ەلىمىزدىڭ ەڭ سۇلۋى انىقتالدى

سالتاناتتى كەشتە قازىلار فينالعا شىعاتىن 5 ارۋدى ىرىكتەپ الدى. وعان دينارا بايمۇراتوۆا (سەمەي,17 جاستا), سابينا ازىمباەۆا (الماتى, 18 جاستا), مايمۋنا كۇلكەشەۆا (استانا, 19 جاستا), ءالفيا ەرسايىن (اتىراۋ, 16 جاستا), ەكاتەرينا دۆورەتسكايا (كاراعاندى, 19 جاستا) ىلىكتى. وسىدان سوڭ ەلىمىزدىڭ ەڭ سۇلۋىن ءداستۇرلى تۇردە قازاقستاندىقتار تىكەلەي ەفير ارقىلى وتكىزىلگەن ونلاين جانە سمس داۋىس بەرۋ ارقىلى تاڭدادى. ونىڭ قورى­تىن­دىسى بويىنشا, كوپ داۋىس جيناعان «قازاقستان ارۋى-2018» باي­قاۋىنىڭ جەڭىمپازى انىق­تال­دى. ناتيجەسىندە اتىراۋ قالاسىنىڭ 16 جاستاعى تۇرعىنى ءالفيا ەرسايىنعا 4250 ادام داۋىس بەرىپ, جەڭىمپاز اتاندى.

بۇدان بولەك ءبىرىنشى ۆيتسە-ميسس اتاعىنا ە.دۆورەتسكايا لايىق دەپ تانىلسا, ەكىنشى ۆيتسە-ميسس بو­لىپ م. كۇلكەشەۆا تانىلدى. ال ءۇشىنشى ۆيتسە-ميسس اتاعىن د. باي­مۇراتوۆا جەڭىپ الدى. باي­قاۋ­دا بويجەتكەننىڭ قازاق ءتىلىن مەڭ­گە­رۋى, ادەبيەت, تاريح, سالت-ءداستۇر بويىنشا ءبىلىمى سىنعا تۇسەدى.

«ناتيجەسىن جاريالاعان كەزدە قاتتى قۋاندىم. ءالفيا, راسىن­دا دا بۇل اتاققا لايىق. ءوزى 16 جاستا, قازاقتىڭ قاراپايىم وت­با­­سىندا تاربيەلەنگەن. ونىڭ بوي­ىندا ەرەكشە دارىن بار. قا­زاق قىزدارىنىڭ ءبارى ءالفيا­داي بولسا ەكەن دەيمىن. ناعىز ارۋ, ەڭ باستىسى ونىڭ بويىندا حالقىنا, وتانىنا دەگەن سۇيىسپەنشىلىگى زور. ەگەر ارۋ­ىمىزبەن كوگىلدىر ەكران ار­­قى­لى عانا ەمەس, جاقىنىراق, بەت­پە-بەت تانىسساڭىز, ونىڭ جۇ­رەگى ماحابباتقا تولى ەكەنىن باي­­قايسىزدار. ءبىز, قازىلار ال­قا­­سىنىڭ مۇشەسى رەتىندە ولار­دىڭ ارقايسىسىمەن تىلدەستىك. ءالفيانى «قازاقستان ارۋى» دەپ نىق سەنىممەن ايتا ال­امىن», – دەدى پرەزيدەنتتىڭ «التىن ساپا» سىيلىعىنىڭ لاۋ­رەاتى, «قۇرمەت» وردەنىنىڭ يە­گەرى ىرزا تۇرسىنزادا.

ءالفيا ەرسايىن اتىراۋ گۋما­­نيتارلىق كوللەدجىنىڭ 2-كۋرس ستۋدەنتى. وسى جىلدىڭ با­­سىندا ءوز كوللەدجىندە ەڭ ادە­مى قىز بولىپ تانىلسا, وتكەن جىلى «اتىراۋ ارۋى-2016» باي­قا­ۋىنىڭ ۇزدىك وندىعىنا كىر­­گەن ەدى. قازىرگى تاڭدا مو­دە­لدىك بيزنەستە جۇمىس ىس­تەپ­ جاتىر.

ال بايقاۋ ديرەك­تسيا­سىنىڭ تەح­نيكالىق ءبو­لىم مامانى بي­ىل­عى حال­ىقتىق داۋىس بەرۋ­دىڭ تەح­­ني­كالىق حاتتاما­سىن جا­ڭار­­تۋ­­داعى جاڭا جە­تىس­­تىك­تەرىن اتادى.

– ءبىزدىڭ بيىلعى باستى مىن­دە­تىمىز – بايقاۋدىڭ تىكەلەي ەفيرى كە­زىندە ۇزدىكسىز داۋىس بەرۋدى قام­تاماسىز ەتۋ بولاتىن. ول ءۇشىن داۋىس بەرۋدىڭ العاشقى كۇن­دەرى بارىنشا جۇكتەمە بە­رىلىپ, سىناقتان وتكىزىلدى. نا­تي­جەسىندە فينال كۇنى سەرۆەرگە تۇسىرىلگەن ءبىر مەزگىلدەگى جۇكتەمە 30 مىڭنان (2016 جىل) 70 مىڭ (2018 جىل) پاي­دالانۋشىعا دەيىن كو­بەيىپ كەت­­تى, بۇل بۇكىل ەلدىڭ ۇز­دىك­­­سىز حا­لىقتىق داۋىس بەرۋ مۇم­­كىن­­دىگىن قامتاماسىز ەتتى, – دەدى تە­ح­ني­كالىق ءبولىمنىڭ مامانى رايم دا­دىباەۆ.

ءبىر ايتا كەتەرلىگى, ۇلتتىق في­­نال ادەتتەگىدەي جاڭا جىل قار­­­ساڭىندا ەمەس, ناۋرىز مە­رە­­كە­سى كۇندەرىندە وتكىزىلدى. 22 ناۋ­رىزدان باستاپ «قازاق­س­تان ارۋى-2018» رەسمي سايتىندا بايقاۋ في­نا­ليستەرىنە داۋىس بە­رۋ باستالعان ەدى. «قازاق­ستان ارۋى» باي­­قاۋ­ىنىڭ جە­ڭىم­پا­­زى اقشالاي جۇل­دە­دەن بولەك, ليۋكس برەند­تەرىمەن جار­نا­­ما بويىن­شا بىر­قاتار كە­­لى­سىم­شارت جا­ساي­­دى جانە تيىسىنشە «الەم ارۋى-2018» باي­قاۋىندا قازاق­ ستاننىڭ نامىسىن قور­عاي­تىن بولادى.

قازاقستان ارۋى» باي­قاۋى قازاقستان رەس­پۋب­ليكاسى اۋما­عىن­دا «دۇنيە ء­جۇزى ارۋى» (اقش), «الەم ارۋى» ( ۇلىبريتانيا) سياقتى ءىرى الەمدىك بايقاۋلاردىڭ ارنايى لي­تسەنزيالارىنىڭ بىردەن-ءبىر يەلەنۋشىسى.

ايا ءومىرتاي,

«ەگەمەن قازاقستان»