قر اۋىل شارۋاشىلىعى ءمينيسترىنىڭ بۇيرىعىمەن اۋىل شارۋاشىلىعى مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتىنىڭ توراعاسى لاۋازىمىنا ارمان وتەعۇلوۆ تاعايىندالدى, دەپ حابارلادى primeminister.kz.
ارمان وتەعۇلوۆ 1964 جىلى باتىس قازاقستان وبلىسىندا دۇنيەگە كەلگەن. 1989 جىلى ساراتوۆ مەملەكەتتىك زووتەحنيكالىق-ۆەتەرينارلىق ينستيتۋتىن «مال دارىگەرى» ماماندىعى بويىنشا تامامداعان. 2007 جىلى باتىس قازاقستان ينجەنەرلىك-تەحنيكالىق ۋنيۆەرسيتەتىن «ەكونوميكا باكالاۆرى» ماماندىعى بويىنشا بىتىرگەن.
ەڭبەك جولىن 1982 جىلى باستاعان.
1989–1996 جىلدارى بقو فۋرمانوۆ اۋدانى اقكول كەڭشارىنىڭ اعا, باس مال دارىگەرى بولىپ جۇمىس ىستەگەن. 1996–1998 جىلدارى — بقو قازتالوۆ اۋدانى «تالدىاپان» وندىرىستىك كووپەراتيۆىنىڭ ديرەكتورى.
1998–2013 جىلدارى باتىس قازاقستان وبلىسىنىڭ قازتالوۆ, قاراتوبە, تەرەكتى اۋداندارىندا اكىم ورىنباسارى, 2013–2014 جىلدارى — بقو اۋىل شارۋاشىلىعى باسقارماسىنىڭ باسشىسى قىزمەتتەرىن اتقارعان.
2014 جىلدان باستاپ قازىرگى ۋاقىتقا دەيىن باتىس قازاقستان وبلىسى اكىمىنىڭ ورىنباسارى لاۋازىمىن اتقارعان.