عىلىم سالاسىنداعى جاساندى ينتەللەكت

سالتاناتتى جيىنعا 400-دەن استام وتاندىق جانە شەتەلدىك عالىمدار, سا­لا­لىق مينيسترلىكتەر مەن جەرگىلىكتى ات­قا­رۋشى ورگانداردىڭ, يندۋستريا مەن بيز­نەس سالالارىنىڭ وكىلدەرى, جوعارى وقۋ ورىندارى مەن عىلىمي زەرتتەۋ ينستيتۋت­تارى­نىڭ باسشىلارى قاتىسىپ, عىلىمدى بولجاۋ, تەحنولوگيالىق دامۋ باعىتتا­رىن ايقىنداۋ جانە پرەديكتيۆتى اناليتيكانى ەنگىزۋ ماسەلەلەرىن تالقىلادى. ءىس-شارانىڭ باستى تاقىرىبى – عىلىمدى باسقارۋدىڭ جاڭا ءتاسىلى مەن جاساندى ينتەللەكت مۇمكىندىگىن ۇلتتىق عىلىمي ينفراقۇرىلىمعا ەنگىزۋ بولدى.

پرەزيدەنت جانىنداعى ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ جاڭا ورتالىقتىڭ اشىلۋىن عىلىمدى ۇيىمداستىرۋداعى ساپالى وزگەرىستىڭ باستاماسى دەپ باعالادى. ونىڭ ايتۋىنشا, عىلىم بۇرىنعى­داي جەكە جوبالاردىڭ جيىنتىعى ەمەس, ەلدىڭ الەۋمەتتىك-ەكونوميكالىق دامۋىنا قىزمەت ەتەتىن ءبىرتۇتاس جۇيە بولۋعا ءتيىس. ء«بىز عىلىمدى قارجىلاندىرۋ­دىڭ بىتىراڭقى مودەلىنەن باس تارتىپ, رەسۋرستاردى ستراتەگيالىق باسىمدىقتارعا باعىتتايتىن جاڭا ارحيتەكتۋراعا كوشۋىمىز قاجەت. «AI SilkNet» وسى ۇدەرىستىڭ ينتەل­لەكتۋالدىق وزەگىنە اينالادى», دەدى ول. اكادەميا پرەزيدەنتى عىلىمي سايا­سات ناقتى ناتيجەگە, ۇلتتىق باسەكەگە قابى­لەتتىلىكتى ارتتىرۋعا جانە بولاشاق تەحنولوگيالىق مۇمكىندىكتى الدىن الا انىقتاۋعا نەگىزدەلۋى كەرەكتىگىن اتاپ ءوتتى.

«AI SilkNet» ورتالىعى ۇلتتىق عىلىم اكا­دەمياسى مەن كورەي عىلىمي-تەحني­كا­­لىق اقپارات ينستيتۋتىنىڭ (KISTI) بىر­لەس­كەن باستاماسى رەتىندە قۇرىلدى. اشىلۋ راسى­مى­نە قاتىسقان KISTI پرەزيدەنتى دوكتور سيك لي قازىرگى الەمدە عىلىمي جەتىستىك دە­رەكتەردى ءتيىمدى تالداۋ مەن ۇزاقمەرزىمدى بول­جاۋعا تىكەلەي بايلانىستى ەكەنىن ايتتى. «فور­سايت جانە پرەديكتيۆتى اناليتيكا مەم­لەكەتتەرگە تەحنولوگيالىق وزگەرىستەر­دى الدىن الا تۇسىنۋگە مۇمكىندىك بەرەدى. قازاقستانمەن بىرلەسكەن بۇل ورتا­لىق عىلىمي ىنتىماقتاستىقتى جاڭا دەڭگەيگە كوتەرىپ, ورتالىق ازيا ءۇشىن ماڭىزدى تالداۋ الاڭىنا اينالادى», دەدى عىلىم اكادەمياسىنىڭ پرەزيدەنتى.

جاساندى ينتەللەكت جانە تسيفرلىق دامۋ ۆيتسە-ءمينيسترى دميتري مۋن جاڭا پلاتفورمانىڭ ۇلتتىق عىلىم ءۇشىن ستراتەگيالىق ماڭىزىنا توقتالدى. ونىڭ سوزىنشە, «AI SilkNet» عىلىمي اقپارات­تىڭ اۋقىمدى كولەمىن تالداپ, جاھاندىق تەحنولوگيالىق ترەندتەردى انىقتاۋعا, پاتەنتتىك جانە جاريالانىمدىق انالي­تيكا جۇرگىزۋگە, سونداي-اق ءتۇرلى سالالار­دىڭ دامۋىنا ارنالعان پرەديكتيۆتى ستسەناريلەر جاساۋعا مۇمكىندىك بەرەدى. «عى­لىم مەن تەحنولوگيا فورسايتى – ستراتەگيا­لىق باسقا­رۋ قۇرالى. ۇلتتىق جي پلات­فور­ماسى عى­لى­مي اقپارات كولەمىن تالداۋ­عا, عا­لام­دىق تەحنولوگيالىق ترەندتەردى انىق­تاۋعا, پاتەنتتىك جانە جاريالانىمدىق ­انا­ليتيكانى جۇرگىزۋگە, سالالاردىڭ دا­­مۋىنا پرەديكتيۆتىك ستسەناريلەر جا­­ساۋعا جانە عىلىمي ءارى ەكسپەرتتىك تاپسىرما- لارعا ارنالعان ارنايى AI-اگەنت­تەردى قۇ­رۋعا مۇمكىندىك بەرەدى», دەدى ۆيتسە-مينيستر.

جاڭا ورتالىق عىلىمي, تەحنولوگيالىق جانە يندۋستريالىق دەرەكتەردى بىرىكتىرىپ, عى­لىمي زەرتتەۋ جانە تاجىريبەلىك-كونس­ترۋك­­­تور­لىق جۇمىستاردىڭ باسىم باعىت­تا­­رىن نەگىزدەۋگە باعىتتالادى. سونى­مەن قاتار­ «AI SilkNet» اكادەمياعا ارنايى جي-­اگەنت­تەر ازىرلەۋگە, ستراتەگيالىق بايان­­دامالار­دى جەدەل دايىنداۋعا جانە الەم­دەگى تەح­نولوگيالىق وزگەرىستەردى تۇراق­­تى ساراپ­تاۋعا مۇمكىندىك بەرەدى. ساراپ­شىلار­دىڭ پىكىرىنشە, بۇل عىلىم, مەم­لەكەت جانە ەكونوميكانىڭ ناقتى سەكتورى ارا­سىنداعى بايلانىستى كۇشەيتىپ, عىلى­مي شەشىم قابىلداۋدى جاڭا دەڭگەيگە شىعارادى.

ستراتەگيالىق سەسسيا بارىسىندا وڭىر­لىك عىلىمدى دامىتۋ, فورسايت جە­لىسىن قالىپتاستىرۋ جانە عىلىمي باسىم­دىقتاردى ايقىنداۋعا اكىمدىكتەر مەن يندۋستريا وكىلدەرىن تارتۋ ماسەلەلەرى دە كەڭى­نەن تالقىلاندى.