قازاقستان قۇراماسىنىڭ سەنىم ارتىپ وتىرعان ليدەرى ميحايل كۋكۋشكين «ەگەمەن قازاقستان» تىلشىسىنە سۇقبات بەردى.
– ءسىز وسىعان دەيىن بورنا چوريچپەن 2 رەت كەزدەسىپ ەكەۋىندە دە جەڭىسكە جەتتىڭىز. ەرتەڭگى ويىندا بۇل جاعى قالاي اسەر ەتەدى؟
– وسىدان 2 جىل بۇرىن كەزدەستىك. ەكەۋىندە دە جەڭدىم. ەكى كەزدەسۋ دە قۇم توسەنىشىندە ءوتتى. بىراق, بورنا ول كەزدە بولاشاعىنان ءۇمىت كۇتتىرەتىن جاس بالا ەدى. ول كەزدە جەكە ءوز اتىمنان ويناسام, بۇل جولى قازاقستان قۇراماسىنىڭ نامىسىن قورعايمىن. "دەۆيس كۋبوگى" سونىسىمەن دە ەرەكشەلەنەدى. قازىر ول جەتىلدى. ءوستى. مەن قاتىسىپ جۇرگەن تۋرنيرلەردە مەنەن جوعارى ورىندار يەمدەنىپ ءجۇر. ەرتەڭ بولاتىن ويىن مۇلدە باسقاشا وتەدى دەپ ايتا الامىن. ءتىپتى, سۋ جاڭا بۇرىن كەزدەسپەگەن قارسىلاسپەن شىققالى تۇرعاندايمىن. ونىڭ ۇستىنە ول ەرتەڭ ءوز الاڭىندا وينايدى, ال مەن سىرتتا.
– قۇراما كوماندا ساپىنا ءسال كەشىگىپ كەلگەنىڭىز كەدەرگىسىن كەلتىرمەي مە؟
– كوپ كەشىكتىم دەپ ايتا المايمىن. قۇراما ۆاراجدينگە كەلگەن سوڭ ەرتەسىنە مەن دە جەتتىم. ونىڭ ۇستىنە بورنا چوريچ پەن مارين چيليچتەر دە مەن سەكىلدى اقش-تاعى تۋرنيردە بولدى. قارسىلاستارمەن ول جاعىنان بىردەيمىز. مۇحيتتىڭ ارعى جاعىندا حارد توسەنىشتە ويناساق, بۇل جولى قۇمدا كەزدەسكەلى تۇرمىز. از ۋاقىتتىڭ ىشىندە جىلدام ۇيرەنىسىپ الامىز دەگەن ۇمىتتەمىن.
ەرمۇحامەد ماۋلەن,
«ەگەمەن قازاقستان»
ۆاراجدين, حورۆاتيا.