ماڭعىستاۋ وبلىسىندا قازاقستان رەسپۋبليكاسىندا ءدىني ەكسترەميزم مەن تەرروريزمگە قارسى ءىس-قيمىل جونىندەگى 2013-2017 مەملەكەتتىك باعدارلاماسىن ىسكە اسىرۋ قورىتىندىسى تۋرالى وبلىس اكىمى اپپاراتىنىڭ قۇقىق قورعاۋ ورگاندارىمەن جۇمىس, تەرروريزمگە قارسى ءىس-قيمىل جانە جۇمىلدىرۋ دايىندىعى ءبولىمىنىڭ باسشىسى سىمبات تورەتاەۆ باياندادى.
س.تورەتاەۆتىڭ ايتۋىنشا, 2013-2017 جىلدارى اقپاراتتىق-تۇسىندىرمە توپ مۇشەلەرى حالىق اراسىندا 330 مىڭ ادامدى قامتيتىن 2700-دەن استام ءار ءتۇرلى فورماتتا ءىس-شارالار وتكىزىلدى. ونىڭ ىشىندە 989 شارامەن 103 مىڭنان استام جاستار قامتىلدى.
- 55 مىڭنان استام بالالاردى قامتيتىن 9 اسكەري پاتريوتتىق كلۋب پەن 86 جاسوسپىرىمدەر كلۋبى, «جاس ۇلان», «جاس قىران» بالالار مەن جاستار ۇيىمدارى قۇرىلدى. وبلىستاعى بارلىق ءبىلىم بەرۋ وشاقتارى زاماناۋي قورعانىسپەن, دابىل جۇيەلەرىمەن جانە بەينەباقىلاۋ كامەرالارىمەن 100% قامتاماسىز ەتىلگەن.بۇدان باسقا, مەملەكەتتىك-جەكە مەنشىك ارىپتەستىك شەڭبەرىندە «قاۋىپسىز قالا» جوباسىن جۇزەگە اسىرۋ ءۇشىن كوشەلەردە كامەرالار ورناتۋ ءۇشىن 2,1 ملرد. تەڭگەدەن استام (1800 بىرلىك) سىرتقى بەينەباقىلاۋدى كەزەڭ-كەزەڭمەن قامتاماسىز ەتۋ جوسپارلانۋدا, ءبىرىنشى كەزەڭدە ەڭ قىلمىستىق اۋدانداردا 500 كامەرانى ورناتۋ جوسپارلانۋدا, دەدى ول.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى