مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى «مەملەكەتتىك ءتىل جانە باق» رەسپۋبليكالىق كونكۋرسىن جاريالادى.
جالپى ەرەجەلەر
وسى «مەملەكەتتىك ءتىل جانە باق» رەسپۋبليكالىق كونكۋرسىن (بۇدان ءارى – كونكۋرس) وتكىزۋ قاعيدالارى (بۇدان ءارى – قاعيدا) قازاقستان رەسپۋبليكاسى بايلانىس جانە اقپارات قىزمەتكەرلەرىنىڭ كۇنىنە ورايلاستىرىلعان.
كونكۋرستى وتكىزۋدىڭ ماقساتى مەملەكەتتىك ءتىل ساياساتىن بۇقارالىق اقپارات قۇرالدارىندا ناسيحاتتاۋ, قازاقتىلدى كونتەنتتى ارتتىرۋ جانە مەملەكەتتىك ءتىلدىڭ قولدانۋ اياسىن كەڭەيتۋ بولىپ ەسەپتەلەدى.
كونكۋرس ءتورت نوميناتسيادان تۇرادى:
1) «ۇزدىك ماقالا»;
2) «ۇزدىك تەلەباعدارلاما»;
3) «ۇزدىك راديوباعدارلاما»;
4) «ۇزدىك سايت ماقالاسى».
كونكۋرسقا مەملەكەتتىك ءتىلدى دامىتۋ, ناسيحاتتاۋ, ونىڭ قولدانىس اياسىن ارتتىرۋ بويىنشا باق-تا ماتەريالدار جاريالاعان جۋرناليستەر قاتىسا الادى.
الدىڭعى كونكۋرستارداعى باس جۇلدەمەن ماراپاتتالعان جەڭىمپازدار كونكۋرسقا قاتىستىرىلمايدى.
كونكۋرستى ۇيىمداستىرۋ ءتارتىبى
قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى (بۇدان ءارى – كوميتەت) كونكۋرستىڭ ۇيىمداستىرۋشىسى بولىپ سانالادى.
كونكۋرستى وتكىزۋ تۋرالى حابارلاندىرۋ 2018 جىلدىڭ I توقسانىنىڭ سوڭىنا دەيىن بۇقارالىق اقپارات قۇرالدارىندا جاريالانادى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرىلادى.
كونكۋرسقا قاتىسۋ ءۇشىن وسى قاعيدانىڭ 3-تارماعىندا كورسەتىلگەن ءتورت نوميناتسيانىڭ بىرەۋى بويىنشا جازباشا تۇردە كوميتەتكە 2018 جىلعى 12 ماۋسىمعا دەيىن مىناداي قۇجاتتارمەن بىرگە بەرىلەدى:
1) ءوتىنىم (وسى قاعيداعا قوسىمشاعا سايكەس نىسان بويىنشا);
2) 2017 جىلعى 10 ماۋسىم مەن 2018 جىلعى 8 ماۋسىم ارالىعىندا بۇقارالىق اقپارات قۇرالدارىندا جارىق كورگەن ەكى ماتەريالدى, سونىڭ ىشىندە راديو جانە تەلەباعدارلامالاردى, مەملەكەتتىك تىلدەگى سايتتارداعى جانە مەرزىمدىك باسپاسوزدەگى جاريالانعان ماقالالاردى;
3) ماقالا جاريالانعان گازەت-جۋرنالدار, سايتتاردىڭ سكرينشوتتارى, باعدارلامالاردىڭ DVD ديسكىدەگى جازباسى, ماقالالاردىڭ «Word» فورماتىنداعى ەلەكتروندىق نۇسقالارى;
مەرزىمنەن كەيىن ۇسىنىلعان ءوتىنىم كونكۋرسقا قاتىستىرىلمايدى.
كوميتەتكە ۇسىنىلعان قۇجاتتار قايتارىلمايدى.
قورىتىندى ەرەجەلەر
كونكۋرسقا قاتىسۋشىلاردىڭ جۇمىسىن باعالاۋ جانە جەڭىمپازداردى انىقتاۋ ءۇشىن ءتىل مەن ادەبيەت, جۋرناليستيكا سالالارىنىڭ بىلىكتى ماماندارى, عالىمدار, زيالى قاۋىم وكىلدەرىنەن بەس ادامنان تۇراتىن قازىلار القاسى قۇرىلادى. ونىڭ قۇرامىن كوميتەت بەكىتەدى. قازىلار القاسىنىڭ قۇرامى توراعادان جانە ونىڭ مۇشەلەرىنەن تۇرادى. قازىلار القاسى مۇشەلەرىنىڭ داۋىستارى تەڭ بولعان جاعدايدا توراعالىق ەتۋشىنىڭ داۋىسى شەشۋشى بولىپ ەسەپتەلەدى. قازىلار القاسىنىڭ شەشىمى حاتتاما تۇرىندە رەسىمدەلىپ, قازىلار القاسىنىڭ بارلىق قۇرامى قول قويادى. قازىلار القاسى كونكۋرسقا قاتىسۋشىلاردان تۇسكەن ماتەريالدار نەگىزىندە داۋىس بەرۋ ارقىلى كونكۋرستىڭ ءتورت نوميناتسياسى بويىنشا جەڭىمپازداردى انىقتايدى. كونكۋرستىڭ ماراپاتتاۋ ءراسىمى سالتاناتتى تۇردە وتكىزىلەدى.
كونكۋرس جەڭىمپازدارى ارنايى ديپلومدارمەن جانە بەكىتىلگەن سىيلىق قورىمەن ماراپاتتالادى.
كونكۋرستىڭ جەڭىمپازدارى تۋرالى اقپارات كونكۋرس بىتكەننەن كەيىنگى 10 جۇمىس كۇن ىشىندە بۇقارالىق اقپارات قۇرالدارىندا جاريالانادى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرىلادى.
010000, استانا قالاسى, ماڭگىلىك ەل داڭعىلى, 8-ءۇي, «مينيسترلىكتەر ءۇيى», 15-كىرەبەرىس, قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى, «مەملەكەتتىك ءتىل جانە باق» رەسپۋبليكالىق كونكۋرسىنا» دەگەن بەلگىمەن.
بايلانىس تەلەفوندارى: 8 (7172) 74-04-97, 74-14-97, 27-98-36, 40-83-67.