بۇگىن “قازاقستان” ۇلتتىق تەلەارناسىندا پرەزيدەنتتىڭ بەس الەۋمەتتىك باستاماسى ۇندەۋى تۋرالى رەسپۋبليكالىق تەلەكوپىر ءوتتى.
قر پارلامەنتى سەناتىنىڭ دەپۋتاتى بەكمىرزا ەلامانوۆ “ەلباسى ۇندەۋى حالىقتىڭ تۇرمىس تىرشىلىگىن جاقسارتۋعا باعىتتالعان” دەدى.
“ەلباسىنىڭ بەس الەۋمەتتىك باستاماسى حالىقتىڭ كوكەيىندە جۇرگەن وزەكتى ماسەلەلەردى قوزعادى. سەبەبى, بەس باستاما دا حالىقتىڭ تۇرمىس تىرشىلىگىن جاقسارتۋعا باعىتتالعان. بۇل ماسەلەلەر حالىقپەن كەزدەسۋلەردە, پارلامەنت پالاتالارىندا ساۋالدار رەتىندە بۇرىننان ايتىلىپ كەلگەن. بىراق, ەلباسى ءوزى ايتقانداي, بۇل وزەكتى ماسەلەلەر بارلىق دايىندىقتان ءوتىپ, قارجىلىق مۇمكىندىگى ەسكەرىلىپ مەزگىلى كەلگەن كەزدە كوتەرىلىپ وتىرعان ماسەلەلەر. حالىق بۇل باستامالاردى جاقسى قابىلداپ جاتىر”, دەدى بەكمىرزا ەلامانوۆ.
ەسكە سالا كەتەيىك, تەلەكوپىرگە پارلامەنت سەناتى مەن ءماجىلىسىنىڭ دەپۋتاتتارى, “نۇر وتان” پارتياسىنىڭ حاتشىسى, “اتامەكەن” قر ۇلتتىق كاسىپكەرلەر پالاتاسىنىڭ باسقارما توراعاسى جانە بەلگىلى ساياساتكەرلەر مەن ساياساتتانۋشىلار قاتىستى.