«ايەلدى ايالا» ۇلتتىق اكتسياسى ءوتتى

سونىمەن 8 ناۋرىز مەرەكە­سىنەن بەرى – ايەلدەردىڭ شىعار­ما­شىلىق باستاماسى ليگاسى مەن  پرەزيدەنت جانىنداعى ايەل­دەر ىستەرى جانە وتباسىلىق-دەمو­گرافيالىق ساياسات جونىندەگى ۇلت­تىق كوميسسياسى زاماناۋي قازاقستانداعى ايەل رولىنە ارنالعان اقپاراتتىق كامپانياسى باستالعانىن مالىمدەدى. اقپاراتتىق كامپانياعا ەلىمىز­دىڭ بەدەلدى جۋرناليستەرى, بلو­گەرلەرى, قوعامدىق ويدىڭ كوش­باس­شى­لارى, ايەل قۇقىعىن قور­عاۋ­شىلارى بىردەن قولداۋ ءبىل­دىردى.

«ايەلدى ايالا» اقپاراتتىق كامپانياسى مەملەكەتتىك تىلدەگى ءارى ونەر جۇلدىزدارى مەن ەلى­مىز­دىڭ قوعام جانە مادەنيەت قاي­راتكەرلەرىن ايەلدەردىڭ قۇقىق­تا­رىن قورعاۋ ماسەلەسى اياسىندا بىرىكتىرەتىن قازاقستانداعى ال­عاشقى اقپاراتتىق ناۋقاننىڭ ءبىرى.

«ايەلدەر مەن قىزداردىڭ قۇقىقتارى ادام قۇقىقتارىنىڭ اجىراماس, قۇرامداس بولىگى بولسا دا كوپ جاعدايدا كەلەڭسىز وقيعالار مەن تومەنسىتۋ ورىن الىپ جاتادى. نازىك جاندىلارعا قاتىستى زورلىق-زومبىلىق تۋرالى رەسمي دەرەكتەر, تەڭدىك پەن قۇقىق ماسەلەسى ءداستۇر مەن əيەلدىڭ قوعامداعى تاپتاۋ­رىن ءرولىنىڭ كو­لەڭ­كەسىندە قا­لىپ قويادى», دەيدى «سوروس-قازاق­ستان» قورىنىڭ ادام قۇ­قىق­تا­رى جونىندەگى باعدار­­­لا­ما­سى­نىڭ ۇيلەستىرۋشىسى ايجان وشاقباەۆا.

«ايەلدەردىڭ قۇقىقتارىن ىسكە اسىرۋعا بايلانىستى زاماناۋي قاۋىپ-قاتەرلەر مەن ماسە­لەلەر بەي­رەسمي, اشىق پىكىر­تالاس الاڭ­دارىندا, فورۋمداردا, مەم­لە­كەت­­پەن ديالوگ بارىسىندا تال­قى­لا­نىپ, مۇمكىندىگىنشە قو­عام­نىڭ ءتۇر­لى سالاسىنىڭ نا­زا­رىن اۋدارۋى ءتيىس. ءبىزدىڭ اق­پا­راتتىق كامپا­نيا ايەلدەردىڭ قۇ­قىق­تارىن قورعاۋ سالاسىنداعى اشىق جانە كوپ قىرلى ديالوگتىڭ باس­تاۋى بولادى دەگەن ۇمىتتەمىن», دەي­دى ايەلدەر شىعارماشىلىق باس­تاماسى ليگاسىنىڭ پرەزيدەنتى اسيا حايرۋللينا.

ەندىگى جەردە كەلەسى جىلعا جال­عاساتىن اقپاراتتىق كامپا­نيا شەڭبەرىندە ايەلدەر مەن قىزدار ءۇشىن تەڭ مۇمكىندىكتەر, زورلىق-زومبىلىقتىڭ الدىن الۋ, الەۋمەتتىك جانە ساياسي بەل­­سەندى ايەلدەردىڭ جەتىس­تىك­تەرىن ناسيحاتتاۋ جايلى بەي­نە­ماتەريالدار دايىن­دال­ماق. سونداي-اق ءارتۇرلى سا­راپ­تا­ما­لىق كەزدەسۋلەر مەن پى­كىر­تا­لاس­تار, تاقىرىپتىق فيلم­دەر كورسەتىلىمى, زاماناۋي ونەر كور­مەلەرى وتكىزىلەدى دەپ جوسپارلانۋدا.

ۇيىمداستىرۋشىلار باس­تاماعا قۋانا قوسىلعان تەلە­جۇر­گىزۋشىلەر دانا نۇرجىگىت پەن ءلايلا سۇلتانقىزىنا, ءانشى اق­مارجان كوشىرباەۆاعا, باحىت شاداەۆا مەن جەڭىس ىس­قاقوۆاعا, جۋرناليست اينا دوس­مۇحامەدقىزىنا, اقجەلەڭ يسا­باەۆاعا, ارۋنا امزەەۆاعا, اك­تەر ءشارىپ سەرىككە, اسەل ساعا­تو­ۆاعا وسى الەۋمەتتىك جوبانى قول­دا­عانى ءۇشىن العىس بىلدىرۋدە.

ايناش ەسالي,

«ەگەمەن قازاقستان»

الماتى