بۇگىن “قازاقستان” ۇلتتىق تەلەارناسىندا پرەزيدەنتتىڭ بەس الەۋمەتتىك باستاماسى ۇندەۋى تۋرالى رەسپۋبليكالىق تەلەكوپىر ءوتتى.
“نۇر وتان” پارتياسىنىڭ حاتشىسى تامارا دۇيسەنوۆا “جالپى ەلباسىنىڭ جىلداعى جولداۋىندا الەۋمەتتىك ماسەلەلەر باستى ماقساتتار بولاتىن. ال پرەزيدەنتتىڭ بەس الەۋمەتتىك باستاماسى سول جولداۋلارداعى باعىتتاردىڭ ودان ارى قاراي جالعاسى دەپ ايتۋعا بولادى. ءبىر ميلليوننان استام “نۇر وتان” پارتياسىنىڭ نەگىزگى مۇشەلەرى بۇل باستامالاردى تولىقتاي قولدايتىنىن جەتكىزىپ جاتىر. بۇگىن دەموكراتيالىق كۇشتەردىڭ جالپىۇلتتىق كواليتسيا مۇشەلەرىمەن دوڭگەلەك ۇستەل وتكىزىپ, وسى باستامالاردىڭ ىسكە اسۋىنا جۇمىلا ۇلەس قوساتىندىقتارىن مالىمدەدى” دەدى.
ايتا كەتەيىك,تەلەكوپىرگە پارلامەنت سەناتى مەن ءماجىلىسىنىڭ دەپۋتاتتارى, “نۇر وتان” پارتياسىنىڭ حاتشىسى, “اتامەكەن” قر ۇلتتىق كاسىپكەرلەر پالاتاسىنىڭ باسقارما توراعاسى جانە بەلگىلى ساياساتكەرلەر مەن ساياساتتانۋشىلار قاتىستى.