسەبىنەن تەگىن ءبىلىم الۋدا, وسى ءۇردىس ءاربىر وقۋ جىلى سايىن ءوزىنىڭ جالعاسىن تابۋدا.

2017 جىلدىڭ ۇزدىك كاسىپكەرى, ۇلاعاتتى ۇستاز (تاريح ءپانى بويىنشا), «داۋىمشار باتىر جانە ونىڭ ۇرپاقتارى» كىتابىنىڭ جارىققا شىعۋىنا  اتسالىسقان, قر ءبىلىم بەرۋ ءىسىنىڭ ۇزدىگى, 2016 جىلدىڭ ۇزدىك كاسىپكەرى, «رۋحاني جاڭعىرۋ» باعدارلاماسى اياسىندا 2017 جىلى وتكەن وبلىستىق «تۋعان جەرگە تاعزىم» مەتسەناتتار فورۋمىندا «ۇزدىك ۇجىم» اتاعىن يەلەندى, مەتسەنات, جاڭاوزەن قالالىق ءماسليحات دەپۋتاتى.

2018 جىلى ءى رەسپۋبليكالىق «ورلەۋ» ينستيتۋتىنىڭ ۇيىمداستىرۋىمەن «ۇزدىك مەنەدجەر» بايقاۋىندا «ۇزدىك ستراتەگ» نوميناتسياسىن جەڭىپ الدى. جاستاردىڭ سالاۋاتتى ءومىر سالتىن قالىپتاستىرۋعا جانە ۇلتتىق ات سپورت تۇرلەرىن  دامۋىنا قوسقان ۇلەسى زور.

جۇبايى رامەتۋللا زليحا ماقسۋتقىزى اعىلشىن ءتىلى ءپانىنىڭ وقىتۋشىسى, ۇلاعاتتى ۇستاز, جوعارى ساناتتى تاجىريبەلى بىلىكتى مامان, قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى. وتباسىندا ەكى ۇل مەن ەكى قىزى جانە 5 نەمەرەسى بار. ونەگەلى ۇلگىلى وتباسى.

«قالدامانوۆتار وتباسى» «مەرەيلى وتباسى» ۇلتتىق بايقاۋىنىڭ رەسپۋبليكالىق كەزەڭىندە وبلىس نامىسىن قورعايتىن بولادى.

گۇلايىم شىنتەمىرقىزى, «ەگەمەن قازاقستان»