بۇگىن نازارباەۆ ۋنيۆەرسيتەتىندە مەملەكەت باسشىسى ن.نازارباەۆتىڭ قاتىسۋىمەن ۋنيۆەرسيتەت تۇلەكتەرىنىڭ IV وقۋ ءبىتىرۋ ءراسىمى ءوتتى.
بيىل اتالمىش جوعارعى وقۋ ورنىن باكالاۆريات, ماگيستراتۋرا جانە رھD باعدارلامالارىنىڭ 811 ستۋدەنتى ءبىتىردى. ونىڭ ىشىندە باكالاۆريات باعدارلاماسى بويىنشا 506 ستۋدەنت, ماگيستراتۋرا بويىنشا 302 تۇلەك جانە دوكتورانتۋرا دارەجەسى بويىنشا 3 ستۋدەنتديپلوم الدى.
سالتاناتتىشاراعا قاتىسقان پرەزيدەنت ن.نازارباەۆ جوعارعى وقۋ ورىنىن ءتامامداپ وتىرعان تۇلەكتەرگە جۇرەكجاردى لەبىزىن ءبىلدىردى.
«بۇگىندە بۇل ۋنيۆەرسيتەتتى ءبىتىرۋشى ءاربىر تۇلەك قازاقستاننىڭ الەۋەتىن ارتتىرۋعا تىڭ قۋات ەكەنىنە سەنەمىن. ءبىز نازارباەۆ ۋنيۆەرسيتەتىن العاش اشقاندا جاھاندىق تەحنولوگيانىڭ دامۋ جاعدايىندا ەلدى العا باستايتىن بىلىكتى مامانداردى دايىنداۋدى ماقسات ەتكەن بولاتىنبىز. سول ماقساتىمىزعا بۇگىن جەتىپ وتىرمىز. ءبىلىم ورداسىنان بۇعان دەيىن قانات قاققان 800 جاس مامان بۇگىندە قازاقستاندا, جەر جۇزىندە, دامىعان ەلدەردە سان الۋان سالادا قىزمەت ەتىپ ءجۇر. جۇزدەگەن تۇلەك الەمنىڭ ەڭ ايگىلى وقۋ ورىندارىندا شاقىرۋمەن ءبىلىمىن جالعاستىرۋدا. وسىنىڭ ءبارى ۋنيۆەرسيتەت ءبىلىمىنىڭ ەڭ جوعارى ساپادا ەكەنىن كورسەتەدى. ءبىز جاستاردى جىلدار بويى, توقسانىنشى جىلداردان بەرى قاراي «بولاشاق» باعدارلاماسىنا قىرۋار اقشا جۇمساپ, شەتەلگە جىبەرىپ دايىندادىق. قازىردە ءدال سونداي جوعارعى دەڭگەيدەگى ءبىلىمدى ءوزىمىزدىڭ ەلىمىزدە, استانا تورىندە وقىتاتىن مۇمكىندىك تۋىپ وتىر», دەدى پرەزيدەنت ن.نازارباەۆ.
تۇلەكتەردىڭ كوپشىلىگى, اتاپ ايتقاندا 195 تۇلەك عىلىم جانە تەحنولوگيالار مەكتەبى بويىنشا جوعارعى وقۋ ورىنىن ءتامامداپ وتىر. ال, 156 تۇلەك ينجەنەريا مەكتەبىنىڭ تۇلەكتەرى.گۋمانيتارلىق جانە الەۋمەتتىك عىلىمدار مەكتەبىنىڭ 155 تۇلەگى باكالاۆريات ستۋدەنتتەر. كەلەسى ماگيسترلىك باعدارلامالار بويىنشا جوعارى بيزنەس مەكتەبىندە 64 تۇلەك, جوعارى ءبىلىم بەرۋ مەكتەبىندە 46 تۇلەك, جوعارى مەملەكەتتىك ساياسات مەكتەبىندە 48 تۇلەك, گۋمانيتارلىق جانە الەۋمەتتىك عىلىمدار مەكتەبىندە 33 تۇلەك, عىلىم جانە تەحنولوگيالار مەكتەبىندە 23 تۇلەك, ينجەنەريا مەكتەبىندە 63 تۇلەك, مەديتسينا مەكتەبىندە 25 تۇلەك نازارباەۆ ۋنيۆەرسيتەتىنىڭ ديپلومىنا يە بولدى. ايتا كەتەيىك, جوعارىداعى مەديتسينا مەكتەبىنىڭ تۇلەكتەرى العاشقى تۇلەكتەر بولىپ ەسەپتەلەدى.
