پارلامەنت سەناتىنىڭ دەپۋتاتتارى بىرعانىم ءايتىموۆا مەن باقتىباي شەلپەكوۆ اقتاۋ قالاسىندا اكادەميك ش. ەسەنوۆ اتىنداعى كاسپي مەملەكەتتىك تەحنولوگيا جانە ينجينيرينگ ۋنيۆەرسيتەتىنىڭ ستۋدەنتتەرىمەن جانە پروفەسسورلار-وقىتۋشىلار قۇرامىمەن كەزدەستى.
دەپۋتاتتار كەزدەسۋ بارىسىندا قازاقستاندىق قوعامدى الەۋمەتتىك جاڭعىرتۋعا ارنالعان بەس پرەزيدەنتتىك باستامانى شاراعا قاتىسۋشىلارعا جان-جاقتى ءتۇسىندىردى. ءار وتباسىنا, ونىڭ ىشىندە جاستارعا تۇرعىن ءۇي ساتىپ الۋدىڭ جاڭا مۇمكىندىكتەرى, ەڭبەكاقىسى تومەن جۇمىسشىلارعا سالىق اۋىرتپالىعىن تومەندەتۋ, جوعارى ءبىلىم الۋ جونىندەگى جاڭالىقتار مەن ونىڭ ساپاسىن كوتەرۋ شارالارى تۋرالى اڭگىمە قوزعالدى.