سەناتورلار ولگا پەرەپەچينا مەن ەرىك سۇلتانوۆ قازاقستان پرەزيدەنتى ن.نازارباەۆتىڭ بەس الەۋمەتتىك باستاماسىن حالىققا ءتۇسىندىرۋ ماقساتىندا سولتۇستىك قازاقستان وبلىسىنداعى ماعجان جۇماباەۆ اۋدانىنىڭ بۋلاەۆ قالاسىنىڭ, ۆوزۆىشەنكا, الەكساندروۆكا اۋىلدارىندا كەزدەسۋلەر وتكىزدى, دەپ حابارلادى سەناتىنىڭ ءباسپاسوز قىزمەتى.
جۇزدەسۋگە قاتىسۋشىلاردى «7-20-25» جاڭا باعدارلاماسىنىڭ شارتتارى قىزىقتىردى. اتاپ ايتقاندا, اۋىلدىق جەردە تۇراتىنداردىڭ تۇرعىن ءۇيى بولسا دا باعدارلاماعا قاتىسۋعا بولا ما, تۇرعىن ءۇي قۇرىلىسىنا ۇلەستىك تۇرعىدا قاتىساتىن بولسا نەسيە بەرىلە مە, باعدارلاما ەكىنشى تۇرعىن ءۇي الۋعا قولدانىلا ما, جيناقتالعان زەينەتاقى ەسەبىنەن العاشقى 20 پايىز جارنانى تولەۋگە بولا ما, دەگەن ساۋالدار قويىلدى.
ودان باسقا, بەس باستاماداعى شاعىن نەسيە بەرۋ اۋقىمىن كەڭەيتۋ, وبلىستى كەلەشەكتە گازداندىرۋ ماسەلەلەرى دە قوزعالدى.
اۋىل تۇرعىندارى الەكساندروۆ اۋىلىنا باراتىن جولدى جوندەۋگە قارجى ءبولۋ جانە ۆوزۆىشەنكا اۋىلىنداعى سۋ قۇبىرىنىڭ تارماقتارىن جاڭعىرتۋ قاجەتتىگىن ايتتى.
سەناتور و.پەرەپەچينا «ماسلودەل» جاۋاپكەرشىلىگى شەكتەۋلى سەرىكتەستىگىنىڭ ۇجىمىمەن كەزدەسۋ بارىسىندا تەحنيكا سالاسىنىڭ, IT ماماندارى جەتىسپەيتىنى تۋرالى ايتىلدى. ماسەلەن, ءسۇت جانە ءسۇت ونىمدەرىن قوراپتاۋ جەلىسىن ىسكە قوساتىن بىلىكتى ماماندارعا زارۋلىك بار ەكەنى اتالىپ ءوتىلدى. پەتروپاۆل قالاسىنداعى وبلىستىق اۋرۋحانادا بولعان كەزدە دارىگەرلىك جابدىقتاردىڭ جەتىسپەۋشىلىگى تۋرالى ماسەلە قوزعالدى.
سەناتورلار ساپار سوڭىندا پەتروپاۆل قالاسىنداعى جاڭادان سالىنىپ جاتقان قۇرىلىستاردا – سولنەچنىي-2 شاعىن اۋدانى مەن وقۋشىلار سارايىنىڭ قۇرىلىسىندا بولدى.