بالالاردى قورعاۋ كۇنى قارساڭىندا ەلوردادا تانىمال وتاندىق جانە رەسەيلىك ەسترادا وكىلدەرىنىڭ قاتىسۋىمەن Open-Air شوۋ-كونتسەرتى ءوتتى. وسىلايشا ءداستۇرلى شوۋ استانانىڭ 20 جىلدىعىنا ارنالعان مەرەكەلىك شارالاردىڭ شىمىلدىعىن اشتى.
«قازاق ەلى» مونۋمەنتى ورنالاسقان الاڭدا وتكەن كونتسەرتكە دەيىن ساحنا جۇلدىزدارى قالانىڭ الەۋمەتتىك مەكەمەلەرىندەگى جانە اۋىر سىرقاتتارمەن اۋىراتىن بالالارعا باردى. اتالعان قايىرىمدىلىق اكتسيانى استانا قالاسىنىڭ مادەنيەت جانە سپورت باسقارماسى ۇيىمداستىردى. اتاپ ايتقاندا, انشىلەر انا مەن بالا ۇلتتىق عىلىمي ورتالىعىنىڭ ونكولوگيا ءبولىمىنىڭ پاتسيەنتتەرىمەن كەزدەسىپ, بۇلدىرشىندەرگە مىقتى دەنساۋلىق تىلەدى.
– قانداي كەرەمەت بالالار! بارىڭىزگە جاقسى كوڭىل كۇي تىلەيمىن. ءاردايىم قۋانىپ, شاتتانىپ جۇرىڭىزدەر. بارلىق اۋرۋدان ساۋىعىپ كەتىڭىزدەر, اتا-انالارعا شىدامدىلىق تىلەيمىن, – دەدى رەسەيلىك ءانشى اننا سەمەنوۆيچ.
شوۋ-بيزنەس وكىلدەرىنە انا مەن بالا ۇلتتىق عىلىمي ورتالىعىنىڭ ديرەكتورى راسۋلبەك ايپوۆ بۇلدىرشىندەردىڭ اتىنان العىس ايتتى.
– بالاما ءبىر جاس ءۇش اي بولدى. وسىندا ءتورت ايدان بەرى جاتىرمىز. ءبىز تەلەديداردان عانا كورەتىن جۇلدىزداردىڭ قاتىسۋىمەن وتەتىن وسىنداي اۋقىمدى شارانى العاش رەت كورىپ وتىرمىز. ۇيىمداستىرۋشىلارعا ريزاشىلىق بىلدىرەمىز. بالالاردى قورعاۋ كۇنى قارساڭىندا بالالارىمىز اۋىرماسىن, تەزىرەك ساۋىعىپ كەتسىن دەيمىن, ال اتا-انالارعا شەكسىز شىدامدىلىق پەن كۇش-قۋات تىلەيمىن, – دەدى كىشكەنتاي ءۆيتاليدىڭ اناسى ۆەرا.
ءدال وسى ىسپەتتى كەزدەسۋ SOS استانا بالالار اۋىلىندا, بالالار پسيحونەۆرولوگيالىق مەديتسينالىق-الەۋمەتتىك مەكەمەسىندە دە ءوتىپ, قازاقستان مەن رەسەي ەستراداسىنىڭ جۇلدىزدارى ءان ايتىپ, بي بيلەپ, بالالاردىڭ كوڭىلىن كوتەردى جانە ءتۇرلى ويىنشىقتار سىيلادى.
«ەگەمەن-اقپارات»