ستانيمير ستويلوۆ قازاقستان ۇلتتىق قۇراماسىنىڭ باس باپكەرى رەتىندە تاعايىندالعاننان كەيىن, «استانا» كومانداسىنىڭ تىزگىنىن گريگوري بابايان ۇستادى.
گريگوري كونستانتينوۆيچ «PRO» جاتتىقتىرۋشى ساناتىنا يە, ۇزاق ۋاقىت بويى قازاقستان قۇراماسىندا, «استانا», «تسەسنا» جانە «الما-اتا» فۋتبول كلۋبتارىندا باس باپكەردىڭ كومەكشىسى قىزمەتىن اتقارعان.
بابايان ءار كەزەڭدە ميروسلاۆ بەرانەك, بەرند شتورك, انتونيۋس يورا, يوان اندونە, يۋري كراسنوجان, ولەگ پروتاسوۆ جانە ستانيمير ستويلوۆتىڭ جاتتىقتىرۋشىلار قۇرامىندا جۇمىس ىستەدى.
2014 جىلى قازاقستاندىق مامان ەلوردالىق كوماندانى ماۋسىمعا دايىنداپ, سول جىلدىڭ جازىنا دەيىن باس باپكەردىڭ مىندەتىن اتقاردى. باپكەر رەتىندە قازاقستان چەمپيوناتىندا ءتورت مارتە جەڭىمپاز اتانىپ, ءۇش رەت كۋبوكتا جانە سۋپەركۋبوكتا توپ جاردى.