مەملەكەت باسشىسى نۇرسۇلتان نازارباەۆ «يزۋمرۋدنىي كۆارتال» اكىمشىلىك كەشەنىندە بولدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
جاڭا اكىمشىلىك كەشەنى سۋلى-جاسىل بۋلۆاردا ورنالاسقان. كەشەن عيماراتىنىڭ بيىكتىگى – 37 جانە 45 قابات. جالپى اۋماعى – 112 330 شارشى مەتر. اكىمشىلىك ورتالىعى قالانىڭ ىسكەرلىك ءومىرىنىڭ بارلىق زاماناۋي تالاپتارىنا جاۋاپ بەرەدى. وندا جايلى كەڭسەلەر مەن كولىك قويۋعا قولايلى ورىندار بار, ءمولدىر قابىرعالار مەن شاتىرلارى جارىقتى جاقسى قابىلدايدى, ءۇش قاباتتى كەڭىستىكتى فويە تولتىرىپ تۇر. جاڭا بيزنەس-ورتالىقتا ءبىر مەزگىلدە 15 مىڭنان استام ادام جۇمىس ىستەي الادى. «يزۋمرۋدنىي كۆارتال» قۇرىلىسىنا جاڭا تەحنولوگيالار پايدالانىلعان. نىساننىڭ ارحيتەكتۋراسى كوپتەگەن بىرەگەي ەرەكشەلىكتەرگە يە 32 قاباتتان باستاپ, ءار قاباتتىڭ اۋدانى ۇلعايا تۇسەدى, جوعارى بولىگى 15 مەترگە اۋىتقىعان اسسيمەتريالىق عيماراتقا اينالادى.