باتىس قازاقستان وبلىسىنا جۇمىس ساپارىمەن كەلگەن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى, «نۇر وتان» پارتياسى فراكتسياسىنىڭ مۇشەلەرى باقىتبەك سماعۇل, امانجان جامالوۆ جانە ساپارحان وماروۆ «جايىق ەت» كاسىپورنىن ارالادى.
جىلىنا 7 مىڭ توننا قۇس ەتىن وندىرەتىن «جايىق ەت» كاسىپورنى 2003 جىلى بۇرىنعى ورال ەت كومبيناتى بازاسىندا اشىلعان بولاتىن. Hantmann, LasKalo, Pek Mont سەكىلدى بەلگىلى ەۋروپالىق برەندتەردىڭ قۇرال-جابدىعى ورناتىلعان كاسىپورىندا ەت پەن شۇجىقتىڭ جۇزدەن استام ءتۇرى, قالبىر ونىمدەرى شىعارىلادى.
- اۋىل شارۋاشىلىعى سالاسى مەملەكەت پەن بارلىق قارجى ينستيتۋتتارى تاراپىنان جان-جاقتى قولداۋدى قاجەت ەتەدى. مەملەكەت پەن ۇكىمەت اۋىل شارۋاشىلىعىن دامىتۋعا باعىتتالعان كەشەندى شارالاردى اتقارىپ جاتىر. بىلتىر اۋىل شارۋاشىلىعىن دامىتۋدىڭ جاڭا باعدارلاماسى قابىلداندى. سول كومەكتىڭ ارقاسىندا ەلىمىزدە ءوندىرىس ورىندارى كوپتەپ اشىلۋدا. ەلباسى شيكىزات وندىرۋمەن شەكتەلىپ قالماي, تەرەڭ وڭدەۋ ونەركاسىبىن دامىتۋدىڭ ماڭىزدىلىعىن ۇنەمى ايتىپ كەلەدى. وسى ورايدا «جايىق ەت» كاسىپورنى سياقتى زاماناۋي تەحنولوگيامەن جابدىقتالعان ءوندىرىس ورىندارىن دامىتىپ, اينالاسىنا شاعىن جانە ورتا شارۋا قوجالىقتارىن بىرىكتىرۋى ءتيىس, - دەيدى ءماجىلىس دەپۋتاتى ساپارحان وماروۆ.
قازبەك قۇتتىمۇرات ۇلى
«ەگەمەن قازاقستان»
باتىس قازاقستان
سۋرەتتى تۇسىرگەن تەمىربولات توقمامبەتوۆ