192 وتباسىعا پاتەرلەردىڭ كىلتىن قاراعاندى وبلىسىنىڭ اكىمى ەرلان قوشانوۆ تابىس ەتتى, دەپ حابارلايدى وبلىس اكىمدىگىنىڭ ءباسپاسوز قىزمەتى.
ب. مومىش ۇلى كوشىسى بويىنداعى تۇرعىن ءۇي كەشەنىندە العاشقى بولىپ جاڭا پاتەرلەردى كوپبالالى, وتباسىندا مۇگەدەك بالالار بارلارى, سونداي-اق تولىق ەمەس وتباسىلار الدى. ولار «تۇرعىنۇيقۇرىلىسجيناقبانكى» اق ارقىلى «نۇرلى جەر» مەملەكەتتىك باعدارلاماسىنا قاتىستى.
- بۇل جاڭا ۇيلەردەگى پاتەرلەر تاماشا, - دەدى ايماق باسشىسى. – مۇندا جاقىن ارادا مەكتەپ, بالاباقشا, ەمحانا, دۇكەندەر مەن جايلى ومىرگە قاجەتتى بارلىق ينفراقۇرىلىم پايدا بولادى. كەلەشەكتە بۇل اۋدان قاراعاندىنىڭ ورتالىعىنا اينالادى. ءار وتباسى ءۇشىن باسپاناعا يە بولۋ ۇلكەن ارمان, جانەدە بۇگىنگى كۇنى ول ارماندار ورىندالىپ جاتىر. بارلىقتارىڭىزعا ناۋرىز مەيرامى باقىت پەن جاقسىلىق سىيلاسىن دەپ تىلەيمىن. جاڭا قونىس – ول تەك سىزدەردىڭ عانا قۋانىشتارىڭىز ەمەس, وعان ءبىز دە – قالا, وبلىس باسشىلىعى قاتتى قۋانامىز, سەبەبى ەلباسى الدىمىزعا ۇلكەن مىندەت قويدى: ايماقتىڭ تۇرعىندارىنىڭ الەۋمەتتىك ءومىر دەڭگەيىن كوتەرۋ. ول ءۇشىن ءبىز جۇمىس ىستەۋىمىز قاجەت. ەڭ باستى جانە قيىن مىندەت – بارلىق مۇقتاج ازاماتتاردى باسپانامەن قامتاماسىز ەتۋ.
جاڭاگۇل الدانازاروۆا, باستاۋىش سىنىپ مۇعالىمى جانە كوپبالالى انا, باسپانا الۋعا كەزەكتە 2010-شى جىلدان بەرى تۇرعان. بۇگىن وبلىس اكىمىنىڭ قولىنان ارمانداعان كىلتىن الىپ, ول «نۇرلى جەر» باعدارلاماسىنا قاتىسۋعا مۇمكىندىك العانى ءۇشىن العىسىن ءبىلدىرىپ, ەرلان قوشانوۆتى قوناققا شاقىردى. قونىستانعان وتباسىنىڭ داستارحانى ۇلتتىق تاعامداردان جايناپ تۇردى.
- بۇرىن ءبىز كىشكەنتاي پاتەردە مايقۇدىقتا, 13-ءشى ىقشام اۋداندا تۇردىق. قازىرگى جاڭا پاتەرىمىز ۇلكەن, 70 شارشى مەتر. مۇندا بارلىعىمىزعا جايلى بولادى, - دەدى جاڭاگۇل.
كەلەسى وقۋ جىلى قارساڭىندا جاڭا ىقشام اۋداندا 1200 ورىنعا شاقتالعان مەكتەپ اشىلادى. ۇيلەردىڭ تومەنگى قاباتتارىندا ەمحانا مەن مەكتەپكە دەيىنگى بۇلدىرشىندەرگە ارنالعان شاعىن ورتالىقتارعا ورىن قالدىرىلعان.
كۇن جىلىعان بەتتە اۋلالار اباتتاندىرىلاتىن بولادى: اسفالت توسەلىپ, جارىق شامدارى ورناتىلىپ, بالالار الاڭى قۇرىلادى.
بارلىعى جاڭا تۇرعىن ءۇي كەشەنىندە 1125 پاتەر بار. جىل سوڭىنا قاراي بارلىق ۇيلەر سالىنىپ ءبىتىپ, قولدانىسقا بەرىلمەك. عيماراتتاردىڭ جالپى اۋدانى – 83 503 شارشى مەتر, ولارىڭ 59 532-ءى – پاتەرلەردىڭ اۋدانى.
قازىر وبلىس ورتالىعىندا باسپاناعا كەزەكتە 15 714 ادام تۇر. ولاردىڭ اراسىندا جەتىمدەر, مۇگەدەكتەر, ۇوس ارداگەرلەرىنە تەڭەستىرىلگەن ازاماتتار, مۇگەدەك بالالارى بار اتا-انالار, سوزىلمالى دەرتتەرگە شالدىققان تۇلعالار, كوپبالالى جانە تولىق ەمەس وتباسىلار, مەملەكەتتىك قىزمەتكەرلەر جانە باسقالارى بار.
«نۇرلى جەر» تۇرعىن ءۇي قۇرىلىس باعدارلاماسى بىرنەشە باعىتتاردان قۇرالادى جانە قازاقستاندىقتاردىڭ تۇرعىن ءۇي جاعدايلارىنىڭ ساپاسىن جوعارىلاتۋعا, يپوتەكالىق نەسيەلەۋ سەكتوردى ىنتالاندىرۋعا ارنالعان. باعدارلامانىڭ ماقساتى – ازاماتتارعا ءوز باسپاناسىن الۋعا كومەكتەسۋ بولىپ تابىلادى.