2011 جىلعى 5 جەلتوقسان استانا, ۇكىمەت ءۇيى
«مەديتسينالىق جانە فارماتسەۆتيكالىق قىزمەتتىڭ بىلىكتىلىك تالاپتارى مەن ليتسەنزيالاۋ ەرەجەسىن بەكىتۋ جانە قازاقستان رەسپۋبليكاسى ۇكىمەتىنىڭ 1995 جىلعى 29 جەلتوقسانداعى № 1894 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 جەلتوقسانداعى № 2301 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «مەديتسينالىق جانە فارماتسەۆتيكالىق قىزمەتتىڭ بىلىكتىلىك تالاپتارى مەن ليتسەنزيالاۋ ەرەجەسىن بەكىتۋ جانە قازاقستان رەسپۋبليكاسى ۇكىمەتىنىڭ 1995 جىلعى 29 جەلتوقسانداعى № 1894 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 جەلتوقسانداعى № 2301 قاۋلىسىنا (قازاقستان رەسپۋبليكاسىنىڭ ءپۇاج-ى, 2010 ج., №4, 51-قۇجات) مىناداي وزگەرىستەر مەن تولىقتىرۋلار ەنگىزىلسىن:
تاقىرىپ مىناداي رەداكتسيادا جازىلسىن:
«مەديتسينالىق جانە فارماتسەۆتيكالىق قىزمەتتى ليتسەنزيالاۋ كەزىندە قويىلاتىن بىلىكتىلىك تالاپتارىن بەكىتۋ تۋرالى»;
1-تارماقتىڭ 3) تارماقشاسى الىپ تاستالسىن;
كورسەتىلگەن قاۋلىمەن بەكىتىلگەن مەديتسينالىق جانە فارماتسەۆتيكالىق قىزمەتتى ليتسەنزيالاۋ كەزىندە قويىلاتىن بىلىكتىلىك تالاپتارىندا:
3-تارماق مىناداي رەداكتسيادا جازىلسىن:
«3. نورماتيۆتىك-قۇقىقتىق اكتىلەرگە, ونىڭ ىشىندە قازاقستان رەسپۋبليكاسىنىڭ ۇكىمەتى بەكىتكەن دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى سالاسىنداعى وبەكتىلەردىڭ ۇلگى ەرەجەلەرىنە سايكەس دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ ساپاسىن باقىلاۋدى جانە ءوندىرۋ, دايىنداۋ, ساقتاۋ جانە وتكىزۋ شارتتارىن ساقتاۋدى قامتاماسىز ەتۋگە ارنالعان جابدىق پەن جيھاز, مۇكاممال, اسپاپتار مەن اپپاراتۋرا;»;
مىناداي مازمۇنداعى 3-1-تارماقپەن تولىقتىرىلسىن:
«3-1. شالعايداعى اۋىلدىق جەرلەرگە ارنالعان جىلجىمالى ءدارىحانا پۋنكتى ءۇشىن دارىلىك زاتتار مەن مەديتسينالىق ماقساتتاعى بۇيىمداردى ساقتاۋ مەن وتكىزۋ شارتتارىن ساقتاۋدى قامتاماسىز ەتەتىن ءتيىستى شكافتار مەن توڭازىتقىش جابدىقتار بار اۆتوموبيل كولىگى;»;
7-تارماقتا:
4) تارماقشا مىناداي رەداكتسيادا جازىلسىن:
«4) باستاپقى مەديتسينالىق-سانيتاريالىق, كونسۋلتاتسيالىق-دياگنوستيكالىق كومەك كورسەتەتىن دەنساۋلىق ساقتاۋ ۇيىمدارىنداعى ءدارىحانا پۋنكتى (بۇدان ءارى – ءدارىحانا پۋنكتى) ءۇشىن:
ءدارىحانا پۋنكتىنىڭ مەڭگەرۋشىسىندە, سونداي-اق دارىلىك زاتتاردى جانە مەديتسينالىق ماقساتتاعى بۇيىمداردى وتكىزۋدى جۇزەگە اسىراتىن قىزمەتكەرلەردە جوعارى نەمەسە ورتا فارماتسەۆتيكالىق ءبىلىمى.
ءدارىحانالار جوق شالعايداعى اۋىلدىق جەرلەرگە ارنالعان ءدارىحانا پۋنكتتەرىندە فارماتسەۆتيكالىق ءبىلىمى بار مامان جوق جاعدايدا ءدارىحانا پۋنكتتەرىندە دارىلىك زاتتار مەن مەديتسينالىق ماقساتتاعى بۇيىمداردى وتكىزۋدى دەنساۋلىق ساقتاۋ سالاسىنداعى ۋاكىلەتتى ورگان ايقىنداعان تارتىپپەن اتتەستاتتالعان, مەديتسينالىق ءبىلىمى بار ماماندار جۇزەگە اسىرادى.»;
6) تارماقشا مىناداي رەداكتسيادا جازىلسىن:
«6) وپتيكا دۇكەنى مەڭگەرۋشىسىندە جانە كوزگە سالىناتىن جانە كورۋ قابىلەتىن تۇزەيتىن لينزالاردى وتكىزۋدى جۇزەگە اسىراتىن قىزمەتكەرلەردە جوعارى نەمەسە ورتا فارماتسەۆتيكالىق, مەديتسينالىق نەمەسە تەحنيكالىق ءبىلىمى;»;
8) تارماقشانىڭ ءتورتىنشى ابزاتسىنداعى «ءبىلىمى.» دەگەن ءسوز «ءبىلىمى;» دەگەن سوزبەن اۋىستىرىلسىن;
مىناداي مازمۇنداعى 9) تارماقشامەن تولىقتىرىلسىن:
«9) ءدارىحانالار جوق شالعايداعى اۋىلدىق جەرلەرگە ارنالعان جىلجىمالى ءدارىحانا پۋنكتى (بۇدان ءارى – جىلجىمالى ءدارىحانا پۋنكتى) ءۇشىن:
ءدارىحانا پۋنكتىنىڭ مەڭگەرۋشىسىندە, سونداي-اق دارىلىك زاتتار مەن مەديتسينالىق ماقساتتاعى بۇيىمداردى وتكىزۋدى جۇزەگە اسىراتىن قىزمەتكەرلەردە جوعارى نەمەسە ورتا فارماتسەۆتيكالىق ءبىلىمى.
فارماتسەۆتيكالىق ءبىلىمى بار مامان بولماعان جاعدايدا جىلجىمالى ءدارىحانا پۋنكتتەرىندە دارىلىك زاتتار مەن مەديتسينالىق ماقساتتاعى بۇيىمداردى وتكىزۋدى دەنساۋلىق ساقتاۋ سالاسىنداعى ۋاكىلەتتى ورگان ايقىنداعان تارتىپپەن اتتەستاتتالعان, مەديتسينالىق ءبىلىمى بار ماماندار جۇزەگە اسىرادى.».
2. وسى قاۋلى 2012 جىلعى 30 قاڭتاردا قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.