الماتىدا وتكەن سالالىق جيىندا قالا مەن ءوڭىردىڭ تاۋ ءتۋريزمىن كەشەندى دامىتۋ ماسەلەسى تالقىلانىپ, جەتەكشى ماماندار مەن ينۆەستورلار ءوز كوزقاراستارىن ءبىلدىردى. سپيكەرلەر الماتىنىڭ بىرەگەي تابيعي الەۋەتى مەن گەوگرافيالىق ارتىقشىلىقتارىن اتاپ ءوتىپ, كلاستەرلىك ءتاسىل ارقىلى ءوڭىردى حالىقارالىق دەڭگەيدەگى تاۋ ءتۋريزمى ورتالىعىنا اينالدىرۋعا بولاتىنىن جەتكىزدى. بۇل تۋرالى الماتى قالاسىنىڭ تۋريزم باسقارماسى ءمالىم قىلدى, دەپ حابارلايدى Egemen.kz
«Kazakh Tourism Development» كومپانياسىنىڭ باس اتقارۋشى ديرەكتورى ەرجان ەركىنباەۆ «Almaty Superski: الماتى اگلومەراتسياسىن كەشەندى دامىتۋداعى كلاستەرلىك ءتاسىلدىڭ ارتىقشىلىقتارى» تاقىرىبىندا بايانداما جاسادى. ونىڭ ايتۋىنشا, Almaty Superski جوباسى الماتىنىڭ تاۋ ينفراقۇرىلىمىن جاڭا دەڭگەيگە كوتەرۋگە باعىتتالعان. جوبا اياسىندا 60 شاقىرىم تاۋ شاڭعىسى تراسساسىن سالۋ, 16 زاماناۋي اسپالى جول ىسكە قوسۋ جانە كۇنىنە 10 مىڭعا دەيىن شاڭعىشىنى قابىلداۋ مۇمكىندىگى قاراستىرىلعان.
سپيكەردىڭ سوزىنشە, مۇنداي اۋقىمدى جوبا تەك تۋريزم سالاسىن عانا ەمەس, كولىك, سەرۆيس, شاعىن جانە ورتا بيزنەس, ءبىلىم بەرۋ باعىتتارىن دا قاتار دامىتۋعا سەرپىن بەرەدى.
الماتى تاۋ كلاستەرىنە تۋريستەردى تارتۋ جۇمىستارى جاندانادى
سونىمەن قاتار, «Almaty Tau Management» كومپانياسى باسقارماسىنىڭ توراعاسى جان-پەر بارالو ەۋروپا ەلدەرىنىڭ تاجىريبەسىنە توقتالدى. ول فرانتسيا مەن اۋستريا قىسقى تۋريزم يندۋسترياسىندا كوش باستاپ تۇرعانىن اتاپ ءوتتى.
ماسەلەن, فرانتسيادا جىل سايىن 54,8 ميلليون, اۋستريادا 52,6 ميلليون شاڭعى تەبۋ كۇنى تىركەلەدى. فرانتسيادا تۇنەمەلەر سانى 100 ميلليوننان اسسا, اۋستريادا بۇل كورسەتكىش 64,7 ميلليونعا جەتكەن. حالىقارالىق تۋريستەر ۇلەسى فرانتسيادا – 35%, ال اۋستريادا – 76%. اۋستريانىڭ قىسقى تۋريزم يندۋسترياسىنىڭ جىلدىق اينالىمى – 12 ميلليارد ەۋرو.
ساراپشىلاردىڭ پىكىرىنشە, تابىستى دامۋ ءۇشىن جۇيەلى ينۆەستيتسيا, ساپالى ينفراقۇرىلىم جانە قىزمەت كورسەتۋ دەڭگەيىن ارتتىرۋ ماڭىزدى. فرانتسيادا قوناقۇيلەردىڭ ورتاشا تولىمدىلىعى – 71%, ال ەڭ جوعارى كەزەڭدە 85% بولعان. بۇل – ۇزاق مەرزىمدى ينۆەستيتسيالىق ساياساتتىڭ ناتيجەسى.
الماتى تاۋ كلاستەرىنىڭ الەۋەتى جوعارى: حالىقارالىق ماماندار پىكىرى ءبىر ارنادا توعىستى
جيىندا ايتىلعانداي, تاۋ كلاستەرى تولىق ىسكە قوسىلعان جاعدايدا, الماتى بۇرىنعىداي بولمايدى. جوبا ءارتۇرلى بىلىكتىلىك دەڭگەيىندەگى ماماندارعا جاڭا جۇمىس ورىندارىن اشادى, ينۆەستورلار ءۇشىن تابىستى باعىت قالىپتاستىرادى, جول, قوعامدىق كولىك, دەنساۋلىق ساقتاۋ سىندى ينفراقۇرىلىمدى جاڭعىرتۋعا ىقپال ەتەدى. ءارىجاڭا ماماندىقتار مەن ءبىلىم بەرۋ باعدارلامالارىن دامىتۋعا جول اشپاق.
وسىلايشا, حالىقارالىق جانە وتاندىق سپيكەرلەر الماتىنىڭ تاۋ ءتۋريزمىن دامىتۋ باستامالارىن قولداپ, كلاستەرلىك مودەلدىڭ ءوڭىر ەكونوميكاسىنا مۋلتيپليكاتيۆتى اسەر بەرەتىنىن اتاپ ءوتتى. الماتىنىڭ تابيعي الەۋەتىن ءتيىمدى پايدالانۋ ارقىلى قالا ورتالىق ازياداعى جەتەكشى تاۋ-شاڭعى ءتۋريزمى ورتالىعىنا اينالۋعا تولىق مۇمكىندىگى بار.