جاقىندا وسكەمەندە جالاۋى جەلبىرەگەن ءححى حالىقتىق سپورت ويىندارىنىڭ اشىلۋ سالتاناتىندا پحەنچحاندا وتكەن قىسقى وليمپيا ويىندارىنىڭ قولا جۇلدەگەرى, فريستايلشى يۋليا گالىشەۆاعا ەرەكشە قۇرمەت كورسەتىلدى.
وڭتۇستىك كورەيادا ەلىمىزدىڭ ابىرويىن اسقاقتاتقان سپورتشىعا وبلىس اكىمى دانيال احمەتوۆ ءبىر بولمەلى پاتەر, 16 ميلليون تەڭگەنىڭ سەرتيفيكاتى مەن «پەجو» ماركالى اۆتوكولىكتىڭ كىلتىن سالتاناتتى تۇردە تابىس ەتتى. ال قولا جۇلدەگەردىڭ باپكەرى ەلەنا كرۋگلىحينا مەن ءدۇبىرلى دوداعا قاتىسقان تاعى ءبىر فريستايلشى پاۆەل كولماكوۆ قىزمەتتىك پاتەردىڭ كىلتتەرىنە يە بولدى. ء«بىزدىڭ وبلىستان كوپتەگەن رەسپۋبليكالىق جانە حالىقارالىق جارىستاردىڭ, الەم چەمپيوناتتارى مەن وليمپيا ويىندارىنىڭ جەڭىمپازدارى, جۇلدەگەرلەرى شىققان. ولاردىڭ قاتارىندا ولگا رىپاكوۆا, ايبەك نۇعىماروۆ, دەنيس ۋلانوۆ پەن الەكسەي پولتورانين ەسىمدەرىن ەرەكشە اتاپ وتۋگە بولادى. وڭىردە بۇقارالىق سپورتتىڭ دامۋىنا ايرىقشا كوڭىل ءبولىنىپ كەلەدى. ايماق تۇرعىندارىنا ءۇش مىڭنان استام سپورتتىق نىسان مەن سەكتسيالار قىزمەت كورسەتۋدە», دەدى د.احمەتوۆ.
رەتى كەلگەندە ايتا كەتەيىك, وبلىس اكىمىنىڭ جۇلدەسى cاراپقا سالىنعان ءححى حالىقتىق سپورت ويىندارىنىڭ قورىتىندىسىندا قالالار اراسىندا وسكەمەن توپ جارسا, اۋداندار اراسىندا تارباعاتاي سپورتشىلارى قارسىلاس شاق كەلتىرمەدى.
ازامات قاسىم, «ەگەمەن قازاقستان»
وسكەمەن