بۇگىن ەلىمىزدىڭ بىرنەشە ايماعىندا اۋا رايى قۇبىلىپ, تۇمان ءتۇسىپ, كوكتايعاق پەن ەكپىندى جەل بايقالادى. «قازگيدرومەت» ماماندارى قولايسىز مەتەورولوگيالىق جاعدايلارعا بايلانىستى ەسكەرتۋ جاريالادى. اسىرەسە تاۋلى جانە جول قاتىناسى قارقىندى وڭىرلەردە ساق بولۋ قاجەت, دەپ جازادى Egemen.kz.
سينوپتيكتەردىڭ بولجاۋىنشا, تۇركىستان وبلىسىنىڭ باتىسى مەن وڭتۇستىگىندە, سونداي-اق تاۋلى اۋداندارىندا جاۋىن-شاشىن تۇسەدى, كوبىنە جاڭبىر جاۋادى. وبلىستىڭ سولتۇستىگىندە دە جاۋىن-شاشىن كۇتىلەدى. كۇندىز ءوڭىردىڭ وڭتۇستىگىندە نايزاعاي وينايدى. سولتۇستىك, باتىس جانە تاۋلى اۋماقتاردا تۇمان ءتۇسۋى ىقتيمال. سولتۇستىك-شىعىستان سوققان جەل وڭتۇستىك-باتىسقا اۋىسىپ, كەي جەرلەردە 15-20 م/س, تاۋ اسۋلارىندا كۇندىز 23-28 م/س-قا دەيىن كۇشەيەدى.
شىمكەنتتە تۇندە جانە كۇننىڭ سوڭىنا قاراي جاڭبىر جاۋىپ, كەي ۋاقىتتاردا تۇمان تۇسەدى. جەل باعىتى وزگەرىپ, كۇندىز ەكپىنى 15-20 م/س-قا جەتەدى. ال تۇركىستان قالاسىندا تۇندە جاۋىن-شاشىن ءتۇسىپ, كۇننىڭ ەكىنشى جارتىسىندا جاڭبىر جالعاسادى, تۇمان بولۋى مۇمكىن.
الماتى وبلىسىنىڭ باتىسى, وڭتۇستىگى مەن تاۋلى اۋداندارىندا تۇمان ءتۇسىپ, كوكتايعاق قالىپتاسادى. سولتۇستىك-شىعىستان سوققان جەلدىڭ ەكپىنى كەي تۇستا 15-20 م/س-قا جەتەدى. الماتى مەن قوناەۆتا دا تۇمان مەن كوكتايعاق كۇتىلەدى.
بىرقاتار وبلىستا اۋا رايىنا بايلانىستى ەسكەرتۋ جاريالاندى
ۇلىتاۋ وبلىسىنىڭ وڭتۇستىگىندە جولداردا كوكتايعاق بولادى. جەلدىڭ ەكپىنى 15-20 م/س, كۇندىز كەي ۋاقىتتاردا 25 م/س-قا دەيىن كۇشەيەدى. جەزقازعاندا دا جەل ەكپىنى 23 م/س-قا دەيىن جەتۋى مۇمكىن.
قاراعاندى وبلىسىنىڭ باتىسى, سولتۇستىگى مەن وڭتۇستىگىندە تۇمان تۇسەدى. كۇندىز جەلدىڭ جىلدامدىعى 15-20 م/س-قا دەيىن ارتادى.
قىزىلوردا وبلىسىنىڭ وڭتۇستىگىندە كوكتايعاق بولىپ, كۇندىز جاڭبىر مەن قار ارالاس جاۋىن-شاشىن تۇسەدى, بۇرقاسىن سوعادى. ورتالىق جانە شىعىس بولىگىندە دە جاۋىن-شاشىن كۇتىلەدى. جەلدىڭ ەكپىنى كەي جەردە 25 م/س-قا دەيىن جەتەدى. قىزىلوردا قالاسىندا كۇندىز جاۋىن-شاشىن, كوكتايعاق جانە بۇرقاسىن بولادى.
ماڭعىستاۋ وبلىسىنىڭ وڭتۇستىگى, شىعىسى مەن ورتالىعىندا كوكتايعاق قالىپتاسادى.
اقتوبە وبلىسىنىڭ مۇعالجار اۋدانىندا جاياۋ بۇرقاسىن جۇرەدى. جەل ەكپىنى 15-20 م/س شاماسىندا.
باتىس قازاقستان وبلىسىنىڭ باتىسى, سولتۇستىگى مەن وڭتۇستىگىندە تۇمان تۇسەدى. ورالدا تۇندە جانە تاڭەرتەڭ تۇمان كۇتىلەدى.
اباي وبلىسىنىڭ باتىسى, سولتۇستىگى جانە ورتالىعىندا تۇمان بولادى. جەلدىڭ جىلدامدىعى 15-20 م/س-قا جەتەدى. سەمەيدە تۇنگى جانە تاڭعى ۋاقىتتا تۇمان تۇسەدى.
پاۆلوداردا كوكتايعاق سالدارىنان 150-دەن استام ادام جاراقات العان
قوستاناي وبلىسىنىڭ باتىسى, شىعىسى مەن وڭتۇستىگىندە دە تۇمان كۇتىلەدى.
شىعىس قازاقستان وبلىسىنىڭ سولتۇستىگى, شىعىسى جانە وڭتۇستىگىندە تۇمان تۇسەدى. وسكەمەندە تۇندە جانە تاڭەرتەڭ تۇمان بولادى.
جامبىل وبلىسىنىڭ وڭتۇستىك-باتىسى, شىعىسى جانە تاۋلى اۋداندارىندا كوكتايعاق قالىپتاسىپ, كەي ۋاقىتتاردا تۇمان تۇسەدى. جەل ەكپىنى 15-20 م/س, كەي جەرلەردە 23-28 م/س-قا دەيىن كۇشەيەدى. تارازدا دا تۇمان مەن كوكتايعاق كۇتىلەدى.
ماماندار تۇرعىندارعا جولدا اباي بولىپ, الىس ساپارعا شىققاندا اۋا رايى بولجامىن ەسكەرۋدى ۇسىنادى. اسىرەسە كولىك جۇرگىزۋشىلەرىنە جىلدامدىقتى شەكتەپ, قاۋىپسىزدىك تالاپتارىن قاتاڭ ساقتاۋ قاجەت.