ال, دوكتورانتۋرا باعدارلاماسى بويىنشا جوعارى ءبىلىم بەرۋ مەكتەبىندە 3 تۇلەك دوكتور زھD دارەجەسىن الىپ وتىر. ۇلكەن سۇرانىسقا يە ماماندىقتاردىڭ ىشىندە ەلەكترلىك جانە ەلەكتروندى ينجەنەريا, روبوت تەحنيكاسى, بيولوگيالىق عىلىمدار, ساياساتتانۋ جانە حالىقارالىق قاتىناستار, ماتەماتيكا سياقتى پاندەر.
بۇگىنگى تاڭدا ۋنيۆەرسيتەتتە تەگىن ءبىلىم الاتىن گرانت يەلەرىنىڭ سانى 4000 ادام. وقۋعا ءتۇسۋ ەمتيحاندارىنىڭ قورىتىندىلارى بويىنشا ەڭ جوعارعى ناتيجەگە قول جەتكىزگەن تالاپكەرلەر نازارباەۆ ۋنيۆەرسيتەتىندە ستۋدەنتتىڭ بۇكىل وقۋ كەزەڭىندەگى شىعىستارىن وتەيتىن مەملەكەتتىك ءبىلىم بەرۋ گرانتى شەڭبەرىندە ءبىلىم الادى.
سالتاناتتى راسىمدە ۋنيۆەرسيتەت پرەزيدەنتى شيگەو كاتسۋ مىرزا ايتىپ وتكەندەي, نازارباەۆ ۋنيۆەرسيتەتىنىڭ تۇلەكتەرى ءوز وتانىدا دا, سونداي-اق شەتەلدەردە دە سۇرانىسقا يە باسەكەگە قابىلەتتى جاس ماماندار. وتكەن جىلعى العاشقى دوكتورانت تۇلەكتەردى قوسا العاندا, بۇعان دەيىنگى ءۇش جىلدىڭ تۇلەكتەرى, ياعني 1800-گە جۋىق ستۋدەنت وتكەن جىلى ءار ءتۇرلى كومپانيالارعا تابىستى جۇمىسقا ورنالاسقان. «تۇلەكتەردىڭ جارتىسىنان كوبى بىردەن جۇمىسقا ورنالاسادى. ولار قارجى قىزمەتتەرىن كورسەتۋ, ينجەنەريا, روبوت تەحنيكاسى سەكتورلارىندا جۇمىس ىستەيدى, ءىرى كونسالتينگتىك كومپانيالارعا جۇمىسقا ورنالاسادى. ءبىز كوپشىلىگىنىڭ ءوز بيزنەسىن اشۋ ءۇردىسىن كورىپ قۋانامىز. ءبىزدىڭ ستۋدەنتتەرىمىز نەگىزىنەن قازاقستان اۋماعىندا جۇمىس ىستەيدى, ال سىرتقا كەتكەندەر ءوز بىلىمدەرىن ارى قاراي جالعاستىرۋدى كوزدەيدى. ستۋدەنتتەردىڭ ءبىر بولىگى حالىقارالىق كومپانيالارعا تابىستى جۇمىسقا ورنالاسادى», دەيدى ش.كاتسۋ.
سالتاناتتى جيىندا ايتىلعانداي, بۇنىڭ الدىنداعى جىلداردىڭ 30-دان استام تۇلەكتەرى ەۋروپانىڭ, سولتۇستىك امەريكانىڭ جانە ازيانىڭ ەڭبەك نارىعىندا ءوز ورىندارىن تاپقان. ولاردىڭ اراسىندا Google جانە Microsoft سياقتى جەتەكشى ءىت كومپانيالاردا, سونداي-اق سيليكون الابىندا جۇمىسقا ورنالاسقان تۇلەكتەر بار.
ميراس اسان,
«ەگەمەن قازاقستان»